Issues
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Sattakanipātapāḷi
Sattakanipātapāḷi

10. Arakasuttaṃ

Author: sāsanāre-သာသနာရေး @ IAPT

အရကော၊ အရကမည်သော။ သတ္ထာ၊ ဆရာသည်။ သာဝကာနံ၊ တပည့်တို့အား။ ဧဝံ၊ ဤသို့။ ဓမ္မံ၊ တရားကို။ ဒေသေတိ၊ ဟော၏။ (ကိန္တိ၊ သို့။ ဒေဟေတိ၊ ဟူမူ)။ ဗြာဟ္မဏ၊ ဗြာဟ္မဏသူတော်ကောင်း။ မနုဿာနံ၊ လူတို့၏။ ဇီဝိတံ၊ အသက်သည်။ အပ္ပကံ၊ နည်းပါးလှ၏။ ပရိတ္တံ၊ တိုတောင်းလှ၏။ လဟုကံ၊ (ဖြစ်မှုချုပ်မှုအားဖြင့်) လျင်မြန်လှ၏။ ဝါ၊ လျင်မြန်သော ဖြစ်ခြင်းချုပ်ခြင်းရျိ၏။ ဗဟုဒုက္ခံ၊ များသောဆင်းရဲရှိ၏။ ဗဟုပါယာသံ၊ များသောပင်ပန်းခြင်း ရှိ၏။ **မန္တာယံ**၊ ပညာဖြင့်။ **ဗောဒ္ဓဗ္ဗံ**၊ သိသင့်သိထိုက်၏။ မန္တာယံ ဗောဒ္ဓဗ္ဗံ။ ။ ဤဝါကျကို အနက်နှစ်နည်းပြန်ဆိုထားရာတွင် ပထမနည်း၌ ကညာဒိဂိုဏ်းဝင်ပုဒ်ဖြစ်သော မန္တာသဒ္ဒါနောင် သ္မိံဝိဘတ်ကို ယံပြု၊ ၎င်းသ္ခိံဝိဘတ်ကို ကရိုဏ်းအနက်၌ သက်၊ထို့ကြောင့် "မန္တာယံ- ပညာဖြင့်"ဟု အနက်ပေးခဲ့သည်။ ဒုတိယနည်း၌ကား မန္တဓာတ် ဏျပစ္စည်း ဣအာဂုမ်ဖြင့် "မန္တိယ"ဟု ဖြစ်ပြီးနောက် ဣကို အာပြု၍ ပဌမာဝိဘတ်ဖြင့် "မန္တာယံ"ဟူ၍ စိတ္တာဒိဂိုဏ်းဝင်ပုဒ်ဖြစ်၏။ မန္တာယန္တိ ကရဏတ္ထေ ဧတံ ဘုမ္မဝစနန္တိ အာဟ "မန္တာယ ဗောဒ္ဓဗ္ဗံ၊ ပညာယ ဇာနိတဗ္ဗန္တိ အတ္ထော"တိ၊ မန္တာယန္တိ ဝါ မန္တေယျန္တိ ဝုတ္တံ ဟောတိ၊ မန္တေတဗ္ဗံ မန္တာယ ဥပပရိက္ခိတဗ္ဗန္တိ အတ္ထော။ ဋီကာ။ [တနည်း- မန္တာယံ၊ ပညာဖြင့် စူးစမ်းဆင်ခြင်ထိုက်၏။ ဗောဒ္ဓဗ္ဗံ၊ ပညာဖြင့် သိသင့်သိထိုက်၏။] ကုသလံ၊ ကုသိုလ်ကောင်းမှုကို။ ကတ္တဗ္ဗံ၊ ပြုသင့်ပြုထိုက်၏။ ဗြဟ္မစရိယံ၊ မြတ်သောအကျင့်ကို။ စရိတဗ္ဗံ၊ ကျင့်သင့်ကျင့်ထိုက်၏။ ဇာတဿ၊ မွေးဖွားဖြစ်ပေါ်လာသောသူ၏။ အမရဏံ၊ မသေရခြင်းမည်သည်။ နတ္ထိ၊ မရှိ။
