9. Maggakathā
237. Maggoti
V0.264P2.82 kenaṭṭhena maggo ?Sotāpattimaggakkhaṇe dassanaṭṭhena sammādiṭṭhi micchādiṭṭhiyā pahānāya maggo ceva hetu ca , sahajātānaṃ dhammānaṃ upatthambhanāya maggo ceva hetu ca , kilesānaṃ pariyādānāya maggo ceva hetu ca , paṭivedhādivisodhanāya maggo ceva hetu ca , cittassa adhiṭṭhānāya maggo ceva hetu ca , cittassa vodānāya maggo ceva hetu ca , visesādhigamāya maggo ceva hetu ca , uttari paṭivedhāya [ uttariṃ paṭivedhāya ( syā .)] maggo ceva hetu ca , saccābhisamayāya maggo ceva hetu ca , nirodhe patiṭṭhāpanāya maggo ceva hetu ca .
Abhiniropanaṭṭhena sammāsaṅkappo micchāsaṅkappassa pahānāya maggo ceva hetu ca , sahajātānaṃ dhammānaṃ upatthambhanāya maggo ceva hetu ca , kilesānaṃ pariyādānāya maggo ceva hetu ca , paṭivedhādivisodhanāya maggo ceva hetu ca , cittassa adhiṭṭhānāya maggo ceva hetu ca , cittassa vodānāya maggo ceva
T1.420 hetu ca , visesādhigamāya maggo ceva hetu ca , uttariM0.275 paṭivedhāya maggo ceva hetu ca , saccābhisamayāya maggo ceva hetu ca , nirodhe patiṭṭhāpanāya maggo ceva hetu ca .Pariggahaṭṭhena sammāvācā micchāvācāya pahānāya maggo ceva hetu ca , sahajātānaṃ dhammānaṃ upatthambhanāya maggo ceva hetu ca , kilesānaṃ pariyādānāya maggo ceva hetu ca , paṭivedhādivisodhanāya maggo ceva hetu ca , cittassa adhiṭṭhānāya maggo ceva hetu ca , cittassa vodānāya maggo ceva hetu ca , visesādhigamāya maggo ceva hetu ca , uttari paṭivedhāya maggo ceva hetu ca , saccābhisamayāya
P2.83 maggo ceva hetu ca , nirodhe patiṭṭhāpanāya maggo ceva hetu ca .Samuṭṭhānaṭṭhena
V0.265 sammākammanto micchākammantassa pahānāya maggo ceva hetu ca , sahajātānaṃ dhammānaṃ upatthambhanāya maggo ceva hetu ca , kilesānaṃ pariyādānāya maggo ceva hetu ca paṭivedhādivisodhanāya maggo ceva hetu ca , cittassa adhiṭṭhānāya maggo ceva hetu ca , cittassa vodānāya maggo ceva hetu ca , visesādhigamāya maggo ceva hetu ca , uttari paṭivedhāya maggo ceva hetu ca , saccābhisamayāya maggo ceva hetu ca , nirodhe patiṭṭhāpanāya maggo ceva hetu ca .Vodānaṭṭhena sammāājīvo micchāājīvassa pahānāya maggo ceva hetu ca … pe … paggahaṭṭhena sammāvāyāmo micchāvāyāmassa pahānāya maggo ceva hetu
T1.421 ca … pe … upaṭṭhānaṭṭhena sammāsati micchāsatiyā pahānāya maggo ceva hetu ca … pe … avikkhepaṭṭhena sammāsamādhi micchāsamādhissa pahānāya maggo ceva hetu ca , sahajātānaṃ dhammānaṃ upatthambhanāya maggo ceva hetu ca , kilesānaṃ pariyādānāya maggo ceva hetu ca , paṭivedhādivisodhanāya maggo ceva hetu ca , cittassa adhiṭṭhānāya maggo ceva hetu ca , cittassa vodānāya maggo ceva hetu ca , visesādhigamāya maggo ceva hetu ca , uttari paṭivedhāya maggo ceva hetu ca , saccābhisamayāya maggo ceva hetu ca , nirodhe patiṭṭhāpanāya maggo ceva hetu ca .Sakadāgāmimaggakkhaṇe dassanaṭṭhena sammādiṭṭhi … pe … avikkhepaṭṭhena sammāsamādhi oḷārikassa kāmarāgasaññojanassa paṭighasaññojanassa oḷārikassa kāmarāgānusayassa paṭighānusayassa pahānāya maggo ceva
M0.276 hetu ca , sahajātānaṃ dhammānaṃ upatthambhanāya maggo ceva hetu ca , kilesānaṃ pariyādānāya maggo ceva hetu ca , paṭivedhādivisodhanāya maggo ceva hetu ca , cittassa adhiṭṭhānāya maggo ceva hetu ca , cittassa vodānāya maggo ceva hetu ca , visesādhigamāya maggo ceva hetu ca , uttari paṭivedhāya maggo ceva hetu ca , saccābhisamayāya maggo ceva hetu ca , nirodhe patiṭṭhāpanāya maggo ceva hetu ca .Anāgāmimaggakkhaṇe dassanaṭṭhena sammādiṭṭhi … pe … avikkhepaṭṭhena
