Nigaṇṭhanāṭaputtavādo
176.‘‘ Ekamidāhaṃ , bhante , samayaṃ yena nigaṇṭho nāṭaputto tenupasaṅkamiṃ
T1.75 ;upasaṅkamitvā nigaṇṭhena nāṭaputtena saddhiṃ sammodiṃ .
Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃ .
Ekamantaṃ nisinno kho ahaṃ , bhante , nigaṇṭhaṃ nāṭaputtaṃ etadavocaṃ –
‘ yathā nu kho imāni , bho aggivessana , puthusippāyatanāni … pe … sakkā nu kho , bho aggivessana , evameva diṭṭheva dhamme sandiṭṭhikaṃ sāmaññaphalaṃ paññapetun ’ ti ?
177.‘‘ Evaṃ
M1.54 vutte , bhante , nigaṇṭho nāṭaputto maṃ etadavoca –‘ idha , mahārāja , nigaṇṭho cātuyāmasaṃvarasaṃvuto hoti .
Kathañca , mahārāja , nigaṇṭho cātuyāmasaṃvarasaṃvuto hoti ?
Idha , mahārāja , nigaṇṭho sabbavārivārito ca hoti , sabbavāriyutto ca , sabbavāridhuto ca , sabbavāriphuṭo ca .
Evaṃ kho , mahārāja , nigaṇṭho cātuyāmasaṃvarasaṃvuto hoti
V1.51 .Yato kho , mahārāja , nigaṇṭho evaṃ cātuyāmasaṃvarasaṃvuto hoti ;
ayaṃ vuccati , mahārāja , nigaṇṭho [ nigaṇṭho nāṭaputto ( syā . ka .)] gatatto ca yatatto ca ṭhitatto cā ’ ti .
178.‘‘ Itthaṃ
P1.58 kho me , bhante , nigaṇṭho nāṭaputto sandiṭṭhikaṃ sāmaññaphalaṃ puṭṭho samāno cātuyāmasaṃvaraṃ byākāsi .Seyyathāpi , bhante , ambaṃ vā puṭṭho labujaṃ byākareyya , labujaṃ vā puṭṭho ambaṃ byākareyya ;
evameva kho me , bhante , nigaṇṭho nāṭaputto sandiṭṭhikaṃ sāmaññaphalaṃ puṭṭho samāno cātuyāmasaṃvaraṃ byākāsi .
Tassa mayhaṃ , bhante , etadahosi –
‘ kathañhi nāma mādiso samaṇaṃ vā brāhmaṇaṃ vā vijite vasantaṃ apasādetabbaṃ maññeyyā ’ ti
T1.76 .So kho ahaṃ , bhante , nigaṇṭhassa nāṭaputtassa bhāsitaṃ neva abhinandiṃ nappaṭikkosiṃ .
Anabhinanditvā appaṭikkositvā anattamano anattamanavācaṃ anicchāretvā tameva vācaṃ anuggaṇhanto anikkujjanto uṭṭhāyāsanā pakkamiṃ .