1. Surāpānasikkhāpadaṃ

Author： _System_Pali_VRI_ @ Administrator

1. Surāpānasikkhāpadaṃ

326. TenaT2.382V0.148 samayena buddho bhagavā cetiyesu cārikaṃ caramāno yena bhaddavatikā tena pāyāsi .

Addasaṃsu kho gopālakā pasupālakā kassakā pathāvino bhagavantaṃ dūratova āgacchantaṃ .

Disvāna bhagavantaṃ etadavocuṃ –

‘‘ mā kho , bhante , bhagavā ambatitthaṃ agamāsi .

Ambatitthe , bhante , jaṭilassa assame nāgo paṭivasati iddhimā āsiviso [ āsīviso ( sī . syā .)] ghoraviso .

So bhagavantaṃ mā viheṭhesī ’’ ti .

Evaṃ vutte bhagavā tuṇhī ahosi .

Dutiyampi kho … pe … tatiyampi kho gopālakā pasupālakā kassakā pathāvino bhagavantaṃ etadavocuṃ –

‘‘ mā kho , bhante , bhagavā ambatitthaṃ agamāsi .

Ambatitthe , bhante , jaṭilassa assame nāgo paṭivasati iddhimā āsiviso ghoraviso .

So bhagavantaṃ mā viheṭhesī ’’ ti .

Tatiyampi kho bhagavā tuṇhī ahosi .

Atha kho bhagavā anupubbena cārikaṃ caramāno yena bhaddavatikā tadavasari .

Tatra sudaṃ bhagavā bhaddavatikāyaṃ viharatiP4.109 .

Atha kho āyasmā sāgato yena ambatitthassa [ ambatitthakassa ( sī .), ambatitthaṃ ( syā .)] jaṭilassa assamo tenupasaṅkamiM0.145 ;

upasaṅkamitvā agyāgāraṃ pavisitvā tiṇasanthārakaṃ paññapetvā nisīdi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā .

Addasā kho so nāgo āyasmantaṃ sāgataṃ paviṭṭhaṃT2.383 .

Disvāna dummano [ dukkhī dummano ( sī . syā .)] padhūpāyi [ padhūpāsi ( syā . ka .)].

Āyasmāpi sāgato padhūpāyi [ padhūpāsi ( syā . ka .)].

Atha kho so nāgo makkhaṃ asahamāno pajjali .

Āyasmāpi sāgato tejodhātuṃ samāpajjitvā pajjali .

Atha kho āyasmā sāgato tassa nāgassa tejasā tejaṃ pariyādiyitvā yena bhaddavatikā tenupasaṅkami .

Atha kho bhagavā bhaddavatikāyaṃ yathābhirantaṃ viharitvā yena kosambī tena cārikaṃ pakkāmi .

Assosuṃ kho kosambikā upāsakā –

‘‘ ayyo kira sāgato ambatitthikena nāgena saddhiṃ saṅgāmesī ’’ ti .

Atha kho bhagavā anupubbena cārikaṃ caramāno yena kosambī tadavasari .

Atha kho kosambikā upāsakā bhagavato paccuggamanaṃ karitvā yenāyasmā sāgato tenupasaṅkamiṃsu ;

upasaṅkamitvā āyasmantaṃ sāgataṃ abhivādetvā ekamantaṃ aṭṭhaṃsu .

Ekamantaṃ ṭhitā kho kosambikāV0.149 upāsakā āyasmantaṃ sāgataṃ etadavocuṃ –

‘‘ kiṃ , bhante , ayyānaṃ dullabhañca manāpañca , kiṃ paṭiyādemā ’’ ti ?

Evaṃ vutte chabbaggiyā bhikkhū kosambike upāsake etadavocuṃ –

‘‘ atthāvuso , kāpotikā nāma pasannā bhikkhūnaṃ dullabhā ca manāpā ca , taṃ paṭiyādethā ’’ ti .

