8. Dubbaṇṇakaraṇasikkhāpadaṃ
367. Tena
T2.404P4.120V0.162 samayena buddho bhagavā sāvatthiyaṃ viharati jetavane anāthapiṇḍikassa ārāme .Tena kho pana samayena sambahulā bhikkhū ca paribbājakā ca sāketā sāvatthiṃ addhānamaggappaṭipannā honti .
Antarāmagge corā nikkhamitvā te acchindiṃsu .
Sāvatthiyā rājabhaṭā nikkhamitvā te core sabhaṇḍe gahetvā bhikkhūnaṃ santike dūtaṃ pāhesuṃ –
‘‘ āgacchantu , bhadantā , sakaṃ sakaṃ cīvaraṃ sañjānitvā gaṇhantū ’’ ti .
Bhikkhū na sañjānanti .
Te ujjhāyanti khiyyanti vipācenti –
‘‘ kathañhi nāma bhadantā attano attano cīvaraṃ na sañjānissantī ’’ ti !
Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ .
Atha kho te bhikkhū bhagavato etamatthaṃ ārocesuṃ .
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhūnaṃ tadanucchavikaṃ tadanulomikaṃ dhammiṃ kathaṃ katvā bhikkhū āmantesi –
‘‘ tena hi , bhikkhave , bhikkhūnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya , saṅghaphāsutāya … pe … saddhammaṭṭhitiyā , vinayānuggahāya .
Evañca pana , bhikkhave , imaṃ sikkhāpadaṃ uddiseyyātha –
368.‘‘ Navaṃ pana bhikkhunā cīvaralābhena tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ ādātabbaṃ – nīlaṃ vā kaddamaṃ vā kāḷasāmaṃ vā .
Anādā
M0.159 ce bhikkhu tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃT2.405 navaṃ cīvaraṃ paribhuñjeyya , pācittiyan ’’ ti . 369. Navaṃ nāma akatakappaṃ vuccati .
Cīvaraṃ nāma channaṃ cīvarānaṃ aññataraṃ cīvaraṃ .
Tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ ādātabban ti antamaso kusaggenapi ādātabbaṃ .
Nīlaṃ nāma dve nīlāni – kaṃsanīlaṃ , palāsanīlaṃ .
Kaddamo nāma odako vuccati .
Kāḷasāmaṃ
V0.163 nāma yaṃkiñci kāḷasāmakaṃ [ kāḷakaṃ ( sī . syā .)].Anādā ce bhikkhu tiṇṇaṃ dubbaṇṇakaraṇānaṃ aññataraṃ dubbaṇṇakaraṇan ti antamaso kusaggenapi anādiyitvā tiṇṇaṃ
P4.121 dubbaṇṇakaraṇānaṃ aññataraṃ dubbaṇṇakaraṇaṃ navaṃ cīvaraṃ paribhuñjati , āpatti pācittiyassa . 370. Anādinne anādinnasaññī paribhuñjati , āpatti pācittiyassa .
Anādinne vematiko paribhuñjati , āpatti pācittiyassa .
Anādinne ādinnasaññī paribhuñjati , āpatti pācittiyassa .
Ādinne anādinnasaññī , āpatti dukkaṭassa .
Ādinne vematiko , āpatti dukkaṭassa .
Ādinne ādinnasaññī , anāpatti .
371. Anāpattiādiyitvā paribhuñjati , kappo naṭṭho hoti , kappakatokāso jiṇṇo hoti , kappakatena akappakataṃ saṃsibbitaṃ hoti , aggaḷe anuvāte paribhaṇḍe , ummattakassa , ādikammikassāti .
Dubbaṇṇakaraṇasikkhāpadaṃ niṭṭhitaṃ aṭṭhamaṃ .