Ādesanāpāṭihāriyaṃ

Author： _System_Pali_VRI_ @ Administrator

Ādesanāpāṭihāriyaṃ

485.‘‘ Katamañca , kevaṭṭa , ādesanāpāṭihāriyaṃ ?

Idha , kevaṭṭa , bhikkhu parasattānaṃ parapuggalānaṃ cittampi ādisati , cetasikampi ādisati , vitakkitampi ādisati , vicāritampi ādisati –

‘ evampi te mano , itthampi te mano , itipi te cittan ’ ti .

‘‘ Tamenaṃ aññataro saddho pasanno passati taṃ bhikkhuṃ parasattānaṃ parapuggalānaṃ cittampi ādisantaṃ , cetasikampi ādisantaṃ , vitakkitampi ādisantaṃ , vicāritampi ādisantaṃ –

‘ evampi te mano , itthampi te mano , itipi te cittan ’ ti .

Tamenaṃ so saddho pasanno aññatarassa assaddhassa appasannassa āroceti –

‘ acchariyaṃ vata , bho , abbhutaṃP1.214 vata , bho , samaṇassa mahiddhikatā mahānubhāvatā .

Amāhaṃ bhikkhuṃ addasaṃ parasattānaṃ parapuggalānaṃ cittampi ādisantaṃ , cetasikampi ādisantaṃ , vitakkitampi ādisantaṃ , vicāritampi ādisantaṃ –

‘‘ evampi te mano , itthampi te mano , itipi te cittan ’’’ ti .

‘‘ Tamenaṃ soT1.276 assaddho appasanno taṃ saddhaṃ pasannaṃ evaṃ vadeyya –

‘ atthi kho , bho , maṇikā nāma vijjā ;

tāya so bhikkhu parasattānaṃ parapuggalānaṃ cittampi ādisati , cetasikampi ādisati , vitakkitampi ādisati , vicāritampi ādisati –

‘ evampi te mano , itthampi te mano , itipi te cittan ’’’ ti .

‘‘ Taṃ kiṃ maññasi , kevaṭṭa , api nu so assaddho appasanno taṃ saddhaṃ pasannaṃ evaṃ vadeyyā ’’ tiV1.198 ?

‘‘ Vadeyya , bhante ’’ ti .

‘‘ Imaṃ kho ahaṃ , kevaṭṭa , ādesanāpāṭihāriye ādīnavaṃ sampassamāno ādesanāpāṭihāriyena aṭṭīyāmi harāyāmi jigucchāmi ’’.

Issues

Select Version

Sīlakkhandhavaggapāḷi

Sīlakkhandhavaggapāḷi