10. Pajjotasuttavaṇṇanā
80. Dasame pajjototi padīpo viya hoti .
Jāgaroti jāgarabrāhmaṇo viya hoti .
Gāvo kamme sajīvānan ti kammena saha jīvantānaṃ
M1.95 gāvova kamme kammasahāyā kammadutiyakā nāma honti .Gomaṇḍalehi saddhiṃ kasikammādīni nipphajjanti .
Sītassa iriyāpathoti sītaṃ assa sattakāyassa iriyāpatho jīvitavutti .
Sītan ti naṅgalaṃ .
Yassa hi naṅgalehi khettaṃ appamattakampi kaṭṭhaṃ na hoti , so kathaṃ jīvissatīti vadati .
Dasamaṃ .