Tatiyadhammasaṃgīti
1.
Yā mahākassapādīhi
M0.20 , mahātherehi ādito ;Katā saddhamma saṃgīti , theriyā ’ ti pavuccati .
2.
Eko ’ va theravādo so , ādivassasate ahu ;
Aññācariyavādātu , tato oraṃ ajāyisuṃ .
3.
Tehi saṃgītikārehi , therehi dutiyehi te ;
Niggahitā pāpabhikkhū , sabbe dasasahassakā .
4.
Akaṃsā ’ cariyavādaṃ te , mahāsaṃgītināmakā ;
Tato gokulikā jātā , ekabbohārikāpi ca .
5.
Gokulikehi paṇṇatti-vādā bāhulikāpi ca ;
Cetiyavādā tesveva , samatāsaṅghikā cha te .
6.
Punāpi theravādehi , mahiṃsāsakabhikkhavo ;
Vajjīputtakabhikkhū ca , duve jātā ime khalu .
7.
Jātā ’ tha dhammuttariyā , bhadrayānikabhikkhavo ;
Channāgārā sammitiyā , vajjīputtiyabhikkhūti .
8.
Mahiṃsāsakabhikkhūhi , bhikkhū sabbattha vādino ;
Dhammaguttiyabhikkhū ca , jātā khalu ime duve .
9.
Jātā sabbatthivādīhi , kassapiyā tato pana ;
Jātā saṅkantikā bhikkhū , suttavādā tato pana .
10.
Theravādena saha te , honti dvādasi ’ mepi ca ;
Pubbe vuttachavādā ca , iti aṭṭhārasā khilā .
11.
Sattarasāpi dutiye , jātā vasassate iti ;
Aññācariyavādā tu , tato oramajāyisuṃ .
12.
Hematā
M0.21 rājagiriyā , tathā siddhatthikāpi ca ;Pubbaseliyabhikkhū ca , tathā aparaseliyā .
13.
Vājiriyā cha etehi , jambudīpamhi bhinnakā ;
Dhammaruci ca sāgaliyā , laṃkādīpamhi bhinnakā .
Ācariyakulavādakathā niṭṭhitā .