Niccadānaanukulayaññaṃ
349.‘‘ Atthi pana , bho gotama , añño yañño imāya tividhāya yaññasampadāya [ tividhayaññasampadāya ( ka .)] soḷasaparikkhārāya appaṭṭhataro [ appatthataro ( syā . kaṃ .)] ca appasamārambhataro [ appasamārabbhataro ( sī . pī . ka .)] ca mahapphalataro ca mahānisaṃsataro cā ’’ ti ?
‘‘ Atthi
M1.137P1.144 kho , brāhmaṇa , añño yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṃsataro cā ’’ ti .‘‘ Katamo pana so , bho gotama , yañño imāya tividhāya yaññasampadāya soḷasaparikkhārāya
V1.128 appaṭṭhataro ca appasamārambhataro ca mahapphalataro ca mahānisaṃsataro cā ’’ ti ?‘‘ Yāni kho pana tāni , brāhmaṇa , niccadānāni anukulayaññāni sīlavante pabbajite uddissa diyyanti ;
ayaṃ kho , brāhmaṇa , yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṃsataro cā ’’ ti .
‘‘ Ko nu kho , bho gotama , hetu ko paccayo , yena taṃ niccadānaṃ anukulayaññaṃ imāya tividhāya yaññasampadāya soḷasaparikkhārāya appaṭṭhatarañca appasamārambhatarañca mahapphalatarañca mahānisaṃsatarañcā ’’ ti
T1.186 ?‘‘ Na kho , brāhmaṇa , evarūpaṃ yaññaṃ upasaṅkamanti arahanto vā arahattamaggaṃ vā samāpannā .
Taṃ kissa hetu ?
Dissanti hettha , brāhmaṇa , daṇḍappahārāpi galaggahāpi , tasmā evarūpaṃ yaññaṃ na upasaṅkamanti arahanto vā arahattamaggaṃ vā samāpannā .
Yāni kho pana tāni , brāhmaṇa , niccadānāni anukulayaññāni sīlavante pabbajite uddissa diyyanti ;
evarūpaṃ kho , brāhmaṇa , yaññaṃ upasaṅkamanti arahanto vā arahattamaggaṃ vā samāpannā .
Taṃ kissa hetu ?
Na hettha , brāhmaṇa , dissanti daṇḍappahārāpi galaggahāpi , tasmā evarūpaṃ yaññaṃ upasaṅkamanti arahanto vā arahattamaggaṃ vā samāpannā .
Ayaṃ kho , brāhmaṇa , hetu ayaṃ paccayo , yena taṃ niccadānaṃ anukulayaññaṃ imāya tividhāya yaññasampadāya soḷasaparikkhārāya appaṭṭhatarañca appasamārambhatarañca mahapphalatarañca mahānisaṃsatarañcā ’’ ti .
350.‘‘ Atthi pana , bho gotama , añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro
P1.145 ca mahapphalataro ca mahānisaṃsataro cā ’’ ti ?‘‘ Atthi
M1.138 kho , brāhmaṇa , añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā ’’ ti .‘‘ Katamo
V1.129 pana so , bho gotama , yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā ’’ ti ?‘‘ Yo kho , brāhmaṇa , cātuddisaṃ saṅghaṃ uddissa vihāraṃ karoti , ayaṃ kho
T1.187 , brāhmaṇa , yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā ’’ ti . 351.‘‘ Atthi pana , bho gotama , añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā ’’ ti ?
‘‘ Atthi kho , brāhmaṇa , añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā ’’ ti .
‘‘ Katamo pana so , bho gotama , yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā ’’ ti ?
‘‘ Yo kho , brāhmaṇa , pasannacitto buddhaṃ saraṇaṃ gacchati , dhammaṃ saraṇaṃ gacchati , saṅghaṃ saraṇaṃ gacchati ;
ayaṃ kho , brāhmaṇa , yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro
P1.146 ca appasamārambhataro ca mahapphalataro ca mahānisaṃsataro cā ’’ ti . 352.‘‘ Atthi
M1.139 pana , bho gotama , añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā ’’ ti ?‘‘ Atthi
V1.130 kho , brāhmaṇa , añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā ’’ ti .‘‘ Katamo pana so , bho gotama , yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā ’’ ti ?
‘‘ Yo kho , brāhmaṇa , pasannacitto sikkhāpadāni samādiyati – pāṇātipātā veramaṇiṃ , adinnādānā veramaṇiṃ , kāmesumicchācārā veramaṇiṃ , musāvādā veramaṇiṃ , surāmerayamajjapamādaṭṭhānā veramaṇiṃ .
Ayaṃ kho , brāhmaṇa , yañño
T1.188 imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā ’’ ti . 353.‘‘ Atthi pana , bho gotama , añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṃsataro cā ’’ ti ?
‘‘ Atthi kho , brāhmaṇa , añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro
M1.140 ca appasamārambhataro ca mahapphalataro ca mahānisaṃsataro cā ’’ ti .‘‘ Katamo
P1.147 pana so , bho gotama , yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi caV1.131 saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṃsataro cā ’’ ti ?‘‘ Idha , brāhmaṇa , tathāgato loke uppajjati arahaṃ sammāsambuddho … pe …( yathā 190-212 anucchedesu , evaṃ vitthāretabbaṃ ).
Evaṃ kho , brāhmaṇa , bhikkhu sīlasampanno hoti … pe … paṭhamaṃ jhānaṃ upasampajja viharati .
Ayaṃ kho , brāhmaṇa , yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro
T1.189 ca … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ upasampajja viharati .Ayampi kho , brāhmaṇa , yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro cāti .
Ñāṇadassanāya cittaṃ abhinīharati abhininnāmeti … pe … ayampi kho , brāhmaṇa , yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro ca … pe …
V1.132 nāparaṃ itthattāyāti pajānāti .Ayampi kho , brāhmaṇa , yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro ca .
Imāya ca , brāhmaṇa , yaññasampadāya aññā yaññasampadā uttaritarā vā paṇītatarā vā natthī ’’ ti .