Dutiyacchakkaṃ
155. Nimittaṃ āvajjato assāse cittaṃ vikampati – samādhissa paripantho .
Assāsaṃ
V0.159 āvajjato nimitte cittaṃ vikampati – samādhissa paripantho .Nimittaṃ āvajjato passāse cittaṃ vikampati – samādhissa paripantho .
Passāsaṃ āvajjato nimitte cittaṃ vikampati – samādhissa paripantho .
Assāsaṃ āvajjato passāse cittaṃ vikampati – samādhissa paripantho .
Passāsaṃ āvajjato assāse cittaṃ
T1.248 vikampati – samādhissa paripantho .Nimittaṃ
P1.165 āvajjamānassa , assāse vikkhipate mano ;Assāsaṃ āvajjamānassa , nimitte cittaṃ vikampati .
Nimittaṃ āvajjamānassa , passāse vikkhipate mano ;
Passāsaṃ āvajjamānassa , nimitte cittaṃ vikampati .
Assāsaṃ āvajjamānassa , passāse vikkhipate mano ;
Passāsaṃ āvajjamānassa , assāse cittaṃ vikampati .
Cha ete upakkilesā , ānāpānassatisamādhissa ;
Yehi vikkhippamānassa , no ca cittaṃ vimuccati ;
Vimokkhaṃ appajānantā , te honti parapattiyāti .