Anusāsanīpāṭihāriyaṃ
486.‘‘ Katamañca , kevaṭṭa , anusāsanīpāṭihāriyaṃ ?
Idha , kevaṭṭa , bhikkhu evamanusāsati –
‘ evaṃ vitakketha , mā evaṃ vitakkayittha , evaṃ manasikarotha , mā
M1.208 evaṃ manasākattha , idaṃ pajahatha , idaṃ upasampajja viharathā ’ ti .Idaṃ vuccati , kevaṭṭa , anusāsanīpāṭihāriyaṃ .
‘‘ Puna caparaṃ , kevaṭṭa , idha tathāgato loke uppajjati arahaṃ sammāsambuddho
P1.215 … pe …( yathā 190-212 anucchedesu evaṃ vitthāretabbaṃ ).Evaṃ kho , kevaṭṭa , bhikkhu sīlasampanno hoti … pe … paṭhamaṃ jhānaṃ upasampajja viharati .
Idampi vuccati , kevaṭṭa , anusāsanīpāṭihāriyaṃ … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ upasampajja viharati .
Idampi vuccati , kevaṭṭa , anusāsanīpāṭihāriyaṃ … pe … ñāṇadassanāya cittaṃ abhinīharati
V1.199 abhininnāmeti … pe … idampi vuccati , kevaṭṭa , anusāsanīpāṭihāriyaṃ … pe … nāparaṃ itthattāyāti pajānāti … pe … idampi vuccati , kevaṭṭa , anusāsanīpāṭihāriyaṃ .‘‘ Imāni kho , kevaṭṭa , tīṇi pāṭihāriyāni mayā sayaṃ abhiññā
T1.277 sacchikatvā paveditāni ’’.