Dveupasampadāpekkhādivatthukathāvaṇṇanā
123. Ekānussāvaneti
M3.267 ettha ekato anussāvanaṃ etesanti ekānussāvanāti asamānādhikaraṇavisayo bāhiratthasamāsoti daṭṭhabbaṃ .Tenevāha ‘‘ dve ekatoanussāvane ’’ ti .
Tattha ekatoti ekakkhaṇeti attho , vibhattialopena cāyaṃ niddeso .
Purimanayeneva ekatoanussāvane kātun ti ‘‘ ekena ekassa , aññena itarassā ’’ tiādinā pubbe vuttanayena dvīhi vā tīhi vā ācariyehi ekena vā ekatoanussāvane kātuṃ .