Issues
Editor
Settings
Versions
Select Version
နိဿယ
မြန်မာဘာသာ
Paṭisambhidāmaggapāḷi
Paṭisambhidāmaggapāḷi

Ka .

Author： _System_Pali_VRI_ @ Administrator

Ka .
ādhipateyyaṭṭhaniddeso

199. Kathaṃ ādhipateyyaṭṭhena indriyāni daṭṭhabbāni ?
Assaddhiyaṃ pajahato adhimokkhādhipateyyaṭṭhena saddhindriyaṃ daṭṭhabbaṃ , saddhindriyassa vasena paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃP2.22 daṭṭhabbaṃ , avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ .
Kosajjaṃ pajahato paggahādhipateyyaṭṭhena vīriyindriyaṃ daṭṭhabbaṃ , vīriyindriyassa vasena upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ .
Pamādaṃ pajahato upaṭṭhānādhipateyyaṭṭhena satindriyaṃ daṭṭhabbaṃ , satindriyassa vasena avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃT1.333 daṭṭhabbaṃ , paggahaṭṭhena vīriyindriyaṃM0.218 daṭṭhabbaṃ .
Uddhaccaṃ pajahato avikkhepādhipateyyaṭṭhena samādhindriyaṃ daṭṭhabbaṃ , samādhindriyassa vasena dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ .
Avijjaṃ pajahato dassanādhipateyyaṭṭhena paññindriyaṃ daṭṭhabbaṃ , paññindriyassa vasena adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ .
Kāmacchandaṃ pajahato nekkhammavasena adhimokkhādhipateyyaṭṭhena saddhindriyaṃ daṭṭhabbaṃ , saddhindriyassa vasena paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ .
Kāmacchandaṃ pajahato nekkhammavasena paggahādhipateyyaṭṭhena vīriyindriyaṃ daṭṭhabbaṃ , vīriyindriyassa vasena upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ .
Kāmacchandaṃ pajahato nekkhammavasena upaṭṭhānādhipateyyaṭṭhena satindriyaṃ daṭṭhabbaṃ , satindriyassa vasena avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃT1.334 daṭṭhabbaṃ .
Kāmacchandaṃ pajahato nekkhammavasena avikkhepādhipateyyaṭṭhena samādhindriyaṃ daṭṭhabbaṃ , samādhindriyassa vasena dassanaṭṭhena paññindriyaṃ daṭṭhabbaṃ , adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ .
Kāmacchandaṃ pajahato nekkhammavasena dassanādhipateyyaṭṭhenaV0.210 paññindriyaṃ daṭṭhabbaṃ , paññindriyassa vasena adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ .
Byāpādaṃ pajahato abyāpādavasena … pe … thinamiddhaṃP2.23 pajahato ālokasaññāvasena … pe … sabbakilese pajahato arahattamaggavasena adhimokkhādhipateyyaṭṭhena saddhindriyaṃ daṭṭhabbaṃ , saddhindriyassa vasena paggahaṭṭhena vīriyindriyaṃ daṭṭhabbaṃ , upaṭṭhānaṭṭhena satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ … pe … sabbakilese pajahato arahattamaggavasena dassanādhipateyyaṭṭhena paññindriyaṃ daṭṭhabbaṃ , paññindriyassa vasena adhimokkhaṭṭhena saddhindriyaṃ daṭṭhabbaṃ , paggahaṭṭhena vīriyindriyaṃ daṭṭhabbaṃ , upaṭṭhānaṭṭhenaM0.219 satindriyaṃ daṭṭhabbaṃ , avikkhepaṭṭhena samādhindriyaṃ daṭṭhabbaṃ .
Evaṃ ādhipateyyaṭṭhena indriyāni daṭṭhabbāni .