Tatiyajjhānakathā
230-231.
Tatiyajjhānasukhūpamāyaṃ
P1.219M1.196 uppalāni ettha santīti uppalinī .Sesapadadvayepi eseva nayo .
Ettha ca setarattanīlesu yaṃ kiñci uppalaṃ uppalameva .
Ūnakasatapattaṃ puṇḍarīkaṃ , satapattaṃ padumaṃ .
Pattaniyamaṃ vā vināpi setaṃ padumaṃ , rattaṃ puṇḍarīkanti ayamettha vinicchayo .
Udakānuggatānīti udakato na uggatāni .
Anto nimuggaposīnīti udakatalassa anto nimuggāniyeva hutvā posīni , vaḍḍhīnīti attho .
Sesaṃ purimanayeneva veditabbaṃ .