Catuparikkhāraṃ
339.‘‘ Tena hi bhavaṃ rājā ye bhoto rañño janapade khattiyā ānuyantā negamā ceva jānapadā ca te bhavaṃ rājā āmantayataṃ –
‘ icchāmahaṃ , bho , mahāyaññaṃ yajituṃ , anujānantu me bhavanto yaṃ mama assa dīgharattaṃ hitāya sukhāyā ’ ti .
Ye bhoto rañño janapade amaccā pārisajjā negamā ceva jānapadā ca … pe … brāhmaṇamahāsālā negamā ceva jānapadā ca … pe … gahapatinecayikā negamā ceva jānapadā ca , te bhavaṃ rājā āmantayataṃ –
‘ icchāmahaṃ , bho , mahāyaññaṃ yajituṃ , anujānantu me bhavanto yaṃ mama assa dīgharattaṃ hitāya sukhāyā ’ ti .
‘ Evaṃ , bho ’ ti kho , brāhmaṇa , rājā mahāvijito purohitassa brāhmaṇassa paṭissutvā
T1.174 ye rañño janapade khattiyā ānuyantā negamā ceva jānapadā ca , te rājā mahāvijito āmantesiP1.137 –‘ icchāmahaṃ , bho , mahāyaññaṃ yajituṃ , anujānantu me bhavanto yaṃ mama assa dīgharattaṃ hitāya sukhāyā ’’ ti .
‘ Yajataṃ bhavaṃ rājā yaññaṃ , yaññakālo mahārājā ’ ti .
Ye rañño janapade amaccā pārisajjā negamā ceva jānapadā ca … pe … brāhmaṇamahāsālā negamā ceva jānapadā ca … pe … gahapatinecayikā negamā ceva jānapadā ca , te rājā mahāvijito āmantesi –
‘ icchāmahaṃ , bho
M1.130 , mahāyaññaṃ yajituṃ .Anujānantu me bhavanto yaṃ mama assa dīgharattaṃ hitāya sukhāyā ’ ti .
‘ Yajataṃ bhavaṃ rājā yaññaṃ , yaññakālo mahārājā ’ ti .
Itime cattāro anumatipakkhā tasseva yaññassa parikkhārā bhavanti .