Paribbājakakathā

Author： _System_Pali_VRI_ @ Administrator

Paribbājakakathā

1. EvaṃM1.1V1.1P1.1T1.1 me sutaṃ – ekaṃ samayaṃ bhagavā antarā ca rājagahaṃ antarā ca nāḷandaṃ addhānamaggappaṭipanno hoti mahatā bhikkhusaṅghena saddhiṃ pañcamattehi bhikkhusatehi .

Suppiyopi kho paribbājako antarā ca rājagahaṃ antarā ca nāḷandaṃ addhānamaggappaṭipanno hoti saddhiṃ antevāsinā brahmadattena māṇavena .

Tatra sudaṃ suppiyo paribbājako anekapariyāyena buddhassa avaṇṇaṃ bhāsati , dhammassa avaṇṇaṃ bhāsati , saṅghassa avaṇṇaṃ bhāsati ;

suppiyassa pana paribbājakassa antevāsī brahmadatto māṇavo anekapariyāyena buddhassa vaṇṇaṃ bhāsati , dhammassaV1.2 vaṇṇaṃ bhāsati , saṅghassa vaṇṇaṃ bhāsati .

Itiha te ubho ācariyantevāsī aññamaññassa ujuvipaccanīkavādā bhagavantaṃ piṭṭhito piṭṭhito anubandhā [ anubaddhā ( ka . sī . pī .)] honti bhikkhusaṅghañca .

2. Atha kho bhagavā ambalaṭṭhikāyaṃ rājāgārake ekarattivāsaṃ upagacchi [ upagañchi ( sī . syā . kaṃ . pī .)] saddhiṃT1.2 bhikkhusaṅghena .

Suppiyopi kho paribbājako ambalaṭṭhikāyaṃ rājāgārake ekarattivāsaṃ upagacchi [ upagañchi ( sī . syā . kaṃ . pī .)] antevāsinā brahmadattena māṇavena .

Tatrapi sudaṃ suppiyo paribbājako anekapariyāyena buddhassaM1.2 avaṇṇaṃ bhāsati , dhammassa avaṇṇaṃ bhāsati , saṅghassa avaṇṇaṃ bhāsati ;

suppiyassa panaP1.2 paribbājakassa antevāsī brahmadatto māṇavo anekapariyāyena buddhassa vaṇṇaṃ bhāsati , dhammassa vaṇṇaṃ bhāsati , saṅghassa vaṇṇaṃ bhāsati .

Itiha te ubho ācariyantevāsī aññamaññassa ujuvipaccanīkavādā viharanti .

3. Atha kho sambahulānaṃ bhikkhūnaṃ rattiyā paccūsasamayaṃ paccuṭṭhitānaṃ maṇḍalamāḷe sannisinnānaṃ sannipatitānaṃ ayaṃ saṅkhiyadhammo udapādi –

‘‘ acchariyaṃ , āvuso , abbhutaṃ , āvuso , yāvañcidaṃ tena bhagavatā jānatā passatā arahatā sammāsambuddhena sattānaṃ nānādhimuttikatā suppaṭividitā .

Ayañhi suppiyo paribbājako anekapariyāyena buddhassa avaṇṇaṃ bhāsati , dhammassa avaṇṇaṃ bhāsati , saṅghassa avaṇṇaṃ bhāsati ;

suppiyassa pana paribbājakassa antevāsī brahmadatto māṇavo anekapariyāyena buddhassa vaṇṇaṃ bhāsati , dhammassa vaṇṇaṃ bhāsati , saṅghassa vaṇṇaṃ bhāsati .

Itihame ubho ācariyantevāsī aññamaññassa ujuvipaccanīkavādā bhagavantaṃ piṭṭhito piṭṭhito anubandhāT1.3 honti bhikkhusaṅghañcā ’’ ti .

4. Atha kho bhagavā tesaṃ bhikkhūnaṃ imaṃ saṅkhiyadhammaṃ viditvā yena maṇḍalamāḷo tenupasaṅkami ;

upasaṅkamitvā paññatte āsane nisīdi .

Nisajja kho bhagavā bhikkhū āmantesi –

‘‘ kāyanuttha , bhikkhave , etarahi kathāya sannisinnā sannipatitā , kā ca pana vo antarākathā vippakatā ’’ ti ?

