Uposathabhedādikathāvaṇṇanā
149. Adhammena vaggaṃ uposathakamman ti ettha yattha cattāro vasanti , tattha pātimokkhuddeso anuññāto .
Yattha dve vā tayo vā vasanti , tattha pārisuddhiuposatho .
Idha pana
V3.251 tathā akatvā catunnaṃ vasanaṭṭhāne pārisuddhiuposathassa katattā tiṇṇaṃ vasanaṭṭhāne ca pātimokkhassa uddiṭṭhattā ‘‘ adhammenā ’’ ti vuttaṃ .Yasmā sabbeva na sannipatiṃsu , chandapārisuddhi ca saṅghamajjhaṃyeva āgacchati , na gaṇamajjhaṃ , tasmā ‘‘ vaggan ’’ ti vuttaṃ .