10. Kaṇṭakasikkhāpadaṃ

428. TenaT2.441 samayena buddho bhagavā sāvatthiyaṃ viharati jetavane anāthapiṇḍikassa ārāme .

Tena kho pana samayena kaṇṭakassa [ kaṇḍakassa ( syā . ka .)] nāma samaṇuddesassa evarūpaṃ pāpakaṃ diṭṭhigataṃ uppannaṃ hoti –

‘‘ tathāhaṃ bhagavatā dhammaṃ desitaṃ ājānāmi , yathā yeme antarāyikā dhammā vuttā bhagavatā te paṭisevato nālaṃ antarāyāyā ’’ ti .

Assosuṃ kho sambahulā bhikkhū kaṇṭakassa nāma kira samaṇuddesassa evarūpaṃ pāpakaṃ diṭṭhigataṃ uppannaṃ –

‘‘ tathāhaṃ bhagavatā dhammaṃ desitaṃ ājānāmi , yathā yeme antarāyikā dhammā vuttā bhagavatā , te paṭisevato nālaṃ antarāyāyā ’’ ti .

Atha kho te bhikkhū yena kaṇṭako samaṇuddeso tenupasaṅkamiṃsu ;

upasaṅkamitvā kaṇṭakaṃ samaṇuddesaṃ etadavocuṃ –

‘‘ saccaṃ kira te , āvuso kaṇṭaka , evarūpaṃ pāpakaṃ diṭṭhigataṃ uppannaṃ –

‘ tathāhaṃ bhagavatā dhammaṃ desitaṃ ājānāmi , yathā ye ’ me antarāyikā dhammā vuttā bhagavatā te paṭisevato nālaṃ antarāyāyā ’’’ ti ?

‘‘ Evaṃbyākho ahaṃ , bhante , bhagavatā dhammaṃ desitaṃ ājānāmi –

‘ yathā yeme antarāyikā dhammā vuttā bhagavatā te paṭisevato nālaṃ antarāyāyā ’’’ ti .

MāV0.185 , āvuso kaṇṭaka , evaṃ avaca .

Mā bhagavantaṃ abbhācikkhi .

Na hi sādhu bhagavato abbhakkhānaṃ .

Na hi bhagavā evaṃ vadeyya .

Anekapariyāyena , āvuso kaṇṭaka , antarāyikāT2.442 dhammā antarāyikā vuttā bhagavatā .

AlañcaM0.182 pana te paṭisevato antarāyāya .

Appassādā kāmā vuttā bhagavatā bahudukkhā bahupāyāsā , ādīnavo ettha bhiyyo … pe … evampi kho kaṇṭako samaṇuddeso tehi bhikkhūhi vuccamāno tatheva taṃ pāpakaṃ diṭṭhigataṃ thāmasā parāmāsā abhinivissa voharati –

‘‘ evaṃbyākho ahaṃ , bhante , bhagavatā dhammaṃ desitaṃ ājānāmi –

‘ yathā yeme antarāyikā dhammā vuttā bhagavatā te paṭisevato nālaṃ antarāyāyā ’’’ ti .

Yato ca kho te bhikkhū nāsakkhiṃsu kaṇṭakaṃ samaṇuddesaṃ etasmā pāpakā diṭṭhigatā vivecetuṃ , atha kho te bhikkhū yena bhagavā tenupasaṅkamiṃsu ;

upasaṅkamitvā bhagavato etamatthaṃ ārocesuṃ .

Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā kaṇṭakaṃ samaṇuddesaṃ paṭipucchi –

‘‘ saccaṃ kira te , kaṇṭaka , evarūpaṃ pāpakaṃ diṭṭhigataṃ uppannaṃ –

‘ tathāhaṃ bhagavatāT2.443 dhammaṃ desitaṃ ājānāmi , yathā yeme antarāyikā dhammā vuttā bhagavatā te paṭisevato nālaṃ antarāyāyā ’’’ ti ?

‘‘ Evaṃbyākho ahaṃ , bhante , bhagavatā dhammaṃ desitaṃ ājānāmi –

‘ yathā yeme antarāyikā dhammā vuttā bhagavatā te paṭisevato nālaṃ antarāyāyā ’’’ ti .

‘‘ Kassa nu kho nāma tvaṃ , moghapurisa , mayā evaṃ dhammaṃ desitaṃ ājānāsi ?

Nanu mayā , moghapurisa , anekapariyāyena antarāyikā dhammā antarāyikā vuttā , alañca pana te paṭisevato antarāyāya ?

Appassādā kāmā vuttā mayā bahudukkhā bahupāyāsā , ādīnavo ettha bhiyyo .