Evaṃ vutte te bhikkhū bhagavantaṃ etadavocuṃ –

‘‘ idha , bhante , amhākaṃ rattiyā paccūsasamayaṃ paccuṭṭhitānaṃ maṇḍalamāḷe sannisinnānaṃ sannipatitānaṃ ayaṃ saṅkhiyadhammo udapādi –

‘ acchariyaṃ , āvuso , abbhutaṃ , āvuso , yāvañcidaṃ tena bhagavatā jānatā passatā arahatā sammāsambuddhena sattānaṃ nānādhimuttikatā suppaṭividitā .

Ayañhi suppiyo paribbājako anekapariyāyena buddhassa avaṇṇaṃ bhāsati , dhammassa avaṇṇaṃ bhāsati , saṅghassaV1.3 avaṇṇaṃ bhāsati ;

suppiyassa pana paribbājakassa antevāsī brahmadatto māṇavo anekapariyāyena buddhassa vaṇṇaṃ bhāsati , dhammassa vaṇṇaṃ bhāsati , saṅghassa vaṇṇaṃ bhāsati .

Itihame ubho ācariyantevāsī aññamaññassa ujuvipaccanīkavādā bhagavantaṃ piṭṭhito piṭṭhitoM1.3 anubandhā honti bhikkhusaṅghañcā ’ ti .

Ayaṃ kho no , bhante , antarākathā vippakatā , atha bhagavā anuppatto ’’ ti .

5.‘‘ Mamaṃ vā , bhikkhave , pare avaṇṇaṃ bhāseyyuṃ , dhammassa vā avaṇṇaṃ bhāseyyuṃ , saṅghassa vā avaṇṇaṃP1.3 bhāseyyuṃ , tatra tumhehi na āghāto na appaccayo na cetaso anabhiraddhi karaṇīyā .

Mamaṃ vā , bhikkhaveT1.4 , pare avaṇṇaṃ bhāseyyuṃ , dhammassa vā avaṇṇaṃ bhāseyyuṃ , saṅghassa vā avaṇṇaṃ bhāseyyuṃ , tatra ce tumhe assatha kupitā vā anattamanā vā , tumhaṃ yevassa tena antarāyo .

Mamaṃ vā , bhikkhave , pare avaṇṇaṃ bhāseyyuṃ , dhammassa vā avaṇṇaṃ bhāseyyuṃ , saṅghassa vā avaṇṇaṃ bhāseyyuṃ , tatra ce tumhe assatha kupitā vā anattamanā vā , api nu tumhe paresaṃ subhāsitaṃ dubbhāsitaṃ ājāneyyāthā ’’ ti ?

‘‘ No hetaṃ , bhante ’’.

‘‘ Mamaṃ vā , bhikkhave , pare avaṇṇaṃ bhāseyyuṃ , dhammassa vā avaṇṇaṃ bhāseyyuṃ , saṅghassa vā avaṇṇaṃ bhāseyyuṃ , tatra tumhehi abhūtaṃ abhūtato nibbeṭhetabbaṃ –

‘ itipetaṃ abhūtaṃ , itipetaṃ atacchaṃ , natthi cetaṃ amhesu , na ca panetaṃ amhesu saṃvijjatī ’ ti .

6.‘‘ Mamaṃ vā , bhikkhave , pare vaṇṇaṃ bhāseyyuṃ , dhammassa vā vaṇṇaṃ bhāseyyuṃ , saṅghassa vā vaṇṇaṃ bhāseyyuṃ , tatra tumhehi na ānando na somanassaṃ na cetaso uppilāvitattaṃ karaṇīyaṃ .

Mamaṃ vā , bhikkhave , pare vaṇṇaṃ bhāseyyuṃ , dhammassa vā vaṇṇaṃ bhāseyyuṃ , saṅghassa vā vaṇṇaṃ bhāseyyuṃ , tatra ce tumhe assatha ānandino sumanā uppilāvitā tumhaṃ yevassa tena antarāyo .

Mamaṃ vā , bhikkhave , pare vaṇṇaṃ bhāseyyuṃ , dhammassa vā vaṇṇaṃ bhāseyyuṃ , saṅghassa vā vaṇṇaṃ bhāseyyuṃ , tatra tumhehi bhūtaṃ bhūtato paṭijānitabbaṃ –

‘ itipetaṃ bhūtaṃ , itipetaṃ tacchaṃ , atthi cetaṃ amhesu , saṃvijjati ca panetaṃ amhesū ’ ti .

Issues

Select Version

Sīlakkhandhavaggapāḷi

Sīlakkhandhavaggapāḷi