8. Brahmasuttavaṇṇanā
384. Aṭṭhame kāye vā bhikkhūti tasmiṃ kāle bhikkhuyeva natthi , evaṃ santepi yo satipaṭṭhāne bhāveti , so kilesabhindanena bhikkhuyevāti dassento evamāha .
Ekāyanan ti
P3.226 ekamaggaṃ .Jātikkhayantadassīti jātiyā khayoti ca antoti ca nibbānaṃ , taṃ passatīti attho .
Maggaṃ pajānātīti ekāyanasaṅkhātaṃ ekamaggabhūtaṃ maggaṃ pajānāti .
Ekāyanamaggo vuccati pubbabhāgasatipaṭṭhānamaggo , taṃ pajānātīti attho .