3. Micchattavaggavaṇṇanā
21-30.
Tatiyavaggassa paṭhame micchattan ti micchāsabhāvaṃ .
Sammattan ti sammāsabhāvaṃ .
Micchāpaṭipattādhikaraṇahetūti micchāpaṭipattikaraṇahetu .
Yasmā micchāpaṭipattiṃ karoti , tasmāti attho .
Nārādhakoti
P3.132 na sampādako .Ñāyaṃ dhamman ti ariyamaggadhammaṃ .
Micchāñāṇīti micchāviññāṇo micchāpaccavekkhaṇo .
Micchāvimuttīti ayāthāvavimutti , aniyyānikavimutti .
Imesu tatiyādīsu catūsu suttesu vaṭṭavivaṭṭaṃ kathitaṃ , pacchimesu panettha dvīsu puggalo pucchito dhammo vibhatto , evaṃ dhammena puggalo dassitoti .
Suppavattiyoti suppavattaniyo .
Yathā icchiticchitaṃ
V3.168 disaṃ pavattento dhāvati , evaṃ pavattetuṃ sakkā hotīti attho .Saupanisaṃ saparikkhāran ti sappaccayaṃ saparivāraṃ .
Sesaṃ sabbattha uttānatthamevāti .
Micchattavaggo tatiyo .