Ka .pabhedagaṇananiddeso
195. Catūsu sotāpattiyaṅgesu saddhindriyassa vasena katamehi vīsatiyā ākārehi pañcindriyāni daṭṭhabbāni ?
Sappurisasaṃseve sotāpattiyaṅge adhimokkhādhipateyyaṭṭhena saddhindriyaṃ daṭṭhabbaṃ , saddhindriyassa vasena paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ
T1.322 , dassanaṭṭhena paññindriyaṃ daṭṭhabbaṃ ;saddhammasavane sotāpattiyaṅge … yonisomanasikāre
P2.15 sotāpattiyaṅge … dhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyaṃ daṭṭhabbaṃ , saddhindriyassa vasena paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ .Catūsu sotāpattiyaṅgesu saddhindriyassa vasena imehi vīsatiyā ākārehi pañcindriyāni daṭṭhabbāni .
Catūsu
M0.212 sammappadhānesu vīriyindriyassa vasena katamehi vīsatiyā ākārehi pañcindriyāni daṭṭhabbāni ?Anuppannānaṃ pāpakānaṃ akusalānaṃ dhammānaṃ anuppādāya sammappadhāne paggahādhipateyyaṭṭhena vīriyindriyaṃ daṭṭhabbaṃ , vīriyindriyassa vasena upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ .
Uppannānaṃ pāpakānaṃ akusalānaṃ dhammānaṃ pahānāya sammappadhāne … pe … anuppannānaṃ kusalānaṃ dhammānaṃ uppādāya sammappadhāne … pe … uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyaṃ daṭṭhabbaṃ , vīriyindriyassa vasena upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ
T1.323V0.204 daṭṭhabbaṃ , dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ .Catūsu sammappadhānesu vīriyindriyassa vasena imehi vīsatiyā ākārehi pañcindriyāni daṭṭhabbāni .
Catūsu satipaṭṭhānesu satindriyassa vasena katamehi vīsatiyā ākārehi pañcindriyāni daṭṭhabbāni ?
Kāye kāyānupassanāsatipaṭṭhāne upaṭṭhānādhipateyyaṭṭhena satindriyaṃ daṭṭhabbaṃ , satindriyassa vasena avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ .
Vedanāsu vedanānupassanāsatipaṭṭhāne … pe … citte cittānupassanāsatipaṭṭhāne … dhammesu dhammānupassanāsatipaṭṭhāne upaṭṭhānādhipateyyaṭṭhena satindriyaṃ daṭṭhabbaṃ , satindriyassa
P2.16 vasena avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ .Catūsu satipaṭṭhānesu satindriyassa vasena imehi vīsatiyā ākārehi pañcindriyāni daṭṭhabbāni .
Catūsu jhānesu samādhindriyassa vasena katamehi vīsatiyā ākārehi pañcindriyāni daṭṭhabbāni ?
Paṭhame jhāne avikkhepādhipateyyaṭṭhena samādhindriyaṃ daṭṭhabbaṃ , samādhindriyassa vasena dassanaṭṭhena
T1.324 paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ .Dutiye jhāne … pe … tatiye jhāne … catutthe jhāne avikkhepādhipateyyaṭṭhena samādhindriyaṃ daṭṭhabbaṃ , samādhindriyassa vasena dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ
M0.213 daṭṭhabbaṃ , upaṭṭhānaṭṭhena satindriyaṃ daṭṭhabbaṃ .Catūsu jhānesu samādhindriyassa vasena imehi vīsatiyā ākārehi pañcindriyāni daṭṭhabbāni .
Catūsu ariyasaccesu paññindriyassa vasena katamehi vīsatiyā ākārehi pañcindriyāni daṭṭhabbāni ?
Dukkhe ariyasacce dassanādhipateyyaṭṭhena paññindriyaṃ daṭṭhabbaṃ , paññindriyassa vasena adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ .
Dukkhasamudaye ariyasacce … pe … dukkhanirodhe ariyasacce … dukkhanirodhagāminiyā paṭipadāya ariyasacce dassanādhipateyyaṭṭhena paññindriyaṃ daṭṭhabbaṃ , paññindriyassa vasena adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ
V0.205 daṭṭhabbaṃ .Catūsu ariyasaccesu paññindriyassa vasena imehi vīsatiyā ākārehi pañcindriyāni daṭṭhabbāni .