9. Kaṭṭhopamasuttavaṇṇanā
509. Navame
V3.270 dvinnaṃ kaṭṭhānan ti dvinnaṃ araṇīnaṃ .Saṅghaṭṭanasamodhānāti saṅghaṭṭanena ceva samodhānena ca .
Usmāti usumākāro .
Tejoti aggidhūmo .
Ettha ca adharāraṇī viya vatthārammaṇaṃ , uttarāraṇī viya phasso , saṅghaṭṭo viya phassasaṅghaṭṭanaṃ , aggi viya vedanā daṭṭhabbā .
Vatthārammaṇaṃ vā uttarāraṇī viya , phasso adharāraṇī viya daṭṭhabbo .