2. Dhammuddhaccavāraniddeso

Author： _System_Pali_VRI_ @ Administrator

2. Dhammuddhaccavāraniddeso

6. KathaṃV0.281 dhammuddhaccaviggahitaṃ mānasaṃ hoti ?

Aniccato manasikaroto obhāso uppajjati , obhāsoP2.101 dhammoti obhāsaṃ āvajjati , tato vikkhepo uddhaccaṃ .

Tena uddhaccena viggahitamānaso aniccato upaṭṭhānaṃ yathābhūtaṃ nappajānāti , dukkhato upaṭṭhānaṃ yathābhūtaṃ nappajānāti , anattato upaṭṭhānaṃ yathābhūtaṃ nappajānāti .

Tena vuccati –

‘‘ dhammuddhaccaviggahitamānaso hoti so samayo , yaṃ taṃ cittaṃ ajjhattameva santiṭṭhati sannisīdati ekodi hoti samādhiyatiT1.446 .

Tassa maggo sañjāyatī ’’ ti kathaṃ maggo sañjāyati … pe … evaṃ maggo sañjāyati , evaṃ saññojanāni pahīyanti , anusayā byantīhonti .

Aniccato manasikaroto ñāṇaṃ uppajjati , pīti uppajjati , passaddhi uppajjati , sukhaṃ uppajjati , adhimokkho uppajjati , paggaho uppajjati , upaṭṭhānaṃ uppajjati , upekkhā uppajjati , nikanti uppajjati ,‘ nikanti dhammo ’ ti nikantiṃ āvajjati .

Tato vikkhepo uddhaccaṃ .

Tena vuccati –

‘‘ dhammuddhaccaviggahitamānasoM0.292 hoti so samayo , yaṃ taṃ cittaṃ ajjhattameva santiṭṭhati sannisīdati ekodi hoti samādhiyati .

Tassa maggo sañjāyatī ’’ ti .

Kathaṃ maggo sañjāyati … pe … evaṃ maggo sañjāyati , evaṃ saññojanāni pahīyanti , anusayā byantīhonti .

Dukkhato manasikaroto … pe … anattato manasikaroto obhāso uppajjati … pe … ñāṇaṃ uppajjati , pīti uppajjati , passaddhi uppajjati , sukhaṃ uppajjati , adhimokkho uppajjati , paggaho uppajjati , upaṭṭhānaṃ uppajjati , upekkhā uppajjati , nikanti uppajjati ,‘ nikanti dhammo ’ ti nikantiṃ āvajjati .

Tato vikkhepo uddhaccaṃ .

Tena uddhaccena viggahitamānasoT1.447 anattato upaṭṭhānaṃ , aniccato upaṭṭhānaṃ , dukkhato upaṭṭhānaṃ yathābhūtaṃ nappajānātiP2.102 .

Tena vuccati –

‘‘ dhammuddhaccaviggahitamānaso … pe … evaṃ saññojanāni pahīyanti , anusayā byantīhonti ’’.

Rūpaṃ aniccato manasikaroto … pe … rūpaṃ dukkhato manasikaroto … rūpaṃ anattato manasikaroto … vedanaṃ … pe … saññaṃ … saṅkhāre … viññāṇaṃ … cakkhuṃ … pe … jarāmaraṇaṃ aniccatoV0.282 manasikaroto … pe … jarāmaraṇaṃ dukkhato manasikaroto , jarāmaraṇaṃ anattato manasikaroto obhāso uppajjati … pe … ñāṇaṃ uppajjati , pīti uppajjati , passaddhi uppajjati , sukhaṃ uppajjati , adhimokkho uppajjati , paggaho uppajjati , upaṭṭhānaṃ uppajjati , upekkhā uppajjati , nikanti uppajjati ,‘ nikanti dhammo ’ ti nikantiṃ āvajjati .

Tato vikkhepo uddhaccaṃ .

Tena uddhaccena viggahitamānaso .

Jarāmaraṇaṃ anattato upaṭṭhānaṃ yathābhūtaṃ nappajānāti .

Jarāmaraṇaṃ aniccato upaṭṭhānaṃ yathābhūtaṃ nappajānāti , jarāmaraṇaṃ dukkhato upaṭṭhānaṃ yathābhūtaṃ nappajānāti .

Tena vuccati –

‘‘ dhammuddhaccaviggahitamānaso hoti .

So samayo , yaṃ taṃ cittaṃ ajjhattameva santiṭṭhati sannisīdati ekodi hoti samādhiyati .

Tassa maggo sañjāyatī ’’ ti .

Kathaṃ maggo sañjāyati … pe … evaṃ maggo sañjāyati .

Evaṃ saññojanāni pahīyanti , anusayā byantīhonti .

Evaṃ dhammuddhaccaviggahitaṃT1.448 mānasaṃ hoti .

Obhāse ceva ñāṇe ca , pītiyā ca vikampati ;

Passaddhiyā sukhe ceva , yehi cittaṃ pavedhati .

AdhimokkheM0.293 ca paggāhe , upaṭṭhāne ca kampati ;

Upekkhāvajjanāya ceva , upekkhāya ca nikantiyā .

Imāni dasa ṭhānāni , paññā yassa pariccitā ;

Dhammuddhaccakusalo hoti , na ca sammoha gacchati .

Vikkhipati ceva kilissati ca , cavati cittabhāvanā ;

VikkhipatiP2.103 na kilissati , bhāvanā parihāyati .

Vikkhipati na kilissati , bhāvanā na parihāyati ;

Na ca vikkhipate cittaṃ na kilissati , na cavati cittabhāvanā .

Imehi catūhi ṭhānehi cittassa saṅkhepavikkhepaviggahitaṃ [ saṅkhepaṃ vikkhepaṃ viggahitaṃ ( syā .)] dasa ṭhāne sampajānātīti .

Yuganaddhakathā niṭṭhitā .

Issues

Select Version

Paṭisambhidāmaggapāḷi

Paṭisambhidāmaggapāḷi