Dutiyajjhānaṃ
228.‘‘ Puna caparaṃ , mahārāja , bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja
V1.66 viharati .So imameva kāyaṃ samādhijena pītisukhena abhisandeti parisandeti paripūreti parippharati , nāssa
T1.99 kiñci sabbāvato kāyassa samādhijena pītisukhena apphuṭaṃ hoti . 229.‘‘ Seyyathāpi , mahārāja , udakarahado gambhīro ubbhidodako [ ubbhitodako ( syā . kaṃ . ka .)] tassa nevassa puratthimāya disāya udakassa āyamukhaṃ , na dakkhiṇāya disāya udakassa āyamukhaṃ , na pacchimāya disāya udakassa āyamukhaṃ , na uttarāya disāya udakassa āyamukhaṃ , devo ca na kālenakālaṃ sammādhāraṃ anuppaveccheyya .
Atha kho tamhāva udakarahadā sītā vāridhārā ubbhijjitvā tameva udakarahadaṃ sītena vārinā abhisandeyya parisandeyya paripūreyya paripphareyya , nāssa kiñci sabbāvato udakarahadassa sītena vārinā apphuṭaṃ assa .
Evameva kho , mahārāja , bhikkhu imameva kāyaṃ samādhijena pītisukhena abhisandeti parisandeti
P1.75 paripūreti parippharati , nāssa kiñci sabbāvato kāyassa samādhijena pītisukhena apphuṭaṃM1.71 hoti .Idampi kho , mahārāja , sandiṭṭhikaṃ sāmaññaphalaṃ purimehi sandiṭṭhikehi sāmaññaphalehi abhikkantatarañca paṇītatarañca .