Sassatavādo

30.‘‘ Santi , bhikkhave , eke samaṇabrāhmaṇā sassatavādā , sassataṃ attānañca lokañca paññapenti catūhi vatthūhi .

Te ca bhonto samaṇabrāhmaṇā kimāgamma kimārabbha sassatavādā sassataṃ attānañca lokañca paññapenti catūhi vatthūhi ?

31.‘‘ Idha , bhikkhave , ekacco samaṇo vā brāhmaṇo vā ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati , yathāsamāhite citte ()[( parisuddhe pariyodāte anaṅgaṇe vigatūpattilese )( syā . ka .)] anekavihitaṃT1.17 pubbenivāsaṃ anussarati .

Seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekānipi jātisatāni anekānipi jātisahassāni anekānipi jātisatasahassāni –

‘ amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto amutra udapādiṃ ;

tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto idhūpapanno ’ ti .

Iti sākāraṃ sauddesaṃ anekavihitaṃ pubbenivāsaṃP1.14 anussarati .

‘‘ SoV1.12 evamāha –

‘ sassato attā ca loko ca vañjho kūṭaṭṭho esikaṭṭhāyiṭṭhito ;

te ca sattā sandhāvanti saṃsaranti cavanti upapajjanti , atthitveva sassatisamaṃ .

Taṃ kissa hetu ?

Ahañhi ātappamanvāya padhānamanvāyaM1.13 anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusāmi , yathāsamāhite citte anekavihitaṃ pubbenivāsaṃ anussarāmi seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampiT1.18 jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekānipi jātisatāni anekānipi jātisahassāni anekānipi jātisatasahassāni – amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto amutra udapādiṃ ;

tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto idhūpapannoti .

Iti sākāraṃ sauddesaṃ anekavihitaṃ pubbenivāsaṃ anussarāmi .

Imināmahaṃ etaṃ jānāmi ‘‘ yathā sassato attā ca loko ca vañjho kūṭaṭṭho esikaṭṭhāyiṭṭhito ;

te ca sattā sandhāvanti saṃsaranti cavanti upapajjanti , atthitveva sassatisaman ’’ ti .

Idaṃ , bhikkhave , paṭhamaṃ ṭhānaṃ , yaṃ āgamma yaṃ ārabbha eke samaṇabrāhmaṇā sassatavādā sassataṃ attānañca lokañca paññapenti .

32.‘‘ Dutiye ca bhonto samaṇabrāhmaṇā kimāgamma kimārabbha sassatavādā sassataṃ attānañca lokañca paññapenti ?

Idha , bhikkhave , ekacco samaṇo vā brāhmaṇo vā ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati , yathāsamāhite citte anekavihitaṃ pubbenivāsaṃ anussarati .

Seyyathidaṃ – ekampi saṃvaṭṭavivaṭṭaṃ dvepi saṃvaṭṭavivaṭṭāni tīṇipi saṃvaṭṭavivaṭṭāni cattāripi saṃvaṭṭavivaṭṭāni pañcapiT1.19 saṃvaṭṭavivaṭṭāni dasapi saṃvaṭṭavivaṭṭāni –

‘ amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto amutra udapādiṃ ;

tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedīP1.15 evamāyupariyanto , so tato cuto idhūpapanno ’ ti .

Iti sākāraṃ sauddesaṃ anekavihitaṃ pubbenivāsaṃ anussarati .

‘‘ SoM1.14 evamāha –

‘ sassato attā ca loko ca vañjho kūṭaṭṭho esikaṭṭhāyiṭṭhito ;

te caV1.13 sattā sandhāvanti saṃsaranti cavanti upapajjanti , atthitveva sassatisamaṃ .

Taṃ kissa hetu ?

Ahañhi ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusāmi yathāsamāhite citte anekavihitaṃ pubbenivāsaṃ anussarāmi .

Seyyathidaṃ – ekampi saṃvaṭṭavivaṭṭaṃ dvepi saṃvaṭṭavivaṭṭāni tīṇipi saṃvaṭṭavivaṭṭāni cattāripi saṃvaṭṭavivaṭṭāni pañcapi saṃvaṭṭavivaṭṭāni dasapi saṃvaṭṭavivaṭṭāni .

Amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto amutra udapādiṃ ;

tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto idhūpapannoti .

Iti sākāraṃ sauddesaṃ anekavihitaṃ pubbenivāsaṃ anussarāmi .

Imināmahaṃ etaṃ jānāmi ‘‘ yathā sassato attā ca loko ca vañjho kūṭaṭṭho esikaṭṭhāyiṭṭhito , te caT1.20 sattā sandhāvanti saṃsaranti cavanti upapajjanti , atthitveva sassatisaman ’’ ti .

Idaṃ , bhikkhave , dutiyaṃ ṭhānaṃ , yaṃ āgamma yaṃ ārabbha eke samaṇabrāhmaṇā sassatavādā sassataṃ attānañca lokañca paññapenti .

33.‘‘ Tatiye ca bhonto samaṇabrāhmaṇā kimāgamma kimārabbha sassatavādā sassataṃ attānañca lokañca paññapenti ?