ဗြာဟ္မဏ၊ ဗြာဟ္မဏသူတော်ကောင်း။ သေယျထာပိ၊ ဥပမာပြရသော်ကား။ တိဏဂ္ဂေ၊ မြက်ဖျား၌။ ဥဿာဝဗိန္ဒု၊ ဆီးနှင်းပေါက်သည်။ သူရိယေ၊ နေသည်။ ဥဂ္ဂစ္ဆန္တေ၊ တက်လာလသော်။ ခိပ္ပံယေဝ၊ လျင်မြန်စွာသာလျှင်။ ပဋိဝိဂစ္ဆတိ၊ ပျောက်ပျက်သွား၏။ စိရဋ္ဌိတိကံ၊ ကြာမြင့်စွာတည်တံ့ခြင်းရှိသည်။ န ဟောတိ၊ မဖြစ်။
ဗြာဟ္မဏ၊ ကောင်း။ ဧဝမေဝံ၊ ဤအတူပင်။ မနုဿာနံ၊ လူတို့၏။ ဇီဝိတံ၊ အသက်သည်။ ဥဿာဝဗိန္ဒူပမံ၊ ဆီးနှင်းပေါက်ဟူသော ဥပမာရှိ၏။ ဝါ၊ ဆီးနှင်းပေါက်ဖြင့် ဥပမာနှိုင်းခိုင်းအပ်၏။ ပရိတ္တံ၊ တိုတောင်းလှ၏။ပ။ အမရဏံ၊ မသေရခြင်းမည်သည်။ နတ္ထိ၊ မရှိ။
ဗြာဟ္မဏ၊ ကောင်း။ သေယျထာပိ၊ ဥပမာတနည်းကား။ ထုလ္လဖုသိတကေ၊ ကြီးသော မိုးပေါက်ရှိသော။ ဒေဝေ၊ မိုးသည်။ ဝဿန္တေ၊ ရွာလသော်။ ဥဒကဗုဗ္ဗုဠံ၊ ရေပွက်သည်။ ခိပ္ပံယေဝ၊ လျှင်။ ပဋိဝိဂစ္ဆတိ၊ ကွဲပျက်သွား၏။ပ။
မနုဿာနံ၊ တို့၏။ ဇီဝိတံ၊ သည်။ ဥဒကဗုဗ္ဗုဠူပမံ၊ ရေပွက်ဥပမာရှိ၏။ပ။
ဗြာဟ္မဏ၊ ကောင်း။ သေယျထာပိ၊ ဥပမာတနည်းကား။ ဥဒကေ၊ ‌ရေ၌။ ဒဏ္ဍရာဇိ၊ တုတ်၏ အရေးအကြောင်းသည်။ (တုတ်ဖြင့် ရေးခြစ်အပ်သော အရေးအကြောင်းသည်) ခိပ္ပံယေဝ၊ လျှင်။ ပဋိဝိဂစ္ဆတိ၊ ပျောက်ပျက်သွား၏။ပ။
ဒဏ္ဍရာဇူပမံ၊ တုတ်အရေးအကြောင်းဟူသော ဥပမာရှိ၏။ပ။
ပဗ္ဗတေယျာ၊ တောင်ပေါ်မှ စီးဆင်းလာသော။ နဒီ၊ မြစ်သည်။ ဒူရင်္ဂမာ၊ အဝေးသို့ စီးသွားသည်။ သီဃသောတာ၊ လျင်မြန်သော ရေအလျဉ်ရှိသည်။ ဟာရဟာရိနီ၊ သယ်ဆောင်ဖွယ် သစ်ပင် ကျူ ဝါးစသည်တို့ကို သယ်ဆောင်သွားတတ်သည်။ (ဟောတိ၊ ၏)။ [ဟာရ၊ သယ်ဆောင်ဖွယ်ရာတို့ကို+ ဟာရိနီ၊ သယ်ဆောင်သွားတတ်သောမြစ်]။ ယံ၊ အကြင် ခဏ လယ မုဟုတ်ဟူသော အခိုက်အတန့်ကာလပတ်လုံး။ ဝါ၊ ...