1. Aṭṭhikamahapphalasuttādivaṇṇanā
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā .
Taṃ panetaṃ bhāvayato yāva nimittaṃ na uppajjati , tāva chavipi cammampi upaṭṭhāti .
Nimitte pana uppanne chavicammāni neva upaṭṭhahanti , saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya , paṭimagge hasamānaṃ itthiṃ olokentassa cetiyapabbatavāsino tissattherassa viya cāti .
Vatthūni visuddhimagge ( visuddhi .1.15) vitthāritāni .
Sati vā upādiseseti gahaṇasese upādānasese vijjamānamhi .