Kevaṭṭagahapatiputtavatthu

Author： _System_Pali_VRI_ @ Administrator

Kevaṭṭagahapatiputtavatthu

481. EvaṃM1.205V1.195P1.211T1.273 me sutaṃ – ekaṃ samayaṃ bhagavā nāḷandāyaṃ viharati pāvārikambavane .

Atha kho kevaṭṭo gahapatiputto yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho kevaṭṭo gahapatiputto bhagavantaṃ etadavoca –

‘‘ ayaṃ , bhante , nāḷandā iddhā ceva phītā ca bahujanā ākiṇṇamanussā bhagavati abhippasannā .

Sādhu , bhante , bhagavā ekaṃ bhikkhuṃ samādisatu , yo uttarimanussadhammā , iddhipāṭihāriyaṃ karissati ;

evāyaṃ nāḷandā bhiyyoso mattāya bhagavati abhippasīdissatī ’’ ti .

Evaṃ vutte , bhagavā kevaṭṭaṃ gahapatiputtaṃ etadavoca –

‘‘ na kho ahaṃ , kevaṭṭa , bhikkhūnaṃ evaṃ dhammaṃ desemi – etha tumhe , bhikkhave , gihīnaṃ odātavasanānaṃ uttarimanussadhammā iddhipāṭihāriyaṃ karothā ’’ ti .

482. Dutiyampi kho kevaṭṭo gahapatiputto bhagavantaṃ etadavoca –

‘‘ nāhaṃ , bhante , bhagavantaṃ dhaṃsemi ;

api ca , evaṃ vadāmi –

‘ ayaṃ , bhante , nāḷandā iddhā ceva phītā ca bahujanā ākiṇṇamanussā bhagavati abhippasannā .

Sādhu , bhante , bhagavā ekaṃ bhikkhuṃ samādisatu , yo uttarimanussadhammāP1.212 iddhipāṭihāriyaṃ karissati ;

evāyaṃ nāḷandā bhiyyoso mattāya bhagavati abhippasīdissatī ’’’ ti .

Dutiyampi kho bhagavā kevaṭṭaṃ gahapatiputtaṃ etadavoca –

‘‘ na kho ahaṃ , kevaṭṭa , bhikkhūnaṃ evaṃ dhammaṃ desemi – etha tumhe , bhikkhave , gihīnaṃ odātavasanānaṃ uttarimanussadhammā iddhipāṭihāriyaṃ karothā ’’’ ti .

Tatiyampi kho kevaṭṭo gahapatiputto bhagavantaṃ etadavoca –

‘‘ nāhaṃ , bhante , bhagavantaṃ dhaṃsemi ;

api ca , evaṃ vadāmi –

‘ ayaṃ , bhante , nāḷandā iddhā ceva phītā ca bahujanā ākiṇṇamanussāV1.196 bhagavati abhippasannā .

Sādhu , bhante , bhagavā ekaṃ bhikkhuṃ samādisatu , yo uttarimanussadhammā iddhipāṭihāriyaṃ karissati .

Evāyaṃ nāḷandā bhiyyoso mattāya bhagavati abhippasīdissatī ’ ti .

Issues

Select Version

Sīlakkhandhavaggapāḷi

Sīlakkhandhavaggapāḷi