Vāseṭṭhamāṇavānuyogo
525.‘‘ Niyyantīti vāseṭṭha vadesi ’’?
‘‘ Niyyantīti , bho gotama , vadāmi ’’.
‘‘ Niyyantīti , vāseṭṭha , vadesi ’’?
‘‘ Niyyantīti , bho gotama , vadāmi ’’.
‘‘ Niyyantīti , vāseṭṭha , vadesi ’’?
‘‘ Niyyantī ’’ ti , bho gotama , vadāmi ’’.
‘‘ Kiṃ
P1.238 pana , vāseṭṭha , atthi koci tevijjānaṃ brāhmaṇānaṃ ekabrāhmaṇopi , yena brahmā sakkhidiṭṭho ’’ ti ?‘‘ No hidaṃ , bho gotama ’’
T1.298 .‘‘ Kiṃ pana , vāseṭṭha , atthi koci tevijjānaṃ brāhmaṇānaṃ ekācariyopi , yena brahmā sakkhidiṭṭho ’’ ti ?
‘‘ No hidaṃ , bho gotama ’’.
‘‘ Kiṃ pana , vāseṭṭha , atthi koci tevijjānaṃ brāhmaṇānaṃ ekācariyapācariyopi , yena brahmā sakkhidiṭṭho ’’ ti ?
‘‘ No hidaṃ , bho gotama ’’.
‘‘ Kiṃ pana , vāseṭṭha , atthi koci tevijjānaṃ brāhmaṇānaṃ yāva sattamā ācariyāmahayugā [ sattamācariyamahayugā ( syā .)] yena brahmā sakkhidiṭṭho ’’ ti ?
‘‘ No hidaṃ , bho gotama ’’.
526.‘‘ Kiṃ pana , vāseṭṭha , yepi tevijjānaṃ brāhmaṇānaṃ pubbakā isayo mantānaṃ kattāro mantānaṃ pavattāro , yesamidaṃ etarahi tevijjā brāhmaṇā porāṇaṃ mantapadaṃ gītaṃ pavuttaṃ samihitaṃ [ samīhitaṃ ( syā .)], tadanugāyanti , tadanubhāsanti , bhāsitamanubhāsanti , vācitamanuvācenti , seyyathidaṃ – aṭṭhako vāmako vāmadevo vessāmitto yamataggi aṅgīraso bhāradvājo vāseṭṭho kassapo bhagu .
Tepi evamāhaṃsu –
‘ mayametaṃ jānāma , mayametaṃ passāma , yattha vā brahmā , yena vā brahmā , yahiṃ vā brahmā ’’’ ti ?
‘‘ No hidaṃ , bho gotama ’’.
527.‘‘ Iti
M1.225 kira , vāseṭṭha , natthi koci tevijjānaṃ brāhmaṇānaṃ ekabrāhmaṇopi , yena brahmā sakkhidiṭṭho .Natthi koci tevijjānaṃ brāhmaṇānaṃ ekācariyopi , yena brahmā sakkhidiṭṭho
V1.217 .Natthi koci tevijjānaṃ brāhmaṇānaṃ ekācariyapācariyopi , yena brahmā sakkhidiṭṭho .
Natthi
P1.239 koci tevijjānaṃ brāhmaṇānaṃ yāva sattamā ācariyāmahayugā yena brahmā sakkhidiṭṭho .Yepi
T1.299 kira tevijjānaṃ brāhmaṇānaṃ pubbakā isayo mantānaṃ kattāro mantānaṃ pavattāro , yesamidaṃ etarahi tevijjā brāhmaṇā porāṇaṃ mantapadaṃ gītaṃ pavuttaṃ samihitaṃ , tadanugāyanti , tadanubhāsanti , bhāsitamanubhāsanti , vācitamanuvācenti , seyyathidaṃ – aṭṭhako vāmako vāmadevo vessāmitto yamataggi aṅgīraso bhāradvājo vāseṭṭho kassapo bhagu , tepi na evamāhaṃsu –‘ mayametaṃ jānāma , mayametaṃ passāma , yattha vā brahmā , yena vā brahmā , yahiṃ vā brahmā ’ ti .
Teva tevijjā brāhmaṇā evamāhaṃsu –
‘ yaṃ na jānāma , yaṃ na passāma , tassa sahabyatāya maggaṃ desema .
Ayameva ujumaggo ayamañjasāyano niyyāniko , niyyāti takkarassa brahmasahabyatāyā ’’’ ti .
528.‘‘ Taṃ kiṃ maññasi , vāseṭṭha , nanu evaṃ sante tevijjānaṃ brāhmaṇānaṃ appāṭihīrakataṃ bhāsitaṃ sampajjatī ’’ ti ?
‘‘ Addhā kho , bho gotama , evaṃ sante tevijjānaṃ brāhmaṇānaṃ appāṭihīrakataṃ bhāsitaṃ sampajjatī ’’ ti .
‘‘ Sādhu , vāseṭṭha , te vata [ teva ( ka .)], vāseṭṭha , tevijjā brāhmaṇā yaṃ na jānanti , yaṃ na passanti , tassa sahabyatāya maggaṃ desessanti .
‘ Ayameva ujumaggo , ayamañjasāyano niyyāniko , niyyāti takkarassa brahmasahabyatāyā ’ ti , netaṃ ṭhānaṃ vijjati .