ကာလအတွင်း၌။ သာ၊ ထိုတောင်ကျမြစ်ရေသည်။ အာဝတ္တတိ၊ ပြန်လည်ဆုတ်နစ်၏။ သော ခဏော ဝါ၊ (လက်ဖျစ်ဆယ်တွက်မျှသာ ကြာမြင့်သော) ထို ပြန်လည်ဆုတ်နစ်ရာ ခဏကာလသည်လည်းကောင်း။ သော လယော ဝါ၊ (ဆယ်ခဏမျှသာ ကြာမြင့်သော) ထိုပြန်လည်ဆုတ်နစ်ရာ လယကာလသည်လည်းကောင်း။ သော မုဟုတ္တောဝါ၊ (ဆယ်ခဏလယမျှသာ ကြာမြင့်သော) ထို ပြန်လည်ဆုတ်နစ်ရာ မုဟုတ်ကာလသည်လည်းကောင်း။ နတ္ထိ၊ မရှိ။ အထခေါ၊ စင်စစ်သော်ကား။ သာ၊ ထိုတောင်ကျမြစ်ရေသည်။ ဂစ္ဆတေဝ၊ (မရပ်မနား) သွားမြဲ သွားနေတော့သည်သာတည်း။ ဝတ္တတေဝ၊ စီးမြဲစီးတော့သည်သာတည်း။ သန္ဒတေဝ၊ သက်ဆင်းမြဲ သက်ဆင်းနေတော့သည်သာတည်း။ပ။
နဒီပဗ္ဗတေယျူပမံ၊ တောင်ပေါ်မှ စီးဆင်းသောမြစ်ရေ ဥပမာရှိ၏။ပ။
ဗြာဟ္မဏ၊ ကောင်း။ သေယျထာပိ၊ ကား။ ဗလဝါ၊ အားကောင်းသော။ ပုရိသော၊ သည်။ ဇိဝှဂ္ဂေ၊ လျှာဖျား၌။ ခေဠပိဏ္ဍံ၊ တံတွေးပေါက်ကို။ သံယူဟိတွာ၊ ပေါင်းစု၍။ အကသိရေနေဝ၊ မခက်ခဲ မပင်ပန်းသောအားဖြင့်သာလျှင်။ ဝမေယျ၊ ထွေးဟက်ထုတ်ပစ်ရာ၏။ပ။
ခေဠပိဏ္ဍူပမံ၊ (ထွေးဟက်အပ်သော) တံတွေးပေါက်ဥပမာရှိ၏။ပ။
ဒိဝသံ၊ တနေ့ပတ်လုံး။ သံတတ္တေ၊ ပြင်းစွာ ပူလောင်‌သော။ အယောကဋာဟေ၊ သံအိုးကင်း၌။ မံသပေသိ၊ အသားတစ်ထည်။ ပက္ခိတ္တာ၊ ပစ်ချအပ်သည်။ (သမာနာ၊ ဖြစ်လသော်) ခိပ္ပံယေဝ၊ လျှင်။ ပဋိဝိဂစ္ဆတိ၊ လောင်ကျွမ်းပျောက်ပျက်သွား၏။ပ။
မံသပေသူပမံ၊ အသားတစ်ဥပမာရှိ၏။ (ပြင်းစွာပူသော သံအိုးကင်း၌ ပစ်ချအပ်၍ လျင်မြန်စွာ လောင်ကျွမ်းချုပ်ပျောက်သွား‌သော သားတစ် ဥပမာရှိ၏)။ပ။
