10. Cīvaraapanidhānasikkhāpadaṃ
377. Tena
T2.409 samayena buddho bhagavā sāvatthiyaṃ viharati jetavane anāthapiṇḍikassa ārāme .Tena kho pana samayena sattarasavaggiyā bhikkhū asannihitaparikkhārā honti .
Chabbaggiyā bhikkhū sattarasavaggiyānaṃ bhikkhūnaṃ pattampi cīvarampi apanidhenti .
Sattarasavaggiyā bhikkhū chabbaggiye bhikkhū etadavocuṃ –
‘‘ dethāvuso , amhākaṃ
P4.123 pattampi cīvarampī ’’ ti .Chabbaggiyā bhikkhū hasanti , te rodanti .
Bhikkhū evamāhaṃsu –
‘‘ kissa tumhe , āvuso , rodathā ’’ ti ?
‘‘ Ime , āvuso , chabbaggiyā bhikkhū amhākaṃ pattampi cīvarampi apanidhentī ’’ ti .
Ye te bhikkhū appicchā … pe … te ujjhāyanti khiyyanti vipācenti –
‘‘ kathañhi nāma chabbaggiyā bhikkhū bhikkhūnaṃ pattampi
M0.162 cīvarampi apanidhessantī ’’ ti … pe … saccaṃ kira tumhe , bhikkhave , bhikkhūnaṃ pattampi cīvarampi apanidhethāti ?‘‘ Saccaṃ , bhagavā ’’ ti .
Vigarahi buddho bhagavā … pe … kathañhi nāma tumhe , moghapurisā , bhikkhūnaṃ pattampi cīvarampi apanidhessatha !
Netaṃ , moghapurisā , appasannānaṃ vā pasādāya … pe … evañca pana , bhikkhave , imaṃ sikkhāpadaṃ uddiseyyātha –
378.‘‘ Yo
V0.166 pana bhikkhu bhikkhussa pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheyya vā apanidhāpeyya vā , antamaso hasāpekkhopi , pācittiyan ’’ ti . 379. Yo
T2.410 panāti yo yādiso … pe … bhikkhūti … pe … ayaṃ imasmiṃ atthe adhippeto bhikkhūti .Bhikkhussāti aññassa bhikkhussa .
Patto nāma dve pattā – ayopatto , mattikāpatto .
Cīvaraṃ nāma channaṃ cīvarānaṃ aññataraṃ cīvaraṃ , vikappanupagaṃ pacchimaṃ .
Nisīdanaṃ nāma sadasaṃ vuccati .
Sūcigharaṃ nāma sasūcikaṃ vā asūcikaṃ vā .
Kāyabandhanaṃ nāma dve kāyabandhanāni – paṭṭikā , sūkarantakaṃ .
Apanidheyya vāti sayaṃ apanidheti , āpatti pācittiyassa .
Apanidhāpeyya vāti aññaṃ āṇāpesi , āpatti pācittiyassa .
Apanidhāpeyya vāti ayyaṃ āṇāpeti , āpatti pācittiyassa .
Sakiṃ āṇatto bahukampi apanidheti , āpatti pācittiyassa .
Antamaso hasāpekkhopīti kīḷādhippāyo .
380. Upasampanne upasampannasaññī pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheti vā apanidhāpeti vā , antamaso hasāpekkhopi , āpatti pācittiyassa .
Upasampanne vematiko … pe … upasampanne anupasampannasaññī pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheti vā apanidhāpeti vā , antamaso hasāpekkhopi , āpatti pācittiyassa .
Aññaṃ
M0.163V0.167 parikkhāraṃ apanidheti vā apanidhāpeti vā , antamaso hasāpekkhopi , āpatti dukkaṭassa .Anupasampannassa pattaṃ vā cīvaraṃ
T2.411 vā aññaṃ vā parikkhāraṃ apanidheti vā apanidhāpeti vā , antamaso hasāpekkhopi , āpatti dukkaṭassa .Anupasampanne upasampannasaññī , āpatti dukkaṭassa
P4.124 .Anupasampanne vematiko , āpatti dukkaṭassa .
Anupasampanne anupasampannasaññī , āpatti dukkaṭassa .
381. Anāpatti nahasādhippāyo , dunnikkhittaṃ paṭisāmeti ,‘‘ dhammiṃ kathaṃ katvā dassāmī ’’ ti paṭisāmeti , ummattakassa , ādikammikassāti .
Cīvaraapanidhānasikkhāpadaṃ niṭṭhitaṃ dasamaṃ .
Surāpānavaggo chaṭṭho .
Tassuddānaṃ –
Surā aṅguli hāso ca [ toyañca ( itipi )], anādariyañca bhiṃsanaṃ ;
Jotinahānadubbaṇṇaṃ , sāmaṃ apanidhena cāti .