Iddhipāṭihāriyavaṇṇanā
483-484.
Atha
V1.291 bhagavā ayaṃ upāsako mayi paṭibāhantepi punappunaṃ yācatiyeva .‘‘ Handassa pāṭihāriyakaraṇe ādīnavaṃ dassemī ’’ ti cintetvā
M1.322 ‘‘ tīṇi kho ’’ tiādimāha .Tattha amāhaṃ bhikkhun ti amuṃ ahaṃ bhikkhuṃ .
Gandhārīti gandhārena nāma isinā katā , gandhāraraṭṭhe vā uppannā vijjā .
Tattha kira bahū isayo vasiṃsu , tesu ekena katā vijjāti adhippāyo .
Aṭṭīyāmīti aṭṭo pīḷito viya homi .
Harāyāmīti lajjāmi .
Jigucchāmīti gūthaṃ disvā viya jigucchaṃ uppādemi .