Issues
Editor
Settings
Versions
Select Version
莊春江讀經站
繁体中文
Bhikkhu Bodhi
English
Bhāsāṭīkā-ဘာသာဋီကာ
မြန်မာဘာသာ
Sīlakkhandhavaggapāḷi
Sīlakkhandhavaggapāḷi

Ucchedavādo

Author： _System_Pali_VRI_ @ Administrator

Ucchedavādo

84.‘‘ SantiP1.34 , bhikkhave , eke samaṇabrāhmaṇā ucchedavādā sato sattassa ucchedaṃ vināsaṃ vibhavaṃ paññapenti sattahi vatthūhi .
Te ca bhontoM1.31 samaṇabrāhmaṇā kimāgamma kimārabbha ucchedavādā sato sattassa ucchedaṃ vināsaṃ vibhavaṃ paññapenti sattahi vatthūhi ?
85.‘‘ Idha , bhikkhave , ekacco samaṇo vā brāhmaṇo vā evaṃvādī hoti evaṃdiṭṭhi [ evaṃdiṭṭhī ( ka . pī .)]–
‘ yato kho , bho , ayaṃ attā rūpī cātumahābhūtiko mātāpettikasambhavo kāyassa bhedā ucchijjati vinassati , na hoti paraṃ maraṇā , ettāvatā kho , bho , ayaṃ attā sammā samucchinno hotī ’ ti .
Ittheke sato sattassa ucchedaṃ vināsaṃ vibhavaṃ paññapenti .
86.‘‘ Tamañño evamāha –
‘ atthiT1.44 kho , bho , eso attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā sammā samucchinno hoti .
Atthi kho , bho , añño attā dibbo rūpī kāmāvacaro kabaḷīkārāhārabhakkho .
Taṃ tvaṃ na jānāsi na passasi .
Tamahaṃ jānāmi passāmi .
So kho , bho , attā yato kāyassa bhedā ucchijjati vinassati , na hoti paraṃ maraṇā , ettāvatā kho , bho , ayaṃ attā sammā samucchinno hotī ’ ti .
Ittheke sato sattassa ucchedaṃ vināsaṃ vibhavaṃ paññapenti .
87.‘‘ Tamañño evamāha –
‘ atthi kho , bho , eso attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā sammā samucchinno hoti .
Atthi kho , bho , añño attā dibbo rūpī manomayo sabbaṅgapaccaṅgī ahīnindriyo .
Taṃ tvaṃ na jānāsi na passasi .
Tamahaṃ jānāmi passāmi .
So kho , bho , attā yato kāyassa bhedā ucchijjati vinassati , na hoti paraṃ maraṇā , ettāvatā kho , bho , ayaṃ attā sammā samucchinno hotī ’ ti .
Ittheke sato sattassa ucchedaṃ vināsaṃ vibhavaṃ paññapenti .
88.‘‘ Tamañño evamāha –
‘ atthi kho , bho , eso attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatāM1.32 sammā samucchinno hoti .
Atthi khoV1.30 , bho , añño attā sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃT1.45 amanasikārā ‘‘ ananto ākāso ’’ ti ākāsānañcāyatanūpago .
Taṃ tvaṃ na jānāsiP1.35 na passasi .
Tamahaṃ jānāmi passāmi .
So kho , bho , attā yato kāyassa bhedā ucchijjati vinassati , na hoti paraṃ maraṇā , ettāvatā kho , bho , ayaṃ attā sammā samucchinno hotī ’ ti .
Ittheke sato sattassa ucchedaṃ vināsaṃ vibhavaṃ paññapenti .
89.‘‘ Tamañño evamāha –
‘ atthi kho , bho , eso attā yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā sammā samucchinno hoti .
Atthi kho , bho , añño attā sabbaso ākāsānañcāyatanaṃ samatikkamma ‘‘ anantaṃ viññāṇan ’’ ti viññāṇañcāyatanūpago .
Taṃ tvaṃ na jānāsi na passasi .
Tamahaṃ jānāmi passāmi .
So kho , bho , attā yato kāyassa bhedā ucchijjati vinassati , na hoti paraṃ maraṇā , ettāvatā kho , bho , ayaṃ attā sammā samucchinno hotī ’ ti .
Ittheke sato sattassa ucchedaṃ vināsaṃ vibhavaṃ paññapenti .
90.‘‘ Tamañño evamāha –
‘ atthi kho , bho , so attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā sammā samucchinno hoti .
Atthi kho , bho , añño attā sabbaso viññāṇañcāyatanaṃ samatikkamma ‘‘ natthi kiñcī ’’ ti ākiñcaññāyatanūpago .
Taṃ tvaṃ na jānāsi na passasi .
Tamahaṃ jānāmi passāmi .
So kho , bho , attā yato kāyassa bhedā ucchijjati vinassati , na hoti paraṃ maraṇā , ettāvatā khoT1.46 , bho , ayaṃ attā sammā samucchinno hotī ’’ ti .
Ittheke sato sattassa ucchedaṃ vināsaṃ vibhavaṃ paññapenti .
91.‘ Tamañño evamāha –
‘‘ atthi kho , bho , eso attā , yaṃ tvaṃ vadesi , neso natthīti vadāmi ;
no ca kho , bho , ayaṃ attā ettāvatā sammā samucchinno hoti .
Atthi kho , bho , añño attāM1.33 sabbaso ākiñcaññāyatanaṃ samatikkamma ‘‘ santametaṃ paṇītametan ’’ ti nevasaññānāsaññāyatanūpago .
Taṃ tvaṃ na jānāsi na passasi .
Tamahaṃ jānāmi passāmi .
So kho , bho , attā yato kāyassa bhedā ucchijjati vinassati , na hoti paraṃ maraṇā , ettāvatā kho , bho , ayaṃ attā sammā samucchinno hotī ’ ti .
Ittheke sato sattassa ucchedaṃ vināsaṃ vibhavaṃ paññapenti .
92.‘‘ ImehiV1.31 kho te , bhikkhave , samaṇabrāhmaṇā ucchedavādā sato sattassa ucchedaṃ vināsaṃ vibhavaṃ paññapenti sattahi vatthūhi .
Ye hi keci , bhikkhave , samaṇā vā brāhmaṇāP1.36 vā ucchedavādā sato sattassa ucchedaṃ vināsaṃ vibhavaṃ paññapenti , sabbe te imeheva sattahi vatthūhi … pe … yehi tathāgatassa yathābhuccaṃ vaṇṇaṃ sammā vadamānā vadeyyuṃ .