Issues
Editor
Settings
Versions
Select Version
Bhāsāṭīkā-ဘာသာဋီကာ
မြန်မာဘာသာ
Sīlakkhandhavaggapāḷi
Sīlakkhandhavaggapāḷi

Sīlasamādhipaññāsampadā

Author： _System_Pali_VRI_ @ Administrator

Sīlasamādhipaññāsampadā

400. Evaṃ vutte , acelo kassapo bhagavantaṃ etadavoca –
‘‘ katamā pana sā , bho gotama , sīlasampadā , katamā cittasampadā , katamā paññāsampadā ’’ ti ?
‘‘ Idha , kassapa , tathāgato loke uppajjati arahaṃ , sammāsambuddho … pe …( yathā 190-193 anucchedesu , evaṃ vitthāretabbaṃ ) bhayadassāvī samādāya sikkhati sikkhāpadesu , kāyakammavacīkammena samannāgato kusalena parisuddhājīvo sīlasampanno indriyesu guttadvāro satisampajaññena samannāgato santuṭṭho .
401.‘‘ Kathañca , kassapa , bhikkhu sīlasampanno hoti ?
Idha , kassapa , bhikkhu pāṇātipātaṃ pahāya pāṇātipātā paṭivirato hoti nihitadaṇḍo nihitasattho lajjī dayāpanno , sabbapāṇabhūtahitānukampī viharati .
Idampissa hoti sīlasampadāyaP1.172 … pe …( yathā 194 yāva 210 anucchedesu )
‘‘ Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṃ kappentiM1.163 .
Seyyathidaṃ – santikammaṃ paṇidhikammaṃ … pe …( yathā 211 anucchede ) osadhīnaṃ patimokkho iti vā iti , evarūpāya tiracchānavijjāya micchājīvā paṭivirato hoti .
Idampissa hoti sīlasampadāya .
‘‘ Sa kho so [ ayaṃ kho ( ka .)], kassapa , bhikkhu evaṃ sīlasampanno na kutoci bhayaṃ samanupassati , yadidaṃ sīlasaṃvarato .
Seyyathāpi , kassapa , rājā khattiyo muddhāvasitto nihatapaccāmitto na kutoci bhayaṃ samanupassati , yadidaṃ paccatthikato .
Evameva kho , kassapa , bhikkhu evaṃ sīlasampanno na kutoci bhayaṃ samanupassati , yadidaṃ sīlasaṃvarato .
So iminā ariyena sīlakkhandhena samannāgato ajjhattaṃ anavajjasukhaṃ paṭisaṃvedeti .
Evaṃ kho , kassapa , bhikkhu sīlasampanno hoti .
Ayaṃ kho , kassapa , sīlasampadā … pe …V1.156P1.173 paṭhamaṃ jhānaṃ upasampajja viharati .
Idampissa hoti cittasampadāya … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ upasampajja viharati .
Idampissa hoti cittasampadāya .
Ayaṃ kho , kassapa , cittasampadā .
‘‘ So evaṃ samāhite citte … pe … ñāṇadassanāya cittaṃ abhinīharati abhininnāmeti … pe …P1.174 idampissa hoti paññāsampadāya … pe … nāparaṃ itthattāyāti pajānāti … pe … idampissa hoti paññāsampadāya .
Ayaṃ kho , kassapa , paññāsampadā .
‘‘ ImāyaV1.157 ca , kassapa , sīlasampadāya cittasampadāya paññāsampadāya aññā sīlasampadā cittasampadā paññāsampadā uttaritarā vā paṇītatarā vā natthi .