2. Dutiyapāṭidesanīyasikkhāpadaṃ
557. Tena
T2.518 samayena buddho bhagavā rājagahe viharati veḷuvane kalandakanivāpe .Tena kho pana samayena bhikkhū kulesu nimantitā bhuñjanti .
Chabbaggiyā bhikkhuniyo chabbaggiyānaṃ bhikkhūnaṃ vosāsantiyo ṭhitā honti –
‘‘ idha sūpaṃ detha , idha odanaṃ dethā ’’ ti .
Chabbaggiyā bhikkhū yāvadatthaṃ bhuñjanti .
Aññe bhikkhū na cittarūpaṃ bhuñjanti .
Ye te bhikkhū appicchā … pe … te ujjhāyanti khiyyanti vipācenti –
‘‘ kathañhi nāma chabbaggiyā bhikkhū bhikkhuniyo vosāsantiyo na nivāressantī ’’ ti … pe … saccaṃ kira tumhe , bhikkhave , bhikkhuniyo vosāsantiyo na nivārethāti ?
‘‘ Saccaṃ , bhagavā ’’ ti .
Vigarahi buddho bhagavā … pe … kathañhi nāma tumhe , moghapurisā , bhikkhuniyo vosāsantiyo na nivāressatha
V0.234 !Netaṃ , moghapurisā , appasannānaṃ vā pasādāya … pe … evañca pana , bhikkhave , imaṃ sikkhāpadaṃ uddiseyyātha –
558.‘‘ Bhikkhū
M0.230 paneva kulesu nimantitā bhuñjanti , tatra ce sā [ tatra ce ( syā .)] bhikkhunī vosāsamānarūpā ṭhitā hoti –‘ idha sūpaṃ detha , idha odanaṃ dethā ’ ti , tehi bhikkhūhi sā bhikkhunī apasādetabbā –
‘ apasakka tāva , bhagini , yāva bhikkhū bhuñjantī ’ ti .
Ekassa cepi [ ekassapi ce ( sī . syā .)] bhikkhuno na paṭibhāseyya taṃ bhikkhuniṃ apasādetuṃ –
‘ apasakka tāva , bhagini , yāva bhikkhū bhuñjantī ’ ti paṭidesetabbaṃ
T2.519 tehi bhikkhūhi –‘ gārayhaṃ , āvuso , dhammaṃ āpajjimhā asappāyaṃ pāṭidesanīyaṃ , taṃ paṭidesemā ’’’ ti .
559. Bhikkhū paneva kulesu nimantitā bhuñjantīti kulaṃ nāma cattāri kulāni – khattiyakulaṃ , brāhmaṇakulaṃ , vessakulaṃ , suddakulaṃ .
Nimantitā bhuñjantīti pañcannaṃ bhojanānaṃ aññatarena bhojanena nimantitā bhuñjanti .
Bhikkhunī nāma ubhatosaṅghe upasampannā .
Vosāsantī
P4.178 nāma yathāmittatā yathāsandiṭṭhatā yathāsambhattatā yathāsamānupajjhāyakatā yathāsamānācariyakatā –‘‘ idha sūpaṃ detha , idha odanaṃ dethā ’’ ti .
Esā vosāsantī nāma .
Tehi bhikkhūhīti bhuñjamānehi bhikkhūhi .
Sā bhikkhunīti yā sā vosāsantī bhikkhunī .
Tehi bhikkhūhi sā bhikkhunī apasādetabbā –
‘‘ apasakka tāva , bhagini , yāva bhikkhū bhuñjantī ’’ ti .
Ekassa cepi [ ekassapi ce ( sī . syā .)] bhikkhuno anapasādito [ anapasādite ( sī . syā .)]–
‘‘ khādissāmi bhuñjissāmī ’’ ti paṭiggaṇhāti , āpatti dukkaṭassa .
Ajjhohāre ajjhohāre āpatti pāṭidesanīyassa .
560. Upasampannāya upasampannasaññī vosāsantiyā na nivāreti , āpatti pāṭidesanīyassa
V0.235 .Upasampannāya vematiko vosāsantiyā na nivāreti , āpatti pāṭidesanīyassa .
Upasampannāya anupasampannasaññī vosāsantiyā na nivāreti , āpatti pāṭidesanīyassa .
Ekatoupasampannāya
M0.231 vosāsantiyā na nivāreti , āpatti dukkaṭassa .Anupasampannāya upasampannasaññī , āpatti dukkaṭassa .
Anupasampannāya
T2.520 vematiko , āpatti dukkaṭassa .Anupasampannāya anupasampannasaññī , anāpatti .
561. Anāpatti attano bhattaṃ dāpeti na deti , aññesaṃ bhattaṃ deti na dāpeti , yaṃ na dinnaṃ taṃ dāpeti , yattha na dinnaṃ tattha dāpeti , sabbesaṃ samakaṃ dāpeti , sikkhamānā vosāsati , sāmaṇerī vosāsati , pañca bhojanāni ṭhapetvā sabbattha , anāpatti , ummattakassa , ādikammikassāti .
Dutiyapāṭidesanīyasikkhāpadaṃ niṭṭhitaṃ .