Tayo codanārahā

Author： _System_Pali_VRI_ @ Administrator

Tayo codanārahā

513.‘‘ TayoM1.219 khome , lohicca , satthāro , ye loke codanārahā ;

yo ca panevarūpe satthāro codeti , sā codanā bhūtā tacchā dhammikā anavajjāT1.291 .

Katame tayo ?

Idha , lohicca , ekacco satthā yassatthāya agārasmā anagāriyaṃ pabbajito hoti , svāssa sāmaññattho ananuppatto hoti .

So taṃ sāmaññatthaṃ ananupāpuṇitvā sāvakānaṃ dhammaṃ deseti –

‘‘ idaṃ vo hitāya idaṃ vo sukhāyā ’’ ti .

Tassa sāvakā na sussūsanti , na sotaṃ odahanti , na aññā cittaṃ upaṭṭhapenti , vokkamma ca satthusāsanāT1.292 vattanti .

So evamassa codetabbo –

‘‘ āyasmā kho yassatthāya agārasmā anagāriyaṃ pabbajito , so te sāmaññattho ananuppatto , taṃ tvaṃ sāmaññatthaṃ ananupāpuṇitvā sāvakānaṃ dhammaṃ desesi –

‘ idaṃ vo hitāya idaṃ vo sukhāyā ’ tiV1.210 .

Tassa te sāvakā na sussūsanti , na sotaṃ odahanti , na aññā cittaṃ upaṭṭhapenti , vokkamma ca satthusāsanā vattanti .

Seyyathāpi nāma osakkantiyā vā ussakkeyya , parammukhiṃ vā āliṅgeyya , evaṃ sampadamidaṃ pāpakaṃ lobhadhammaṃ vadāmi – kiñhi paro parassa karissatī ’’ ti .

Ayaṃ kho , lohicca , paṭhamo satthā , yo loke codanāraho ;

yo ca panevarūpaṃ satthāraṃ codeti , sā codanā bhūtā tacchā dhammikā anavajjā .

514.‘‘ Puna caparaṃ , lohicca , idhekacco satthā yassatthāya agārasmā anagāriyaṃ pabbajito hoti , svāssa sāmaññattho ananuppatto hoti .

So taṃ sāmaññatthaṃ ananupāpuṇitvā sāvakānaṃ dhammaṃ deseti –

‘‘ idaṃ vo hitāya , idaṃ vo sukhāyā ’’ ti .

Tassa sāvakā sussūsanti , sotaṃ odahanti , aññā cittaṃ upaṭṭhapenti , na ca vokkamma satthusāsanā vattanti .

So evamassa codetabbo –

‘‘ āyasmā kho yassatthāya agārasmā anagāriyaṃ pabbajito , so te sāmaññattho ananuppatto .

Taṃ tvaṃ sāmaññatthaṃ ananupāpuṇitvā sāvakānaṃ dhammaṃ desesi –

‘ idaṃ vo hitāya idaṃ vo sukhāyā ’ ti .

Tassa te sāvakā sussūsanti , sotaṃ odahantiP1.231 , aññā cittaṃ upaṭṭhapenti , na ca vokkamma satthusāsanā vattanti .

Seyyathāpi nāma sakaṃ khettaṃ ohāya paraṃ khettaṃ niddāyitabbaṃ maññeyyaM1.220 , evaṃ sampadamidaṃ pāpakaṃ lobhadhammaṃ vadāmi – kiñhi paro parassa karissatī ’’ ti .

Ayaṃ kho , lohicca , dutiyo satthā , yo , loke codanāraho ;

yo ca panevarūpaṃ satthāraṃ codeti , sā codanā bhūtā tacchā dhammikā anavajjā .

515.‘‘ Puna caparaṃ , lohicca , idhekacco satthā yassatthāya agārasmā anagāriyaṃ pabbajito hoti , svāssa sāmaññattho anuppatto hoti .

So taṃ sāmaññatthaṃ anupāpuṇitvā sāvakānaṃ dhammaṃ deseti –

‘‘ idaṃ vo hitāya idaṃ vo sukhāyā ’’ ti .

Tassa sāvakā na sussūsanti , na sotaṃ odahanti , na aññā cittaṃ upaṭṭhapenti , vokkamma ca satthusāsanā vattanti .

So evamassa codetabbo –

‘‘ āyasmā kho yassatthāya agārasmā anagāriyaṃ pabbajito , so te sāmaññattho anuppatto .

Taṃ tvaṃ sāmaññatthaṃ anupāpuṇitvā sāvakānaṃ dhammaṃ desesi –

‘ idaṃ vo hitāya idaṃ vo sukhāyā ’ ti .

Tassa te sāvakā na sussūsanti , na sotaṃ odahanti , na aññā cittaṃ upaṭṭhapentiT1.293 , vokkamma ca satthusāsanā vattanti .

Seyyathāpi nāma purāṇaṃ bandhanaṃ chinditvā aññaṃ navaṃ bandhanaṃ kareyya , evaṃ sampadamidaṃ pāpakaṃ lobhadhammaṃ vadāmi , kiñhi paro parassa karissatī ’’ ti .

Ayaṃ kho , lohicca , tatiyo satthā , yo loke codanāraho ;

yo ca panevarūpaṃ satthāraṃ codeti , sā codanā bhūtā tacchā dhammikā anavajjā .

ImeV1.211P1.232 kho , lohicca , tayo satthāro , ye loke codanārahā , yo ca panevarūpe satthāro codeti , sā codanā bhūtā tacchā dhammikā anavajjāti .

Issues

Select Version

Sīlakkhandhavaggapāḷi

Sīlakkhandhavaggapāḷi