Buddhaguṇakathā
304. Evaṃ vutte , soṇadaṇḍo brāhmaṇo te brāhmaṇe etadavoca –
‘‘ Tena
P1.115 hi , bho , mamapi suṇātha , yathā mayameva arahāma taṃ bhavantaṃ gotamaṃ dassanāya upasaṅkamituṃ ;natveva arahati so bhavaṃ gotamo amhākaṃ dassanāya upasaṅkamituṃ .
Samaṇo khalu , bho , gotamo ubhato sujāto mātito ca pitito ca , saṃsuddhagahaṇiko yāva sattamā pitāmahayugā , akkhitto anupakkuṭṭho jātivādena .
Yampi bho samaṇo gotamo ubhato sujāto mātito ca pitito ca saṃsuddhagahaṇiko yāva sattamā
T1.147 pitāmahayugā , akkhitto anupakkuṭṭho jātivādena , imināpaṅgena na arahati so bhavaṃ gotamo amhākaṃ dassanāya upasaṅkamituṃM1.108 ;atha kho mayameva arahāma taṃ bhavantaṃ gotamaṃ dassanāya upasaṅkamituṃ .
‘‘ Samaṇo khalu , bho , gotamo mahantaṃ ñātisaṅghaṃ ohāya pabbajito … pe …
‘‘ Samaṇo khalu , bho , gotamo pahūtaṃ hiraññasuvaṇṇaṃ ohāya pabbajito bhūmigatañca vehāsaṭṭhaṃ ca … pe …
‘‘ Samaṇo
V1.101 khalu , bho , gotamo daharova samāno yuvā susukāḷakeso bhadrena yobbanena samannāgato paṭhamena vayasā agārasmā anagāriyaṃ pabbajito … pe …‘‘ Samaṇo khalu , bho , gotamo akāmakānaṃ mātāpitūnaṃ assumukhānaṃ rudantānaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito … pe …
‘‘ Samaṇo khalu , bho , gotamo abhirūpo dassanīyo pāsādiko paramāya vaṇṇapokkharatāya samannāgato , brahmavaṇṇī , brahmavacchasī , akhuddāvakāso dassanāya … pe …
‘‘ Samaṇo khalu , bho , gotamo sīlavā ariyasīlī kusalasīlī kusalasīlena samannāgato … pe …
‘‘ Samaṇo khalu , bho , gotamo kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā … pe …
‘‘ Samaṇo khalu , bho , gotamo bahūnaṃ ācariyapācariyo … pe …
‘‘ Samaṇo khalu , bho , gotamo khīṇakāmarāgo vigatacāpallo … pe …
‘‘ Samaṇo khalu , bho , gotamo kammavādī kiriyavādī apāpapurekkhāro brahmaññāya pajāya … pe …
‘‘ Samaṇo khalu , bho , gotamo uccā kulā pabbajito asambhinnakhattiyakulā … pe …
‘‘ Samaṇo khalu , bho , gotamo aḍḍhā
T1.148 kulā pabbajito mahaddhanā mahābhogā … pe …‘‘ Samaṇaṃ
M1.109P1.116 khalu , bho , gotamaṃ tiroraṭṭhā tirojanapadā pañhaṃ pucchituṃ āgacchanti … pe …‘‘ Samaṇaṃ khalu , bho , gotamaṃ anekāni devatāsahassāni pāṇehi saraṇaṃ gatāni … pe …
‘‘ Samaṇaṃ
V1.102 khalu , bho , gotamaṃ evaṃ kalyāṇo kittisaddo abbhuggato –‘ itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā ’ ti … pe …
‘‘ Samaṇo khalu , bho , gotamo dvattiṃsamahāpurisalakkhaṇehi samannāgato … pe …
‘‘ Samaṇo khalu , bho , gotamo ehisvāgatavādī sakhilo sammodako abbhākuṭiko uttānamukho pubbabhāsī … pe …
‘‘ Samaṇo khalu , bho , gotamo catunnaṃ parisānaṃ sakkato garukato mānito pūjito apacito … pe …
‘‘ Samaṇe khalu , bho , gotame bahū devā ca manussā ca abhippasannā … pe …
‘‘ Samaṇo khalu , bho , gotamo yasmiṃ gāme vā nigame vā paṭivasati , na tasmiṃ gāme vā nigame vā amanussā manusse viheṭhenti … pe …
‘‘ Samaṇo khalu , bho , gotamo saṅghī gaṇī gaṇācariyo puthutitthakarānaṃ aggamakkhāyati .
