Diṭṭhadhammanibbānavādo
93.‘‘ Santi , bhikkhave , eke samaṇabrāhmaṇā diṭṭhadhammanibbānavādā sato sattassa paramadiṭṭhadhammanibbānaṃ paññapenti pañcahi vatthūhi .
Te ca bhonto samaṇabrāhmaṇā kimāgamma kimārabbha diṭṭhadhammanibbānavādā
T1.47 sato sattassa paramadiṭṭhadhammanibbānaṃ paññapenti pañcahi vatthūhi ? 94.‘‘ Idha , bhikkhave , ekacco samaṇo vā brāhmaṇo vā evaṃvādī hoti evaṃdiṭṭhi –
‘‘ yato kho , bho , ayaṃ attā pañcahi kāmaguṇehi samappito samaṅgībhūto paricāreti , ettāvatā kho , bho , ayaṃ attā paramadiṭṭhadhammanibbānaṃ patto hotī ’ ti .
Ittheke sato sattassa paramadiṭṭhadhammanibbānaṃ paññapenti .
95.‘‘ Tamañño evamāha –
‘ atthi kho , bho , eso attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā paramadiṭṭhadhammanibbānaṃ patto hoti .
Taṃ kissa hetu ?
Kāmā hi , bho , aniccā dukkhā vipariṇāmadhammā , tesaṃ vipariṇāmaññathābhāvā uppajjanti sokaparidevadukkhadomanassupāyāsā .
Yato kho
P1.37 , bho , ayaṃ attā vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati , ettāvatā kho , bho , ayaṃM1.34 attā paramadiṭṭhadhammanibbānaṃ patto hotī ’ ti .Ittheke sato sattassa paramadiṭṭhadhammanibbānaṃ paññapenti .
96.‘‘ Tamañño
V1.32 evamāha –‘ atthi kho , bho , eso attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā paramadiṭṭhadhammanibbānaṃ patto hoti .
Taṃ kissa hetu ?
Yadeva tattha vitakkitaṃ vicāritaṃ , etenetaṃ oḷārikaṃ akkhāyati .
Yato kho , bho , ayaṃ attā vitakkavicārānaṃ
T1.48 vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati , ettāvatā kho , bho , ayaṃ attā paramadiṭṭhadhammanibbānaṃ patto hotī ’ ti .Ittheke sato sattassa paramadiṭṭhadhammanibbānaṃ paññapenti .
97.‘‘ Tamañño evamāha –
‘ atthi kho , bho , eso attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā paramadiṭṭhadhammanibbānaṃ patto hoti .
Taṃ kissa hetu ?
Yadeva tattha pītigataṃ cetaso uppilāvitattaṃ , etenetaṃ oḷārikaṃ akkhāyati .
Yato kho , bho , ayaṃ attā pītiyā ca virāgā upekkhako ca viharati , sato ca sampajāno , sukhañca kāyena paṭisaṃvedeti , yaṃ taṃ ariyā ācikkhanti ‘‘ upekkhako satimā sukhavihārī ’’ ti , tatiyaṃ jhānaṃ upasampajja viharati , ettāvatā kho , bho , ayaṃ attā paramadiṭṭhadhammanibbānaṃ patto hotī ’ ti .
Ittheke sato sattassa paramadiṭṭhadhammanibbānaṃ paññapenti .
98.‘‘ Tamañño evamāha –
‘ atthi kho , bho , eso attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā paramadiṭṭhadhammanibbānaṃ patto hoti .
Taṃ kissa hetu ?
Yadeva tattha sukhamiti cetaso ābhogo , etenetaṃ oḷārikaṃ akkhāyati .
Yato kho , bho , ayaṃ attā sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ
P1.38 upekkhāsatipārisuddhiṃ catutthaṃ jhānaṃ upasampajja viharati , ettāvatāT1.49 kho , bho , ayaṃ attā paramadiṭṭhadhammanibbānaṃ patto hotī ’ ti .Ittheke sato sattassa paramadiṭṭhadhammanibbānaṃ paññapenti .
99.‘‘ Imehi
M1.35 kho te , bhikkhave , samaṇabrāhmaṇā diṭṭhadhammanibbānavādā sato sattassa paramadiṭṭhadhammanibbānaṃ paññapenti pañcahi vatthūhi .Ye hi keci , bhikkhave , samaṇā vā brāhmaṇā vā diṭṭhadhammanibbānavādā sato sattassa paramadiṭṭhadhammanibbānaṃ paññapenti , sabbe te imeheva pañcahi vatthūhi … pe …
V1.33 yehi tathāgatassa yathābhuccaṃ vaṇṇaṃ sammā vadamānā vadeyyuṃ . 100.‘‘ Imehi kho te , bhikkhave , samaṇabrāhmaṇā aparantakappikā aparantānudiṭṭhino aparantaṃ ārabbha anekavihitāni adhimuttipadāni abhivadanti catucattārīsāya vatthūhi .
Ye hi keci , bhikkhave , samaṇā vā brāhmaṇā vā aparantakappikā aparantānudiṭṭhino aparantaṃ ārabbha anekavihitāni adhimuttipadāni abhivadanti , sabbe te imeheva catucattārīsāya vatthūhi … pe …
P1.39 yehi tathāgatassa yathābhuccaṃ vaṇṇaṃ sammā vadamānā vadeyyuṃ . 101.‘‘ Imehi kho te , bhikkhave , samaṇabrāhmaṇā pubbantakappikā ca aparantakappikā ca pubbantāparantakappikā ca pubbantāparantānudiṭṭhino pubbantāparantaṃ ārabbha anekavihitāni adhimuttipadāni abhivadanti dvāsaṭṭhiyā vatthūhi .
102.‘‘ Ye hi keci , bhikkhave , samaṇā vā brāhmaṇā vā pubbantakappikā vā aparantakappikā vā pubbantāparantakappikā vā pubbantāparantānudiṭṭhino pubbantāparantaṃ ārabbha anekavihitāni adhimuttipadāni
T1.50 abhivadanti , sabbe te imeheva dvāsaṭṭhiyā vatthūhi , etesaṃ vā aññatarena ;natthi ito bahiddhā .
103.‘‘ Tayidaṃ , bhikkhave , tathāgato pajānāti –
‘ ime diṭṭhiṭṭhānā evaṃgahitā evaṃparāmaṭṭhā evaṃgatikā bhavanti evaṃabhisamparāyā ’ ti .
Tañca tathāgato pajānāti , tato ca uttaritaraṃ pajānāti , tañca pajānanaṃ na parāmasati , aparāmasato cassa paccattaññeva nibbuti
V1.34 viditā .Vedanānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā anupādāvimutto , bhikkhave , tathāgato .
104.‘‘ Ime
M1.36 kho te , bhikkhave , dhammā gambhīrā duddasā duranubodhā santā paṇītā atakkāvacarā nipuṇā paṇḍitavedanīyā , ye tathāgato sayaṃ abhiññā sacchikatvā pavedeti , yehi tathāgatassa yathābhuccaṃ vaṇṇaṃ sammā vadamānā vadeyyuṃ .