ဗြာဟ္မဏ၊ ကောင်း။ သေယျထာပိ၊ ကား။ ဝဇ္ဈာ၊ အသတ်ခံရမည်ဖြစ်သော။ ဂါဝီ၊ နွားမသည်။ အာဃာတနံ၊ နွားသတ်ရာဌာနသို့။ ဝါ၊ နွားသတ်ရုံသို့။ နီယမာနာ၊ ဆွဲငင်သွားအပ်လသော်။ ယံယဒေဝ ပါဒံ၊ အကြင် အကြင် ခြေထောက်ကို။ ဥဒ္ဓရတိ၊ ကြွလှမ်း၏။ (တေန တေန ပါဒေန၊ ထိုထိုကြွလှမ်းအပ်သမျှသော ခြေထောက်ကြောင့်၊ ဝါ၊ ထိုထိုခြေထောက် ကြွလှမ်းခြင်းကြောင့်)။ ဝဓဿ၊ အသတ်ခံရခြင်း၏။ သန္တိကေဝ၊ အနီး၌သာလျှင်။ ဝါ၊ နီးသည်ထက် နီးလာသည်သာလျှင်။ ဟောတိ၊ ဖြစ်၏။ မရဏဿ၊ သေခြင်း၏။ သန္တိကေဝ၊ လျှင်။ ဟောတိ၊ ၏။ပ။
ဂေါဝဇ္ဈူပမံ၊ အသတ်ခံတော့မည့်နွားဥပမာရှိ၏။ ပရိတ္တံ၊ ၏။ပ။ အမရဏံ၊ သည်။ နတ္ထိ၊ မရှိ။ ဣတိ၊ ဤသို့။ (ဓမ္မံ၊ တရားကို။ ဒေသေတိ၊ အရကဆရာကြီးက ဟောကြား၏)။ ["အရကော သတ္ထာ သာဝကာနံ ဧဝံ ဓမ္မံ ဒေသေတိ"ဟူသော ဤသုတ်အစပိုင်းက ဝါကျသို့ ပြန်စပ်သည်]။
ဘိက္ခဝေ၊ တို့။ တေန ခေါ ပန သမယေန၊ ထိုအရကဆရာ၏ လက်ထက် အချိန်အခါ၌။ မနုဿာနံ၊ လူတို့၏။ အာယုပ္ပမာဏံ၊ အသက်တမ်းပမာဏသည်။ သဋ္ဌိဝဿသဟဿာနိ၊ အနှစ်ခြောက်သောင်းတို့သည်။ အဟောသိ၊ ဖြစ်ခဲ့ပြီ။ [အာယုပ္ပမာဏံကိုငဲ့၍ အဟောသိ-ဟု ဧကဝုစ်ကြိယာထားသည်] ပဉ္စဝဿသတိကာ၊ အနှစ်ငါးရာရှိသော။ ကုမာရိကာ၊ အမျိုးသမီးပျိုသည်။ အလံပတေယျာ၊ လင်ပေးစားခြင်းငှာ သင့်လျော်သည်။ အဟောသိ၊ ဖြစ်ပြီ။ [အလံပတိနောတိ အလံပတိ၊ လင်အားသင့်လျော်သော အမျိုးသမီး။ အလံပတိ ဧဝ အလံပတေယျာ]။
ဘိက္ခဝေ၊ တို့။ တေန ခေါ ပန သမယေန၊ ၌။ သီတံ၊ ချမ်းအေးခြင်းလည်းကောင်း။ ဥဏှံ၊ ပူအိုက်ခြင်းလည်းကောင်း။ ဇိဃစ္ဆာ၊ ထမင်းဆာခြင်းလည်းကောင်း။ ပိပါသာ၊ ရေငတ်ခြင်းလည်းကောင်း။ ဥစ္စာရော၊ ကျင်ကြီးစွန့်ရခြင်းလည်းကောင်း။ ပဿာဝေါ၊ ကျင်ငယ်စွန့်ရခြင်းလည်းကောင်း။ ဣတိ၊ ဤသို့။ မနုဿာနံ၊ လူတို့၏။ ဆဠေဝ၊ (၆)မျိုးသာလျှင် ဖြစ်ကုန်သော။ အာဗာဓာ၊ အနာရောဂါတို့သည်။ အဟေသုံ၊ ရှိကုန်ပြီ။