529.‘‘ Seyyathāpi , vāseṭṭha , andhaveṇi
T1.300 paramparasaṃsattā purimopi na passati , majjhimopi na passati , pacchimopi na passati .Evameva kho , vāseṭṭha , andhaveṇūpamaṃ maññe tevijjānaṃ brāhmaṇānaṃ bhāsitaṃ , purimopi na passati , majjhimopi na passati , pacchimopi na passati .
Tesamidaṃ tevijjānaṃ brāhmaṇānaṃ bhāsitaṃ
P1.240 hassakaññeva sampajjati , nāmakaññeva sampajjati , rittakaññeva sampajjati , tucchakaññeva sampajjati . 530.‘‘ Taṃ
M1.226 kiṃ maññasi , vāseṭṭha , passanti tevijjā brāhmaṇā candimasūriye , aññe cāpi bahujanā , yato ca candimasūriyā uggacchanti , yattha ca ogacchanti , āyācanti thomayanti pañjalikā namassamānā anuparivattantī ’’ ti ?‘‘ Evaṃ , bho gotama , passanti tevijjā brāhmaṇā candimasūriye , aññe cāpi bahujanā , yato
V1.218 ca candimasūriyā uggacchanti , yattha ca ogacchanti , āyācanti thomayanti pañjalikā namassamānā anuparivattantī ’’ ti . 531.‘‘ Taṃ kiṃ maññasi , vāseṭṭha , yaṃ passanti tevijjā brāhmaṇā candimasūriye , aññe cāpi bahujanā , yato ca candimasūriyā uggacchanti , yattha ca ogacchanti , āyācanti thomayanti pañjalikā namassamānā anuparivattanti , pahonti tevijjā brāhmaṇā candimasūriyānaṃ sahabyatāya maggaṃ desetuṃ –
‘‘ ayameva ujumaggo , ayamañjasāyano niyyāniko , niyyāti takkarassa candimasūriyānaṃ sahabyatāyā ’’ ti ?
‘‘ No hidaṃ , bho gotama ’’.
‘‘ Iti kira , vāseṭṭha , yaṃ passanti tevijjā brāhmaṇā candimasūriye , aññe cāpi bahujanā , yato ca candimasūriyā uggacchanti , yattha
T1.301 ca ogacchanti , āyācanti thomayanti pañjalikā namassamānā anuparivattanti , tesampi nappahonti candimasūriyānaṃ sahabyatāya maggaṃ desetuṃ –‘‘ ayameva ujumaggo , ayamañjasāyano niyyāniko , niyyāti takkarassa candimasūriyānaṃ sahabyatāyā ’’ ti .
532.‘‘ Iti pana [ kiṃ pana ( sī . syā . pī .)] na kira tevijjehi brāhmaṇehi brahmā sakkhidiṭṭho .
Napi kira tevijjānaṃ brāhmaṇānaṃ ācariyehi brahmā sakkhidiṭṭho .
Napi kira tevijjānaṃ brāhmaṇānaṃ
P1.241 ācariyapācariyehi brahmā sakkhidiṭṭho .Napi kira tevijjānaṃ brāhmaṇānaṃ yāva sattamā [ sattamehi (?)] ācariyāmahayugehi brahmā sakkhidiṭṭho .
Yepi kira tevijjānaṃ brāhmaṇānaṃ pubbakā isayo mantānaṃ kattāro mantānaṃ pavattāro , yesamidaṃ etarahi tevijjā brāhmaṇā porāṇaṃ mantapadaṃ gītaṃ pavuttaṃ samihitaṃ , tadanugāyanti , tadanubhāsanti , bhāsitamanubhāsanti , vācitamanuvācenti , seyyathidaṃ – aṭṭhako vāmako vāmadevo
M1.227 vessāmitto yamataggi aṅgīraso bhāradvājo vāseṭṭho kassapo bhagu , tepi na evamāhaṃsu –‘‘ mayametaṃ jānāma , mayametaṃ passāma , yattha vā brahmā , yena vā brahmā , yahiṃ vā brahmā ’’ ti .
Teva tevijjā brāhmaṇā evamāhaṃsu –
‘‘ yaṃ na jānāma , yaṃ na passāma , tassa sahabyatāya maggaṃ desema – ayameva ujumaggo ayamañjasāyano niyyāniko niyyāti takkarassa brahmasahabyatāyā ’’ ti .
533.‘‘ Taṃ kiṃ maññasi , vāseṭṭha , nanu evaṃ sante tevijjānaṃ brāhmaṇānaṃ appāṭihīrakataṃ
V1.219 bhāsitaṃ sampajjatī ’’ ti ?‘‘ Addhā kho , bho gotama
T1.302 , evaṃ sante tevijjānaṃ brāhmaṇānaṃ appāṭihīrakataṃ bhāsitaṃ sampajjatī ’’ ti .‘‘ Sādhu , vāseṭṭha , te vata , vāseṭṭha , tevijjā brāhmaṇā yaṃ na jānanti , yaṃ na passanti , tassa sahabyatāya maggaṃ desessanti –
‘‘ ayameva ujumaggo , ayamañjasāyano niyyāniko , niyyāti takkarassa brahmasahabyatāyā ’’ ti , netaṃ ṭhānaṃ vijjati .