တတ္ထ၊ ထိုတစ်ရာ့ခြောက်ဆယ့် ခြောက်ပါးသော သိက္ခာပုဒ်တို့တွင်။ တာဝ၊ ရတ္တန္ဓကာရဝဂ် စသည်တို့မှ ရှေးဦးစွာ။ (သံဂီတဿ၊ သံဂါယနာ တင်အပ်သော။) လသုဏဝဂ္ဂဿ၊ လသုဏဝဂ်၏။ ပဌမသိက္ခာပဒေ၊ ပဌမသိက္ခာပုဒ်၌။ ဒွတ္တယောဂဏ္ဌိကေတိ၊ ကား။ ဒွေဝါ၊ နှစ်အုသော်လည်းဖြစ်ကုန်သော။ တယောဝါ၊ သုံးအုသော်လည်းဖြစ်ကုန်သော။

တိံသကာနန္တရံ။ ။ တိံသ (ပရိမာဏံ) ယေသန္တိ တိံသကာ၊ ပရိမာဏအနက်၌ ကပစ္စည်းသက်၊ တိံသကာနံ + အနန္တရံ တိံသကာနန္တရံ၊ တစ်နည်း- တိံသာယ + သမူဟောတိံသကံ- သုံးဆယ်သော သိက္ခာပုဒ်၏ အပေါင်း၊ တိံသကဿ + အနန္တရံ တိံသကာနန္တရံ သုံးဆယ်သော သိက္ခာပုဒ်အပေါင်း၏ အခြားမဲ့၌။

ဆသဋ္ဌိသတသင်္ဂဟော။ ။ ဆဟိ + အဓိကာ သဋ္ဌိ- ခြောက်ဆယ့်ခြောက်၊ ဆသဋ္ဌိအဓိကံ သတံယဿာတိ ဆသဋ္ဌိသတံ- ခြောက်ဆယ့်ခြောက်ပါး အလွန်ရှိသော တစ်ရာ၊ ဝါ- တစ်ရာ့ခြောက်ဆယ့်ခြောက်ပါး သင်္ဂဟသဒ္ဒါသည် သိမ်းယူကြောင်း အရေအတွက်ဟူသောအနက်ကို ဟော၏၊ "သင်္ဂယှတိ ဧတေနာတိ သင်္ဂဟော၊ ဆသဋ္ဌိသတံ + သင်္ဂဟော ယေသန္တိ ဆသဋ္ဌိသတသင်္ဂဟာ (ဓမ္မာ)" ဟု ပြု။ [ယောဇနာ၌ကား "ဆဥတ္ထရသဋ္ဌိအဓိကသတေဟိသိက္ခာပဒေဟိ သင်္ဂဟိတာ" ဟု ဖွင့်လေ၏၊ ထိုအလို သင်္ဂဟပုဒ်ကို ကံဟော ကြံပါ။]

ဒွတ္တယော။ ။ "ဒွေဝါ + တယောဝါတိ ဒွတ္တယော" ဟု ဝါသဒ္ဒါအနက်၌ သမာသ်စပ်ထားသော "သင်္ချောဘယဗဟုဗ္ဗီဟိ" တည်း၊ ထို့ကြောင့် ဒွတ္တယောကို ဒွေဝါ တယောဝါဟုဖွင့်သည်၊ ယောဇနာ၌ကား - ဝါသဒ္ဒေါ လုတ္တနိဒ္ဒိဋ္ဌောတိ အာဟ ဒွေဝါ တယောဝါတိ၊ ပါဠိတော်၌ ဝါသဒ္ဒါ ကျေနေသည်" ဟု ဖွင့်ပြလေ၏၊ အမှန်မှာ ဝါသဒ္ဒါ ကျေခြင်း မဟုတ်, သမာသ်ပုဒ်သာဖြစ်သည်၊ နေရာတိုင်းမှာ ဤနည်းချည်းဟု မှတ်ပါ။

