Tatiyacatukkaniddeso

Author： _System_Pali_VRI_ @ Administrator

Tatiyacatukkaniddeso

176. Kathaṃ ‘‘ cittapaṭisaṃvedī assasissāmī ’’ ti sikkhati ,‘‘ cittapaṭisaṃvedī passasissāmī ’’ ti sikkhati ?

Katamaṃ taṃ cittaṃ ?

Dīghaṃ assāsavasena viññāṇaṃ cittaṃ .

Yaṃ cittaṃV0.182 mano mānasaṃ hadayaṃ paṇḍaraṃ manoP1.190 manāyatanaṃ manindriyaṃ viññāṇaṃ viññāṇakkhandho tajjā manoviññāṇadhātu .

Dīghaṃ passāsavasenaT1.287 … pe … passambhayaṃ cittasaṅkhāraṃ assāsavasena … passambhayaṃ cittasaṅkhāraṃ passāsavasenaM0.189 viññāṇaṃ cittaṃ .

Yaṃ cittaṃ mano mānasaṃ hadayaṃ paṇḍaraṃ mano mānayatanaṃ manindriyaṃ viññāṇaṃ viññāṇakkhandho tajjā manoviññāṇadhātu – idaṃ cittaṃ .

Kathaṃ taṃ cittaṃ paṭividitaṃ hoti ?

Dīghaṃ assāsavasena cittassa ekaggataṃ avikkhepaṃ pajānato sati upaṭṭhitā hoti .

Tāya satiyā tena ñāṇena taṃ cittaṃ paṭividitaṃ hoti .

Dīghaṃ passāsavasena cittassa ekaggataṃ avikkhepaṃ pajānato sati upaṭṭhitā hoti .

Tāya satiyā tena ñāṇena taṃ cittaṃ paṭividitaṃ hoti … pe … sacchikātabbaṃ sacchikaroto taṃ cittaṃ paṭividitaṃ hoti .

Evaṃ taṃ cittaṃ paṭividitaṃ hoti .

Cittapaṭisaṃvedī assāsapassāsavasena viññāṇaṃ cittaṃ upaṭṭhānaṃ sati anupassanā ñāṇaṃ .

Cittaṃ upaṭṭhānaṃ , no sati ;

sati upaṭṭhānañceva sati ca .

Tāya satiyā tena ñāṇena taṃ cittaṃ anupassati .

Tena vuccati –

‘‘ citte cittānupassanāsatipaṭṭhānabhāvanā ’’ ti .

Anupassatīti kathaṃ taṃ cittaṃ anupassati … pe … evaṃ taṃ cittaṃ anupassati .

Bhāvanāti catasso bhāvanā … pe … āsevanaṭṭhena bhāvanā .

Cittapaṭisaṃvedī assāsapassāsānaṃ saṃvaraṭṭhena sīlavisuddhi … pe … cittapaṭisaṃvedī assāsapassāsavasena cittassa ekaggataṃ avikkhepaṃ pajānato … pe … pajānanto indriyāni samodhāneti .

Tena vuccati –

‘‘ samatthañca paṭivijjhatī ’’ ti .

177. KathaṃT1.288 ‘‘ abhippamodayaṃ cittaṃ assasissāmī ’’ ti ,‘‘ abhippamodayaṃ cittaṃ passasissāmī ’’ ti sikkhati ?

Katamo cittassa abhippamodo ?

Dīghaṃ assāsavasena cittassa ekaggataṃ avikkhepaṃ pajānato uppajjati cittassa abhippamodo .

Yā cittassa āmodanā pamodanā hāso pahāso vitti odagyaṃ attamanatā .

Cittassa dīghaṃ assāsapassāsavasena cittassa ekaggataṃ avikkhepaṃ pajānato uppajjati cittassa abhippamodo .

Yā cittassa āmodanā pamodanā hāso pahāso vitti odagyaṃ attamanatā cittassa … pe … cittapaṭisaṃvedī assāsavasena … cittapaṭisaṃvedī passāsavasena cittassa ekaggataṃ avikkhepaṃ pajānato uppajjati cittassa abhippamodo .

Yā cittassa āmodanā pamodanā hāso pahāso vitti odagyaṃ attamanatā cittassa – ayaṃ cittassa abhippamodo .

Abhippamodayaṃ cittaṃ assāsapassāsavasena viññāṇaṃ cittaṃ upaṭṭhānaṃ satiM0.190 anupassanā ñāṇaṃ .

Cittaṃ upaṭṭhānaṃ , noV0.183 sati ;

sati upaṭṭhānañceva sati ca .

Tāya satiyā tena ñāṇena taṃ cittaṃ anupassati .

Tena vuccati –

‘‘ citte cittānupassanāsatipaṭṭhānabhāvanā ’’ ti .

Anupassatīti kathaṃ taṃ cittaṃ anupassati … pe … evaṃ taṃ cittaṃ anupassatīti .

Bhāvanāti catasso bhāvanā … pe … āsevanaṭṭhena bhāvanā .