Aṭṭhikaṅkalūpamā kāmā vuttā mayā … pe … sappasirūpamā kāmā vuttā mayā bahudukkhā bahupāyāsā , ādīnavo ettha bhiyyo .

Atha ca pana tvaṃ , moghapurisa , attanā duggahitena amhe ceva abbhācikkhasi attānañca khaṇasi bahuñca apuññaṃ pasavasi .

Tañhi te , moghapurisa , bhavissati dīgharattaṃ ahitāya dukkhāya .

Netaṃ , moghapurisa , appasannānaṃ vā pasādāya … pe …T2.444 pasannānañca ekaccānaṃ aññathattāyā ’’ ti .

Vigarahitvā … pe … dhammiṃ kathaṃ katvā bhikkhū āmantesi –

‘‘ tena hi , bhikkhave , saṅgho kaṇṭakaṃ samaṇuddesaṃ nāsetu .

Evañca pana , bhikkhave , nāsetabbo – ajjatagge te , āvuso kaṇṭaka , naP4.139 ceva so bhagavā satthā apadisitabbo .

Yampi caññe samaṇuddesā labhanti bhikkhūhi saddhiṃ dirattatirattaṃ sahaseyyaṃ sāpiM0.183 te natthi .

Cara pire vinassā ’’ ti .

Atha kho saṅgho kaṇṭakaṃ samaṇuddesaṃ nāsesi .

TenaV0.186 kho pana samayena chabbaggiyā bhikkhū jānaṃ tathānāsitaṃ kaṇṭakaṃ samaṇuddesaṃ upalāpentipi upaṭṭhāpentipi sambhuñjantipi sahāpi seyyaṃ kappenti .

Ye te bhikkhū appicchā … pe … te ujjhāyanti khiyyanti vipācenti –

‘‘ kathañhi nāma chabbaggiyā bhikkhū jānaṃ tathānāsitaṃ kaṇṭakaṃ samaṇuddesaṃ upalāpessantipi upaṭṭhāpessantipi sambhuñjissantipi sahāpi seyyaṃ kappessantī ’’ ti … pe … saccaṃ kira tumhe , bhikkhave , jānaṃ tathānāsitaṃ kaṇṭakaṃ samaṇuddesaṃ upalāpethāpi upaṭṭhāpethāpi sambhuñjathāpi sahāpi seyyaṃ kappethāti ?

‘‘ Saccaṃ , bhagavā ’’ ti .

Vigarahi buddho bhagavā … pe … kathañhi nāma tumhe , moghapurisā , jānaṃ tathānāsitaṃ kaṇṭakaṃ samaṇuddesaṃ upalāpessathāpi upaṭṭhāpessathāpi sambhuñjissathāpi sahāpi seyyaṃ kappessathaT2.445 !

Netaṃ , moghapurisā , appasannānaṃ vā pasādāya … pe … evañca pana , bhikkhave , imaṃ sikkhāpadaṃ uddiseyyātha –

429.‘‘ Samaṇuddesopi ce evaṃ vadeyya –

‘ tathāhaṃ bhagavatā dhammaṃ desitaṃ ājānāmi , yathā yeme antarāyikā dhammā vuttā bhagavatā te paṭisevato nālaṃ antarāyāyā ’ ti , so samaṇuddeso bhikkhūhi evamassa vacanīyo –

‘ māvuso samaṇuddesa , evaṃ avaca , mā bhagavantaṃ abbhācikkhi , na hi sādhu bhagavato abbhakkhānaṃ , na hi bhagavā evaṃ vadeyya .

Anekapariyāyenāvuso samaṇuddesa , antarāyikā dhammā antarāyikā vuttā bhagavatā .

Alañca pana te paṭisevato antarāyāyā ’ ti .

Evañca [ evañca pana ( ka .)] so samaṇuddeso bhikkhūhi vuccamāno tatheva paggaṇheyya , so samaṇuddeso bhikkhūhi evamassa vacanīyo –

‘ ajjatagge te , āvuso samaṇuddesa , na ceva so bhagavā satthā apadisitabbo .

Yampi caññe samaṇuddesā labhanti bhikkhūhi saddhiṃ dirattatirattaṃ sahaseyyaṃ sāpi te natthi .

Cara pire vinassā ’ ti .

Yo pana bhikkhu jānaṃ tathānāsitaṃ samaṇuddesaṃ upalāpeyya vā upaṭṭhāpeyya vā sambhuñjeyya vā saha vā seyyaṃ kappeyya , pācittiyan ’’ ti .

430. Samaṇuddeso nāma sāmaṇero vuccati .

EvaṃM0.184 vadeyyāti –

‘‘ tathāhaṃ bhagavatā dhammaṃ desitaṃ ājānāmi , yathā yeme antarāyikā dhammā vuttā bhagavatā , te paṭisevato nālaṃ antarāyāyā ’’ ti .