Idha , bhikkhave , ekacco samaṇo vā brāhmaṇo vā ātappamanvāya padhānamanvāya anuyogamanvāya appamādamanvāya sammāmanasikāramanvāyaT1.21 tathārūpaṃ cetosamādhiṃ phusati , yathāsamāhite citte anekavihitaṃ pubbenivāsaṃ anussarati .

Seyyathidaṃ – dasapi saṃvaṭṭavivaṭṭāni vīsampi saṃvaṭṭavivaṭṭāni tiṃsampi saṃvaṭṭavivaṭṭāni cattālīsampi saṃvaṭṭavivaṭṭāni –

‘ amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto amutra udapādiṃ ;

tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto idhūpapanno ’ ti .

Iti sākāraṃ sauddesaṃ anekavihitaṃ pubbenivāsaṃ anussarati .

‘‘ SoM1.15 evamāha –

‘ sassato attā ca lokoP1.16 ca vañjho kūṭaṭṭho esikaṭṭhāyiṭṭhito ;

te ca sattā sandhāvanti saṃsaranti cavanti upapajjanti , atthitveva sassatisamaṃ .

Taṃ kissa hetu ?

Ahañhi ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusāmi , yathāsamāhite citte anekavihitaṃ pubbenivāsaṃ anussarāmi .

Seyyathidaṃ – dasapi saṃvaṭṭavivaṭṭāni vīsampi saṃvaṭṭavivaṭṭāni tiṃsampiV1.14 saṃvaṭṭavivaṭṭāni cattālīsampi saṃvaṭṭavivaṭṭāni –

‘ amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto amutra udapādiṃ ;

tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto , so tato cuto idhūpapannoti .

Iti sākāraṃ sauddesaṃ anekavihitaṃ pubbenivāsaṃ anussarāmi .

Imināmahaṃ etaṃ jānāmi ‘‘ yathā sassato attā ca loko ca vañjho kūṭaṭṭho esikaṭṭhāyiṭṭhito , te ca sattā sandhāvanti saṃsaranti cavanti upapajjanti , atthitveva sassatisaman ’’ ti .

Idaṃ , bhikkhave , tatiyaṃ ṭhānaṃ , yaṃ āgamma yaṃ ārabbha eke samaṇabrāhmaṇā sassatavādā sassataṃ attānañca lokañca paññapenti .

34.‘‘ Catutthe ca bhonto samaṇabrāhmaṇā kimāgamma kimārabbha sassatavādā sassataṃ attānañca lokañca paññapenti ?

Idha , bhikkhave , ekacco samaṇo vā brāhmaṇo vā takkī hoti vīmaṃsī , so takkapariyāhataṃ vīmaṃsānucaritaṃ sayaṃ paṭibhānaṃ evamāha –

‘ sassato attā ca loko ca vañjho kūṭaṭṭho esikaṭṭhāyiṭṭhito ;

te ca sattā sandhāvanti saṃsaranti cavanti upapajjanti , atthitveva sassatisaman ’ tiT1.22 .

Idaṃ , bhikkhave , catutthaṃ ṭhānaṃ , yaṃ āgamma yaṃ ārabbha eke samaṇabrāhmaṇā sassatavādā sassataṃ attānañca lokañca paññapenti .

35.‘‘ Imehi kho te , bhikkhave , samaṇabrāhmaṇā sassatavādā sassataṃ attānañca lokañca paññapenti catūhi vatthūhi .

Ye hi keci , bhikkhave , samaṇā vā brāhmaṇā vā sassatavādā sassataṃ attānañca lokañca paññapenti , sabbe te imeheva catūhi vatthūhi , etesaṃ vā aññatarena ;

natthi ito bahiddhā .

36.‘‘ TayidaṃM1.16 , bhikkhave , tathāgato pajānāti –

‘ ime diṭṭhiṭṭhānā evaṃgahitā evaṃparāmaṭṭhā evaṃgatikā bhavanti evaṃabhisamparāyā ’ ti , tañca tathāgato pajānāti , tato ca uttaritaraṃ pajānāti ;

tañca pajānanaṃ [ pajānaṃ (?) dī . ni .3.36 pāḷiaṭṭhakathā passitabbaṃ ] naP1.17 parāmasati , aparāmasato cassa paccattaññeva nibbuti viditā .

Vedanānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā anupādāvimutto , bhikkhave , tathāgato .

37.‘‘ Ime kho te , bhikkhave , dhammā gambhīrā duddasā duranubodhā santā paṇītā atakkāvacarāV1.15 nipuṇā paṇḍitavedanīyā , ye tathāgato sayaṃ abhiññā sacchikatvā pavedeti , yehi tathāgatassa yathābhuccaṃ vaṇṇaṃ sammā vadamānā vadeyyuṃ .

Paṭhamabhāṇavāro .

Issues

Select Version

Sīlakkhandhavaggapāḷi

Sīlakkhandhavaggapāḷi

Sassatavādo

Sassatavādo

Issues

Select Version

Sīlakkhandhavaggapāḷi

Sīlakkhandhavaggapāḷi

Sassatavādo

Sassatavādo

Reading Settings