Sīhanādakathā
402.‘‘ Santi , kassapa , eke samaṇabrāhmaṇā sīlavādā .
Te anekapariyāyena sīlassa vaṇṇaṃ bhāsanti .
Yāvatā , kassapa , ariyaṃ paramaṃ sīlaṃ , nāhaṃ tattha attano samasamaṃ samanupassāmi , kuto bhiyyo !
Atha kho ahameva
T1.219 tattha bhiyyo , yadidaṃ adhisīlaṃ .‘‘ Santi , kassapa , eke samaṇabrāhmaṇā tapojigucchāvādā .
Te anekapariyāyena tapojigucchāya vaṇṇaṃ bhāsanti .
Yāvatā , kassapa , ariyā paramā
M1.164 tapojigucchā , nāhaṃ tattha attano samasamaṃ samanupassāmi , kuto bhiyyo !Atha kho ahameva tattha bhiyyo , yadidaṃ adhijegucchaṃ .
‘‘ Santi , kassapa , eke samaṇabrāhmaṇā paññāvādā .
Te anekapariyāyena paññāya vaṇṇaṃ bhāsanti .
Yāvatā , kassapa , ariyā paramā paññā , nāhaṃ tattha attano samasamaṃ samanupassāmi , kuto bhiyyo !
Atha kho ahameva tattha bhiyyo , yadidaṃ adhipaññaṃ .
‘‘ Santi , kassapa , eke samaṇabrāhmaṇā vimuttivādā .
Te anekapariyāyena vimuttiyā vaṇṇaṃ bhāsanti .
Yāvatā , kassapa , ariyā paramā vimutti , nāhaṃ tattha attano samasamaṃ samanupassāmi , kuto bhiyyo !
Atha kho ahameva tattha bhiyyo , yadidaṃ adhivimutti .
403.‘‘ Ṭhānaṃ
P1.175 kho panetaṃ , kassapa , vijjati , yaṃ aññatitthiyā paribbājakā evaṃ vadeyyuṃ –‘ sīhanādaṃ kho samaṇo gotamo nadati , tañca kho suññāgāre nadati , no parisāsū ’ ti .
Te –
‘ mā hevan ’ tissu vacanīyā .
‘ Sīhanādañca samaṇo gotamo nadati , parisāsu ca nadatī ’ ti evamassu , kassapa , vacanīyā .
‘‘ Ṭhānaṃ kho panetaṃ , kassapa , vijjati , yaṃ aññatitthiyā paribbājakā evaṃ vadeyyuṃ –
‘ sīhanādañca samaṇo gotamo nadati , parisāsu ca nadati , no
T1.220 ca kho visārado nadatī ’ tiV1.158 .Te –
‘ mā hevan ’ tissu vacanīyā .
‘ Sīhanādañca samaṇo gotamo nadati , parisāsu ca nadati , visārado ca nadatī ’’ ti evamassu , kassapa , vacanīyā .
‘‘ Ṭhānaṃ kho panetaṃ , kassapa , vijjati , yaṃ aññatitthiyā paribbājakā evaṃ vadeyyuṃ –
‘ sīhanādañca samaṇo gotamo nadati , parisāsu ca nadati , visārado ca nadati , no ca kho naṃ pañhaṃ pucchanti … pe … pañhañca naṃ pucchanti ;
no ca kho nesaṃ pañhaṃ puṭṭho byākaroti … pe … pañhañca nesaṃ puṭṭho byākaroti ;
no ca kho pañhassa veyyākaraṇena cittaṃ ārādheti … pe … pañhassa ca veyyākaraṇena cittaṃ ārādheti ;
no ca kho sotabbaṃ maññanti … pe … sotabbañcassa maññanti ;
no ca kho sutvā pasīdanti … pe … sutvā cassa pasīdanti
M1.165 ;no ca kho pasannākāraṃ karonti … pe … pasannākārañca karonti ;
no ca kho tathattāya paṭipajjanti … pe … tathattāya ca paṭipajjanti ;
no ca kho paṭipannā ārādhentī ’ ti .
Te –
‘ mā hevan ’ tissu vacanīyā .
‘ Sīhanādañca samaṇo gotamo nadati , parisāsu ca nadati , visārado ca nadati , pañhañca naṃ pucchanti , pañhañca nesaṃ puṭṭho byākaroti , pañhassa ca veyyākaraṇena cittaṃ ārādheti , sotabbañcassa maññanti , sutvā cassa pasīdanti , pasannākārañca karonti , tathattāya ca paṭipajjanti , paṭipannā ca ārādhentī ’ ti evamassu , kassapa , vacanīyā .