Atha kho kosambikā upāsakā ghare ghare kāpotikaṃ pasannaṃ paṭiyādetvā āyasmantaṃ sāgataṃ piṇḍāya paviṭṭhaṃ disvāna āyasmantaṃ sāgataṃ etadavocuṃ –

‘‘ pivatu , bhante , ayyo sāgato kāpotikaṃ pasannaṃ , pivatuT2.384 , bhante , ayyo sāgato kāpotikaṃ pasannan ’’ ti .

Atha kho āyasmā sāgato ghare ghare kāpotikaṃ pasannaṃ pivitvā nagaramhā nikkhamanto nagaradvāre paripati .

Atha kho bhagavā sambahulehi bhikkhūhi saddhiṃ nagaramhā nikkhamanto addasa āyasmantaṃ sāgataṃ nagaradvāre paripatantaṃ .

Disvāna bhikkhū āmantesi –

‘‘ gaṇhatha , bhikkhave , sāgatan ’’ ti .

‘‘ Evaṃ , bhante ’’ ti kho te bhikkhū bhagavato paṭissuṇitvā āyasmantaṃ sāgataṃ ārāmaṃ netvā yena bhagavā tena sīsaṃ katvā nipātesuṃ .

Atha kho āyasmā sāgato parivattitvā yena bhagavā tena pāde karitvā seyyaṃ kappesiM0.146 .

Atha kho bhagavā bhikkhū āmantesi –

‘‘ nanu , bhikkhave , pubbe sāgato tathāgate sagāravo ahosi sappatisso ’’ tiP4.110 ?

‘‘ Evaṃ , bhante ’’.

‘‘ Api nu kho , bhikkhave , sāgato etarahi tathāgate sagāravo sappatisso ’’ ti ?

‘‘ No hetaṃ , bhante ’’.

‘‘ Nanu , bhikkhave , sāgato ambatitthikena nāgena [ ḍeḍḍubhenāpi ( sī . syā .)] saddhiṃ saṅgāmesī ’’ ti ?

‘‘ Evaṃ , bhante ’’.

‘‘ Api nu kho , bhikkhave , sāgato etarahi pahoti nāgena saddhiṃ saṅgāmetun ’’ ti ?

‘‘ No hetaṃ , bhante ’’.

‘‘ Api nu kho , bhikkhave , taṃ pātabbaṃ yaṃ pivitvā visaññī assā ’’ ti ?

‘‘ No hetaṃ , bhante ’’.

‘‘ Ananucchavikaṃ , bhikkhave , sāgatassa ananulomikaṃ appatirūpaṃ assāmaṇakaṃ akappiyaṃ akaraṇīyaṃ .

Kathañhi nāma , bhikkhave , sāgato majjaṃ pivissati !

Netaṃ , bhikkhave , appasannānaṃ vā pasādāya … pe … evañcaT2.385 pana , bhikkhave , imaṃ sikkhāpadaṃ uddiseyyātha –

327.‘‘ Surāmerayapāne pācittiyan ’’ ti .

328. Surā nāma piṭṭhasurā pūvasurā odanasurā kiṇṇapakkhittā sambhārasaṃyuttā .

Merayo nāma pupphāsavo phalāsavo madhvāsavo guḷāsavo sambhārasaṃyutto .

PiveyyātiV0.150 antamaso kusaggenapi pivati , āpatti pācittiyassa .

Majje majjasaññī pivati , āpatti pācittiyassa .

Majje vematiko pivati , āpatti pācittiyassa .

Majje amajjasaññī pivati , āpatti pācittiyassa .

Amajje majjasaññī , āpatti dukkaṭassa .

Amajje vematiko , āpatti dukkaṭassa .

Amajje amajjasaññī , anāpatti .

329. Anāpatti amajjañca hoti majjavaṇṇaṃ majjagandhaṃ majjarasaṃ taṃ pivati , sūpasampāke , maṃsasampāke , telasampāke , āmalakaphāṇite , amajjaṃ ariṭṭhaṃ pivati , ummattakassa , ādikammikassāti .

Surāpānasikkhāpadaṃ niṭṭhitaṃ paṭhamaṃ .

Issues

Select Version

Pācittiyapāḷi

Pācittiyapāḷi