Nacodanārahasatthu
516. Evaṃ vutte , lohicco brāhmaṇo bhagavantaṃ etadavoca –
‘‘ atthi pana , bho gotama , koci satthā , yo loke nacodanāraho ’’ ti ?
‘‘ Atthi kho , lohicca , satthā , yo loke nacodanāraho ’’ ti .
‘‘ Katamo pana so , bho gotama , satthā , yo loke nacodanāraho ’’ ti ?
‘‘ Idha , lohicca , tathāgato loke uppajjati arahaṃ , sammāsambuddho … pe …( yathā 190-212 anucchedesu evaṃ vitthāretabbaṃ ).
Evaṃ kho , lohicca , bhikkhu sīlasampanno
M1.221 hoti … pe … paṭhamaṃ jhānaṃ upasampajja viharati …P1.233 yasmiṃ kho , lohicca , satthari sāvako evarūpaṃ uḷāraṃ visesaṃ adhigacchati , ayampi kho , lohicca , satthā , yo loke nacodanārahoT1.294 .Yo ca panevarūpaṃ satthāraṃ codeti , sā codanā abhūtā atacchā adhammikā sāvajjā … pe … dutiyaṃ jhānaṃ … pe … tatiyaṃ jhānaṃ … pe …
V1.212 catutthaṃ jhānaṃ upasampajja viharati .Yasmiṃ kho , lohicca , satthari sāvako evarūpaṃ uḷāraṃ visesaṃ adhigacchati , ayampi kho , lohicca , satthā , yo loke nacodanāraho , yo ca panevarūpaṃ satthāraṃ codeti , sā codanā abhūtā atacchā adhammikā sāvajjā … ñāṇadassanāya cittaṃ abhinīharati abhininnāmeti … pe … yasmiṃ kho , lohicca , satthari sāvako evarūpaṃ uḷāraṃ visesaṃ adhigacchati , ayampi kho , lohicca , satthā , yo loke nacodanāraho , yo ca panevarūpaṃ satthāraṃ codeti , sā codanā abhūtā atacchā adhammikā sāvajjā … nāparaṃ itthattāyāti pajānāti .
Yasmiṃ kho , lohicca , satthari sāvako evarūpaṃ uḷāraṃ visesaṃ adhigacchati , ayampi kho , lohicca , satthā , yo loke
P1.234 nacodanāraho , yo ca panevarūpaṃ satthāraṃ codeti , sā codanā abhūtā atacchā adhammikā sāvajjā ’’ ti . 517. Evaṃ vutte , lohicco brāhmaṇo bhagavantaṃ etadavoca –
‘‘ seyyathāpi , bho gotama , puriso purisaṃ narakapapātaṃ patantaṃ kesesu gahetvā uddharitvā thale patiṭṭhapeyya , evamevāhaṃ bhotā gotamena narakapapātaṃ papatanto uddharitvā thale patiṭṭhāpito .
Abhikkantaṃ , bho gotama , abhikkantaṃ , bho gotama , seyyathāpi , bho gotama , nikkujjitaṃ vā ukkujjeyya , paṭicchannaṃ vā vivareyya , mūḷhassa vā maggaṃ ācikkheyya , andhakāre vā telapajjotaṃ dhāreyya ,‘ cakkhumanto rūpāni dakkhantī ’ ti .
Evamevaṃ bhotā gotamena anekapariyāyena dhammo pakāsito
V1.213 .Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca .
Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatan ’’ ti .
Lohiccasuttaṃ niṭṭhitaṃ dvādasamaṃ .