Nevasaññīnāsaññīvādo
81.‘‘ Santi , bhikkhave , eke samaṇabrāhmaṇā uddhamāghātanikā nevasaññīnāsaññīvādā , uddhamāghātanaṃ nevasaññīnāsaññiṃ attānaṃ paññapenti aṭṭhahi vatthūhi .
Te ca bhonto samaṇabrāhmaṇā kimāgamma kimārabbha uddhamāghātanikā nevasaññīnāsaññīvādā uddhamāghātanaṃ nevasaññīnāsaññiṃ attānaṃ paññapenti aṭṭhahi vatthūhi ?
82.‘‘‘ Rūpī attā hoti arogo paraṃ maraṇā nevasaññīnāsaññī ’ ti naṃ paññapenti ‘ arūpī
T1.43 attā hoti … pe … rūpī ca arūpī ca attā hoti … nevarūpī nārūpī attā hoti … antavā attā hoti … anantavā attā hoti … antavā ca anantavā ca attā hoti … nevantavā nānantavā attā hoti arogo paraṃ maraṇā nevasaññīnāsaññī ’ ti naṃ paññapenti . 83.‘‘ Imehi kho te , bhikkhave , samaṇabrāhmaṇā uddhamāghātanikā nevasaññīnāsaññīvādā uddhamāghātanaṃ nevasaññīnāsaññiṃ attānaṃ paññapenti aṭṭhahi vatthūhi .
Ye hi keci , bhikkhave , samaṇā vā brāhmaṇā vā uddhamāghātanikā nevasaññīnāsaññīvādā uddhamāghātanaṃ nevasaññīnāsaññiṃ attānaṃ paññapenti , sabbe te imeheva aṭṭhahi vatthūhi … pe …
V1.29P1.33 yehi tathāgatassa yathābhuccaṃ vaṇṇaṃ sammā vadamānā vadeyyuṃ .