2. Soḷasañāṇaniddeso
153. Imehi
V0.157 soḷasahi ākārehi uducittaṃ cittaṃ samuducitaṃ cittaṃ ekatte santiṭṭhati , nīvaraṇehi visujjhati .Katame
P1.163 te ekattā ?Nekkhammaṃ ekattaṃ , abyāpādo ekattaṃ , ālokasaññā ekattaṃ , avikkhepo ekattaṃ , dhammavavatthānaṃ ekattaṃ , ñāṇaṃ ekattaṃ , pāmojjaṃ ekattaṃ , sabbepi kusalā dhammā ekattā .
Nīvaraṇāti , katame te nīvaraṇā ?
Kāmacchando nīvaraṇaṃ , byāpādo nīvaraṇaṃ , thinamiddhaṃ nīvaraṇaṃ , uddhaccakukkuccaṃ nīvaraṇaṃ , vicikicchā nīvaraṇaṃ , avijjā nīvaraṇaṃ , arati nīvaraṇaṃ , sabbepi akusalā dhammā nīvaraṇā .
Nīvaraṇāti , kenaṭṭhena nīvaraṇā ?
Niyyānāvaraṇaṭṭhena nīvaraṇā .
Katame te niyyānā ?
Nekkhammaṃ ariyānaṃ niyyānaṃ .
Tena ca nekkhammena ariyā niyyanti .
Kāmacchando niyyānāvaraṇaṃ .
Tena ca kāmacchandena nivutattā nekkhammaṃ ariyānaṃ niyyānaṃ nappajānātīti – kāmacchando niyyānāvaraṇaṃ .
Abyāpādo ariyānaṃ niyyānaṃ .
Tena ca abyāpādena ariyā niyyanti .
Byāpādo niyyānāvaraṇaṃ .
Tena ca byāpādena nivutattā abyāpādaṃ ariyānaṃ niyyānaṃ nappajānātīti – byāpādo niyyānāvaraṇaṃ .
Ālokasaññā ariyānaṃ niyyānaṃ .
Tāya ca ālokasaññāya ariyā niyyanti
T1.246 .Thinamiddhaṃ niyyānāvaraṇaṃ .
Tena ca thinamiddhena nivutattā ālokasaññaṃ ariyānaṃ niyyānaṃ nappajānātīti – thinamiddhaṃ niyyānāvaraṇaṃ .
Avikkhepo ariyānaṃ niyyānaṃ .
Tena ca avikkhepena ariyā niyyanti .
Uddhaccaṃ niyyānāvaraṇaṃ
M0.163 .Tena ca uddhaccena nivutattā avikkhepaṃ ariyānaṃ niyyānaṃ nappajānātīti – uddhaccaṃ niyyānāvaraṇaṃ .
Dhammavavatthānaṃ ariyānaṃ niyyānaṃ .
Tena ca dhammavavatthānena ariyā niyyanti .
Vicikicchā niyyānāvaraṇaṃ .
Tāya ca vicikicchāya nivutattā dhammavavatthānaṃ ariyānaṃ niyyānaṃ nappajānātīti – vicikicchā niyyānāvaraṇaṃ .
Ñāṇaṃ ariyānaṃ niyyānaṃ .
Tena ca ñāṇena ariyā niyyanti .
Avijjā niyyānāvaraṇaṃ .
Tāya ca avijjāya nivutattā ñāṇaṃ ariyānaṃ niyyānaṃ nappajānātīti – avijjā niyyānāvaraṇaṃ .
Pāmojjaṃ ariyānaṃ niyyānaṃ .
Tena ca pāmojjena ariyā niyyanti .
Arati niyyānāvaraṇaṃ .
Tāya ca aratiyā nivutattā pāmojjaṃ ariyānaṃ niyyānaṃ nappajānātīti – arati niyyānāvaraṇaṃ .
Sabbepi kusalā dhammā ariyānaṃ niyyānaṃ .
Tehi
V0.158 ca kusalehi dhammehi ariyā niyyanti .Sabbepi akusalā dhammā niyyānāvaraṇā .
Tehi ca akusalehi dhammehi nivutattā kusale dhamme ariyānaṃ niyyānaṃ nappajānātīti – sabbepi akusalā dhammā niyyānāvaraṇā .
Imehi ca pana nīvaraṇehi visuddhacittassa soḷasavatthukaṃ
P1.164 ānāpānassatisamādhiṃ bhāvayato khaṇikasamodhānā .Soḷasañāṇaniddeso dutiyo .