SoP4.140 samaṇuddesotiT2.446 yo so evaṃvādī samaṇuddeso .

BhikkhūhītiV0.187 aññehi bhikkhūhi , ye passanti ye suṇanti tehi vattabbo –

‘‘ mā , āvuso samaṇuddesa , evaṃ avaca .

Mā bhagavantaṃ abbhācikkhi .

Na hi sādhu bhagavato abbhakkhānaṃ .

Na hi bhagavā evaṃ vadeyya .

Anekapariyāyenāvuso samaṇuddesa , antarāyikā dhammā antarāyikā vuttā bhagavatā .

Alañca pana te paṭisevato antarāyāyā ’’ ti .

Dutiyampi vattabbo … tatiyampi vattabbo … pe … sace paṭinissajjati iccetaṃ kusalaṃ , no ce paṭinissajjati so samaṇuddeso bhikkhūhi evamassa vacanīyo –

‘‘ ajjatagge te , āvuso samaṇuddesa , na ceva so bhagavā satthā apadisitabbo .

Yampi caññe samaṇuddesā labhanti bhikkhūhi saddhiṃ dirattatirattaṃ sahaseyyaṃ sāpi te natthi .

Cara pire vinassā ’’ ti .

Yo panāti yo yādiso … pe … bhikkhūti … pe … ayaṃ imasmiṃ atthe adhippeto bhikkhūti .

Jānāti nāma sāmaṃ vā jānāti , aññe vā tassa ārocenti , so vā āroceti .

Tathānāsitan ti evaṃ nāsitaṃ .

Samaṇuddeso nāma sāmaṇero vuccati .

Upalāpeyya vāti tassa pattaṃ vā cīvaraṃ vā uddesaṃ vā paripucchaṃ vā dassāmīti upalāpeti , āpatti pācittiyassa .

Upaṭṭhāpeyya vāti tassa cuṇṇaṃ vā mattikaṃ vā dantakaṭṭhaṃ vā mukhodakaṃ vā sādiyati , āpatti pācittiyassa .

Sambhuñjeyya vātiT2.447 sambhogo nāma dve sambhogā – āmisasambhogo ca dhammasambhogo ca .

Āmisasambhogo nāma āmisaṃ deti vā paṭiggaṇhāti vā , āpatti pācittiyassa .

Dhammasambhogo nāma uddisati vā uddisāpeti vā , padena uddisati vā uddisāpeti vā , pade pade āpattiM0.185 pācittiyassa .

Akkharāya uddisati vā uddisāpeti vā , akkharakkharāya āpatti pācittiyassa .

SahaV0.188 vā seyyaṃ kappeyyāti ekacchanne nāsitake samaṇuddese nipanne bhikkhu nipajjati , āpatti pācittiyassa .

Bhikkhu nipanne nāsitako samaṇuddeso nipajjati , āpatti pācittiyassa .

Ubho vā nipajjanti , āpatti pācittiyassa .

Uṭṭhahitvā punappunaṃ nipajjanti , āpatti pācittiyassa .

431. Nāsitake nāsitakasaññī upalāpeti vā upaṭṭhāpeti vā sambhuñjati vā saha vā seyyaṃ kappeti , āpatti pācittiyassa .

Nāsitake vematiko upalāpeti vā upaṭṭhāpeti vā sambhuñjati vā saha vā seyyaṃ kappeti , āpatti dukkaṭassa .

Nāsitake anāsitakasaññī upalāpeti vā upaṭṭhāpeti vā sambhuñjati vā saha vā seyyaṃ kappeti , anāpatti .

Anāsitake nāsitakasaññī , āpatti dukkaṭassa .

Anāsitake vematiko , āpatti dukkaṭassa .

Anāsitake anāsitakasaññī , anāpatti .

432. AnāpattiT2.448 anāsitakoti jānāti , taṃ diṭṭhiṃ paṭinissaṭṭhoti jānāti , ummattakassa , ādikammikassāti .

Kaṇṭakasikkhāpadaṃ niṭṭhitaṃ dasamaṃ .

Sappāṇakavaggo sattamo .

Tassuddānaṃ –

Sañciccavadhasappāṇaṃ , ukkoṭaṃ duṭṭhullachādanaṃ ;

Ūnavīsati satthañca , saṃvidhānaṃ ariṭṭhakaṃ ;

Ukkhittaṃ kaṇṭakañceva , dasa sikkhāpadā imeti .

Issues

Select Version

Pācittiyapāḷi

Pācittiyapāḷi