Nagantabbagantabbavārakathāvaṇṇanā
181. Uposathādhiṭṭhānatthaṃ sīmāpi nadīpi na gantabbāti garukaṃ pātimokkhuddesaṃ vissajjetvā lahukassa akattabbattā vuttaṃ .
Āraññakenāpi bhikkhunāti ekacārikena āraññakabhikkhunā , yattha vā saṅghapahonakā bhikkhū na santi , tādise araññe vasantena .
Tattha uposathaṃ katvāva gantabban ti tassa vasanaṭṭhāne saṅghuposathassa appavattanato vuttaṃ .
Uposathantarāyoti attano uposathantarāyo .