Liṅgādidassanakathāvaṇṇanā
179. Ācārasaṇṭhānan ti
M3.281 ācārasaṇṭhiti .Ākarīyati pakāsīyati etenāti ākāro .
Līnaṃ gamayati bodhetīti liṅgaṃ .
Nimiyanti paricchijja ñāyanti etenāti nimittaṃ .
Uddisīyanti apadisīyanti etenāti uddeso .
‘‘ Amhākaṃ idan ’’ ti aññātaṃ aviditanti aññātakaṃ .
Tañca atthato parasantakaṃyevāti āha ‘‘ aññesaṃ santakan ’’ ti .
180. Nānāsaṃvāsakabhāvan ti laddhinānāsaṃvāsakabhāvaṃ .
Tassa abhibhavo nāma tesaṃ laddhivissajjāpananti āha ‘‘ taṃ diṭṭhiṃ na nissajjāpentīti attho ’’ ti .