7. Addhavaggo
1. Nāmasuttavaṇṇanā
61. Addhavaggassa paṭhame nāmaṃ sabbaṃ addhabhavīti nāmaṃ sabbaṃ abhibhavati anupatati .
Opapātikena vā hi kittimena vā nāmena mutto satto vā saṅkhāro vā natthi .
Yassapi hi rukkhassa vā pāsāṇassa vā ‘‘ idaṃ nāma nāman ’’ ti na jānanti , anāmakotveva tassa nāmaṃ hoti .
Paṭhamaṃ .
2-3.Cittasuttādivaṇṇanā
62. Dutiye
V1.86 sabbeva vasamanvagūti ye cittassa vasaṃ gacchanti , tesaṃyeva anavasesapariyādānametaṃ .Dutiyaṃ .
63. Tatiyepi eseva nayo .
Tatiyaṃ .
4-5.Saṃyojanasuttādivaṇṇanā
64. Catutthe kiṃ su saṃyojanoti kiṃ saṃyojano kiṃ bandhano ?
Vicāraṇan ti vicaraṇā pādāni .
Bahuvacane ekavacanaṃ kataṃ .
Vitakkassa vicāraṇan ti vitakko tassa pādā .
Catutthaṃ .
65. Pañcamepi eseva nayo .
Pañcamaṃ .
6. Attahatasuttavaṇṇanā
66. Chaṭṭhe kenassubbhāhatoti kena abbhāhato .
Su-kāro nipātamattaṃ .
Icchādhūpāyitoti icchāya āditto .
Chaṭṭhaṃ .
7-9.Uḍḍitasuttādivaṇṇanā
67. Sattame
M1.90P1.96 taṇhāya uḍḍitoti taṇhāya ullaṅghito .Cakkhuñhi taṇhārajjunā āvunitvā rūpanāgadante uḍḍitaṃ , sotādīni saddādīsūti taṇhāya uḍḍito loko .
Maccunā pihitoti anantare attabhāve kataṃ kammaṃ na dūraṃ ekacittantaraṃ , balavatiyā pana māraṇantikavedanāya pabbatena viya otthaṭattā sattā taṃ na bujjhantīti ‘‘ maccunā pihito loko ’’ ti vuttaṃ .
Sattamaṃ .
68. Aṭṭhame sveva pañho devatāya heṭṭhupariyāyavasena pucchito .
Aṭṭhamaṃ .
69. Navame
V1.87 sabbaṃ uttānameva .Navamaṃ .
10. Lokasuttavaṇṇanā
70. Dasame kismiṃ loko samuppannoti kismiṃ uppanne loko uppannoti pucchati .
Chasūti chasu ajjhattikesu āyatanesu uppannesu uppannoti vuccati .
Chasu kubbatīti tesuyeva chasu santhavaṃ karoti .
Upādāyāti tāniyeva ca upādāya āgamma paṭicca pavattati .
Vihaññatīti tesuyeva chasu vihaññati pīḷiyati .
Iti ajjhattikāyatanavasena ayaṃ pañho āgato , ajjhattikabāhirānaṃ pana vasena āharituṃ vaṭṭati .
Chasu hi ajjhattikāyatanesu uppannesu ayaṃ uppanno nāma hoti , chasu bāhiresu santhavaṃ karoti , channaṃ ajjhattikānaṃ upādāya chasu bāhiresu vihaññatīti .
Dasamaṃ .
Addhavaggo sattamo .