AbhippamodayaṃT1.289 cittaṃ assāsapassāsānaṃ saṃvaraṭṭhena sīlavisuddhi … pe … abhippamodayaṃ cittaṃ assāsapassāsavasena cittassa ekaggataṃ avikkhepaṃ pajānato … pe … pajānanto indriyāni samodhāneti .

Tena vuccati –

‘‘ samatthañca paṭivijjhatī ’’ ti .

178. Kathaṃ ‘‘ samādahaṃ cittaṃ assasissāmī ’’ ti sikkhati ,‘‘ samādahaṃ cittaṃ passasissāmī ’’ ti sikkhati ?

KatamoP1.191 samādhi [ katamañca samādhindiyaṃ ( syā .)]?

Dīghaṃ assāsavasena cittassa ekaggatā avikkhepo samādhi , yā cittassa ṭhiti saṇṭhiti avaṭṭhiti [ adhiṭṭiti ( syā .)] avisāhāro avikkhepo avisāhaṭamānasatā [ avisāhatamānasatā ( syā . ka .)] samatho samādhindriyaṃ samādhibalaṃ sammāsamādhi .

Dīghaṃ passāsavasena cittassa ekaggatā avikkhepo samādhi … pe … samādahaṃ cittaṃ assāsavasena … pe … samādahaṃ cittaṃ passāsavasena cittassa ekaggatā avikkhepo samādhi .

Yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – ayaṃ samādhi .

Samādahaṃ cittaṃ assāsapassāsavasena viññāṇaṃ cittaṃ upaṭṭhānaṃ sati anupassanā ñāṇaṃ .

Cittaṃ upaṭṭhānaṃ , no sati ;

sati upaṭṭhānañceva sati ca .

Tāya satiyā tena ñāṇena taṃ cittaṃ anupassati .

Tena vuccati –

‘‘ citte cittānupassanāsatipaṭṭhānabhāvanā ’’ ti .

Anupassatīti kathaṃ taṃ cittaṃ anupassati … pe … evaṃ taṃ cittaṃ anupassati .

Bhāvanāti catasso bhāvanā … pe … āsevanaṭṭhena bhāvanā .

Samādahaṃ cittaṃ assāsapassāsānaṃ saṃvaraṭṭhena sīlavisuddhi … pe … samādahaṃT1.290 cittaṃ assāsapassāsavasena cittassa ekaggataṃ avikkhepaṃ pajānato … pe … pajānanto indriyāni samodhāneti .

Tena vuccati –

‘‘ samatthañca paṭivijjhatī ’’ ti .

179. KathaṃM0.191 ‘‘ vimocayaṃ cittaṃ assasissāmī ’’ ti sikkhati ,‘‘ vimocayaṃ cittaṃ passasissāmī ’’ ti sikkhati ?

‘‘ Rāgato vimocayaṃ cittaṃ assasissāmī ’’ ti sikkhati ,‘‘ rāgato vimocayaṃ cittaṃ passasissāmī ’’ ti sikkhati .

‘‘ Dosato vimocayaṃ cittaṃ assasissāmī ’’ tiV0.184 sikkhati ,‘‘ dosato vimocayaṃ cittaṃ passasissāmī ’’ ti sikkhati .

‘‘ Mohato vimocayaṃ cittaṃ assasissāmī ’’ ti sikkhati … pe … mānato vimocayaṃ cittaṃ … diṭṭhiyā vimocayaṃ cittaṃ … vicikicchāya vimocayaṃ cittaṃ … thinato vimocayaṃ cittaṃ … uddhaccato vimocayaṃ cittaṃ … ahirikato vimocayaṃ cittaṃ …‘‘ anottappato vimocayaṃ cittaṃ assasissāmī ’’ ti sikkhati ,‘‘ anottappato vimocayaṃ cittaṃ passasissāmī ’’ ti sikkhati .

Vimocayaṃ cittaṃ assāsapassāsavasena viññāṇaṃ cittaṃ upaṭṭhānaṃ sati … pe ….

Anupassatīti kathaṃ taṃ cittaṃ anupassati … pe … evaṃ taṃ cittaṃ anupassati .

Bhāvanāti catasso bhāvanā … pe … āsevanaṭṭhena bhāvanā .

Vimocayaṃ cittaṃ assāsapassāsānaṃ saṃvaraṭṭhena sīlavisuddhi … pe … vimocayaṃ cittaṃ assāsapassāsavasena cittassa ekaggataṃ avikkhepaṃ pajānatoT1.291 … pe … pajānanto indriyāni samodhāneti .

Tena vuccati –

‘‘ samatthañca paṭivijjhatī ’’ ti .

Aṭṭha anupassanāñāṇāni aṭṭha ca upaṭṭhānānussatiyo cattāri suttantikavatthūni citte cittānupassanāya .

Issues

Select Version

Paṭisambhidāmaggapāḷi

Paṭisambhidāmaggapāḷi