ဖောဋနိကေ၊ အမြှောင့်များစွာပါသော ကြက်သွန်ဖြူတို့ကို။ (ဒေဟိ၌ စပ်။) ဧတံ၊ ဤဂဏ္ဌိကေဟူသော သဒ္ဒါသည်။ သမ္ပုဏ္ဏမိဉ္ဇာနံ၊ ပြည့်စုံသော အဆံ အမြှောင့်ရှိသော ကြက်သွန်ဖြူတို့ကို။ အဓိဝစနံ၊ ဟောသောသဒ္ဒါတည်း။

သော တာသံဧကေကန္တိ၊ ကား။ ဟံသော၊ ထိုရွှေဟင်္သာသည်။ ဇာတိဿရော၊ ရှေးဘဝကိုအောက်မေ့နိုင်သည်။ အဟောသိ၊ ဖြစ်ပြီ။ အထ၊ ထိုအခါ၌။ ပုဗ္ဗသိနေဟေန၊ ရှေး၌ဖြစ်သော ချစ်ခြင်းကြောင့်။ အာဂန္တွာ၊ လာ၍။ တာသံ၊ ထိုသားသမီးတို့အား။ ဧကေကံ၊ တစ်ခုခုသော။ ပတ္တံ၊ အတောင်ကို။ ဒေတိ၊ ပေး၏။ တံ၊ ထိုအတောင်သည်။ တာပနတာလနစ္ဆေဒနက္ခမံ၊ မီး၌ ပူစေခြင်း, ထုရိုက်ခြင်း. ဖြတ်တောက်ခြင်းကိုခံနိုင်သော။ သုဝဏ္ဏမေဝ၊ ရွှေအစစ်သာလျှင်။ ဟောတိ၊ ၏။ [တာပနဟူသည် မီးအိုးခင်းပေါ်၌ လှော်ခြင်း ဦးခြင်းတည်း၊ တာလနကား ထုရိုက်ခြင်းတည်း၊ အချို့စာအုပ်များ၌ "ဖာလန" ဟု ရှိ၏, မကောင်း၊ ဆေဒနကား တန်ဆာလုပ်ဖို့ရန် ဖြတ်ခြင်းတည်း။]

ဂဏ္ဌိက, ဖောဋနိက။ ။ ဂဏ္ဌိကသဒ္ဒါသည် အဆစ်အဖုအနက်ကို ဟော၏၊ ဖုဋနသဒ္ဒါလည်း အခွဲအစိတ် ခွဲစိတ်အပ်ဟူသော အနက်ကို ဟော၏၊ ကြက်သွန်ဖြူ၌ အစိတ်အစိတ်ကွဲနေသော အမြှောင့်တို့ကို "ဂဏ္ဌိ, ဖုဋန" ယူ၍ "ဂဏ္ဌိနော ယဿာတိ ဂဏ္ဌိကော, ဖုဋနာနိယဿာတိ ဖောဋနိကော" ဟု ဖြစ်သင့်၏၊ စာအုပ်များ၌ "ဘဏ္ဍိက, ဖောဋလိက" ဟု ရှိ၏ ထိုပုဒ်မျိုး ရှိ မရှိ သတိပြုပါ။

ဇာတိဿရော။ ။ ဇာတိ- ရှေးအဖြစ်ကို + သရတိ- အောက်မေ့နိုင် မှတ်မိနိုင်၏၊ ဣတိ ဇာတိဿရော၊ ဤ "ဇာတိဿရ" ဟူသည် ဉာဏ်မဟုတ် သတိသာတည်း၊ ဧကနိပတ်, သုဝဏ္ဏဟံသဇာတ်၌ကား "ဇာတိဿရညာဏဉ္စဿ ဥပ္ပဇ္ဇိ" ဟု ရှိ၏၊ ထိုအလို "ဉာဏ်" ဟု ယူသင့်သော်လည်း အမှန်အားဖြင့် ဉာဏ်အစစ် မဟုတ်နိုင်၊ ဉာဏ်အတု သတိသာဖြစ်သင့်၏၊ ထိုသတိလည်း ကုသိုလ်အရာ၌ အမှတ်ရခြင်း မဟုတ်သောကြောင့် သတိအတုဖြစ်သော သညာ အမှတ်သာ ဖြစ်သင့်ပါသည်၊ အဘိဓမ္မာ၌ သတိစစ် ဉာဏ်စစ်မှန်လျှင် သောဘနစေတသိတ်သာ ဖြစ်သည်။