Yathā kho pana , bho , etesaṃ samaṇabrāhmaṇānaṃ yathā vā tathā vā yaso samudāgacchati , na hevaṃ samaṇassa gotamassa yaso samudāgato .
Atha kho anuttarāya vijjācaraṇasampadāya samaṇassa gotamassa yaso samudāgato … pe …
‘‘ Samaṇaṃ khalu , bho , gotamaṃ rājā māgadho seniyo bimbisāro saputto sabhariyo sapariso
T1.149 sāmacco pāṇehi saraṇaṃ gato … pe …‘‘ Samaṇaṃ
M1.110 khalu , bho , gotamaṃ rājā pasenadi kosalo saputto sabhariyo sapariso sāmacco pāṇehi saraṇaṃ gato … pe …‘‘ Samaṇaṃ khalu , bho , gotamaṃ brāhmaṇo pokkharasāti saputto sabhariyo sapariso sāmacco pāṇehi saraṇaṃ gato … pe …
‘‘ Samaṇo
V1.103 khalu , bho , gotamo rañño māgadhassa seniyassa bimbisārassa sakkato garukato mānito pūjito apacito … pe …‘‘ Samaṇo khalu , bho , gotamo rañño pasenadissa kosalassa sakkato garukato mānito pūjito apacito … pe …
‘‘ Samaṇo khalu , bho , gotamo brāhmaṇassa pokkharasātissa sakkato garukato mānito pūjito apacito … pe …
‘‘ Samaṇo
P1.117 khalu , bho , gotamo campaṃ anuppatto , campāyaṃ viharati gaggarāya pokkharaṇiyā tīre .Ye kho pana , bho , keci samaṇā vā brāhmaṇā vā amhākaṃ gāmakhettaṃ āgacchanti atithī no te honti .
Atithī kho panamhehi sakkātabbā garukātabbā mānetabbā pūjetabbā apacetabbā .
Yampi , bho , samaṇo gotamo campaṃ anuppatto campāyaṃ viharati gaggarāya pokkharaṇiyā tīre , atithimhākaṃ samaṇo gotamo ;
atithi kho panamhehi sakkātabbo garukātabbo mānetabbo pūjetabbo apacetabbo .
Imināpaṅgena na arahati so bhavaṃ gotamo amhākaṃ dassanāya upasaṅkamituṃ .
Atha kho mayameva arahāma taṃ bhavantaṃ gotamaṃ dassanāya upasaṅkamituṃ .
Ettake kho ahaṃ , bho , tassa bhoto gotamassa vaṇṇe pariyāpuṇāmi , no ca kho so bhavaṃ gotamo ettakavaṇṇo .
Aparimāṇavaṇṇo hi so bhavaṃ gotamo ’’ ti .
305. Evaṃ
T1.150 vutte , te brāhmaṇā soṇadaṇḍaṃ brāhmaṇaṃ etadavocuṃ –‘‘ yathā kho bhavaṃ soṇadaṇḍo samaṇassa gotamassa vaṇṇe bhāsati ito cepi so bhavaṃ gotamo yojanasate viharati , alameva saddhena kulaputtena dassanāya upasaṅkamituṃ api puṭosenā ’’ ti .
‘‘ Tena hi , bho , sabbeva mayaṃ samaṇaṃ gotamaṃ dassanāya upasaṅkamissāmā ’’ ti .