T1.422 sammāsamādhi anusahagatassa kāmarāgasaññojanassaP2.84 paṭighasaññojanassa , anusahagatassa kāmarāgānusayassa paṭighānusayassa pahānāya maggo ceva hetu ca , sahajātānaṃ dhammānaṃ upatthambhanāya maggo ceva hetu ca , kilesānaṃ pariyādānāya maggo ceva hetu ca , paṭivedhādivisodhanāya maggo ceva hetu ca , cittassa adhiṭṭhānāya maggo ceva hetu ca , cittassa vodānāya maggo ceva hetu caV0.266 , visesādhigamāya maggo ceva hetu ca , uttari paṭivedhāya maggo ceva hetu ca , saccābhisamayāya maggo ceva hetu ca , nirodhe patiṭṭhāpanāya maggo ceva hetu ca .Arahattamaggakkhaṇe dassanaṭṭhena sammādiṭṭhi … pe … avikkhepaṭṭhena sammāsamādhi rūparāgassa arūparāgassa mānassa uddhaccassa avijjāya , mānānusayassa bhavarāgānusayassa avijjānusayassa pahānāya maggo ceva hetu ca , sahajātānaṃ dhammānaṃ upatthambhanāya maggo ceva hetu ca , kilesānaṃ pariyādānāya maggo ceva hetu ca , paṭivedhādivisodhanāya maggo ceva hetu ca , cittassa adhiṭṭhānāya maggo ceva hetu ca , cittassa , vodānāya maggo ceva hetu ca , visesādhigamāya maggo ceva hetu ca , uttari paṭivedhāya maggo ceva hetu ca , saccābhisamayāya maggo ceva , hetu ca , nirodhe patiṭṭhāpanāya maggo ceva hetu ca .
Dassanamaggo sammādiṭṭhi , abhiniropanamaggo sammāsaṅkappo
T1.423 , pariggahamaggo sammāvācā , samuṭṭhānamaggo sammākammanto , vodānamaggo sammāājīvo , paggahamaggo sammāvāyāmo , upaṭṭhānamaggo sammāsati , avikkhepamaggo sammāsamādhi .Upaṭṭhānamaggo satisambojjhaṅgo , pavicayamaggo dhammavicayasambojjhaṅgo , paggahamaggo vīriyasambojjhaṅgo , pharaṇamaggo pītisambojjhaṅgo , upasamamaggo
M0.277 passaddhisambojjhaṅgo , avikkhepamaggo samādhisambojjhaṅgo , paṭisaṅkhānamaggo upekkhāsambojjhaṅgo .Assaddhiye akampiyamaggo saddhābalaṃ , kosajje akampiyamaggo vīriyabalaṃ , pamāde akampiyamaggo satibalaṃ , uddhacce akampiyamaggo samādhibalaṃ , avijjāya akampiyamaggo paññābalaṃ .
Adhimokkhamaggo saddhindriyaṃ , paggahamaggo vīriyindriyaṃ , upaṭṭhānamaggo
P2.85 satindriyaṃ , avikkhepamaggo samādhindriyaṃ , dassanamaggo paññindriyaṃ .Ādhipateyyaṭṭhena indriyā maggo , akampiyaṭṭhena balā maggo , niyyānaṭṭhena bojjhaṅgā maggo , hetuṭṭhena maggaṅgā maggo , upaṭṭhānaṭṭhena satipaṭṭhānā maggo , padahanaṭṭhena sammappadhānā maggo , ijjhanaṭṭhena iddhipādā maggo , tathaṭṭhena saccāni maggo , avikkhepaṭṭhena samatho maggo , anupassanaṭṭhena vipassanā maggo , ekarasaṭṭhena samathavipassanā maggo , anativattanaṭṭhena yuganaddhā maggo , saṃvaraṭṭhena sīlavisuddhi maggo , avikkhepaṭṭhena cittavisuddhi maggo , dassanaṭṭhena diṭṭhivisuddhi maggo , muttaṭṭhena vimokkho maggo , paṭivedhaṭṭhena vijjā
T1.424 maggo , pariccāgaṭṭhena vimutti maggo , samucchedaṭṭhena khaye ñāṇaṃ maggo , chando mūlaṭṭhena maggo , manasikāro samuṭṭhānaṭṭhenaV0.267 maggo , phasso samodhānaṭṭhena maggo , vedanā samosaraṇaṭṭhena maggo , samādhi pamukhaṭṭhena maggo , sati ādhipateyyaṭṭhena maggo , paññā tatuttaraṭṭhena maggo , vimutti sāraṭṭhena maggo , amatogadhaṃ nibbānaṃ pariyosānaṭṭhena maggoti .Maggakathā niṭṭhitā .