Tisso vidhā
342.‘‘ Atha kho , brāhmaṇa , purohito brāhmaṇo rañño mahāvijitassa pubbeva yaññā tisso vidhā desesi .
Siyā kho pana bhoto rañño mahāyaññaṃ
T1.176 yiṭṭhukāmassa [ yiṭṭhakāmassa ( ka .)] kocideva vippaṭisāro –‘ mahā vata me bhogakkhandho vigacchissatī ’ ti , so bhotā raññā vippaṭisāro na karaṇīyo .
Siyā kho pana bhoto rañño mahāyaññaṃ yajamānassa kocideva vippaṭisāro –
‘ mahā
V1.123 vata me bhogakkhandho vigacchatī ’ ti , so bhotā raññā vippaṭisāro na karaṇīyo .Siyā kho pana bhoto rañño mahāyaññaṃ yiṭṭhassa kocideva vippaṭisāro –
‘ mahā vata me bhogakkhandho vigato ’ ti , so bhotā raññā vippaṭisāro na karaṇīyo ’’ ti .
Imā kho , brāhmaṇa , purohito brāhmaṇo rañño mahāvijitassa pubbeva yaññā tisso vidhā desesi .