Upālisaṅghasāmaggīpucchāvaṇṇanā
476. Na
V3.331 mūlā mūlaṃ gantvāti mūlato mūlaṃ agantvā .Atthato apagatāti sāmaggisaṅkhātaatthato apagatā .
477. Yena naṃ paccatthikā vadeyyuṃ , taṃ na hi hotīti sambandho .
Anapagatan ti kāraṇato anapetaṃ , sakāraṇanti vuttaṃ hoti .
Usūyāyāti iminā dosāgatigamanassa saṅgahitattā ‘‘ agatigamanenā ’’ ti avasesaagatigamanaṃ dassitanti veditabbaṃ .
Aṭṭhahi dūtaṅgehīti ‘‘ sotā ca hoti sāvetā ca uggahetā ca dhāretā ca viññāpetā
M3.363 ca kusalo ca sahitāsahitadassano ca akalahakārako cā ’’ ti evaṃ vuttehi aṭṭhahi dūtaṅgehi .Sesamettha pāḷito aṭṭhakathāto ca suviññeyyameva .
Kosambakakkhandhakavaṇṇanā niṭṭhitā .
Iti samantapāsādikāya vinayaṭṭhakathāya sāratthadīpaniyaṃ
Mahāvaggavaṇṇanā niṭṭhitā .
Namo tassa bhagavato arahato sammāsambuddhassa