7. Kokālikasuttaṃ
178. Sāvatthinidānaṃ .
Tena kho pana samayena bhagavā divāvihāragato hoti paṭisallīno .
Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu ;
upasaṅkamitvā paccekaṃ dvārabāhaṃ nissāya aṭṭhaṃsu .
Atha kho subrahmā paccekabrahmā kokālikaṃ bhikkhuṃ ārabbha
T1.218 bhagavato santike imaṃ gāthaṃ abhāsi –‘‘ Appameyyaṃ paminanto , kodha vidvā vikappaye ;
Appameyyaṃ pamāyinaṃ , nivutaṃ taṃ maññe puthujjanan ’’ ti .