ဘိက္ခဝေ၊ တို့။ အရကော၊ အရကမည်သော။ သော သတ္ထာ၊ ထိုဆရာကြီးသည်သော်မှပင်။ ဧဝံ၊ ဤမျှလောက်။ ဒီဃာယုကေသု၊ ရှည်သောအသက်ရှိကုန်သော။ ဧဝံ၊ လောက်။ စိရဋ္ဌိတိကေသု၊ ကြာမြင့်စွာ တည်တံ့ခြင်းရှိကုန်သော။ ဧဝံ၊ လောက်။ အပ္ပါဗာဓေသု၊ နည်းသောအနာရောဂါ ရှိကုန်သော။ မနုဿေသု၊ လူတို့၌။ ဝါ၊ လူတို့လက်ထက်၌။ သာဝကာနံ၊ တပည့်တို့အား။ "အပ္ပကံ ဗြာဟ္မဏ။ပ။ ဇာတဿ အမရဏန္တိ၊ အပ္ပကံ ဗြာဟ္မဏ။ပ။ ဇာတဿ အမရဏံ"ဟူ၍။ ဧဝံ၊ ဤသို့။ ဓမ္မံ၊ မရဏာနုဿတိတရားကို။ ဒေသေဿတိ နာမ၊ ဟောကြားခဲ့ပါပေ၏။
ဘိက္ခဝေ၊ တို့။ ဧတရဟိ၊ (ငါတို့ သင်တို့လက်ထက်ရောက်ရာ) ယခုအခါ၌။ "အပ္ပကံ ဇီဝိတံ။ပ။ အမရဏန္တိ၊ အပ္ပကံ ဇီဝိတံ။ပ။ အမရဏံ"ဟူသော။ တံ၊ ထိုတရားစကားကို။ (ထိုသေခြင်းတရားကို အာရုံပြု သံဝေဂဖြစ်စေနိုင်သော တရားစကားကို) ဝဒမာနော၊ ဟောပြောသောပုဂ္ဂိုလ်သည်။ သမ္မာ၊ ကောင်းစွာ။ ဝါ၊ ကောင်းစွာ သံဝေဂဖြစ်စေနိုင်လောက်အောင်။ ဝဒေယျ၊ ဟောပြောသင့်ပေ၏။ ဝါ၊ ဟောပြောနိုင်ပေ၏။ [လူတို့ အလွန်အသက်တိုခြင်း, အလွန်ရောဂါထူပြောခြင်း စသော အန္တရာယ်တို့နှင့် အမြဲတွေ့ကြုံနေရသော ယခုလို အချိန်အခါမျိုး၌ သေခြင်းတရားကို ဟောကြားသောပုဂ္ဂိုလ်သည် ထိုအန္တရာယ်တို့ကို ညွှန်ပြ၍ သံဝေဂ ဖြစ်နိုင်လောက်အောင် ကောင်းကောင်းကြီး ဟောပြောနိုင်ပေ၏၊ ဟောပြောသင့်ပေ၏ ဟူလို။]
ဘိက္ခဝေ၊ ရဟန်းတို့။ ဧတရဟိ၊ ယခုအခါ၌။ ယော၊ အကြင်သူသည်။ စိရံ၊ ကြာမြင့်စွာ။ ဇီဝတိ၊ အသက်ရှည်၏။ သော၊ (ကြာမြင့်စွာ အသက်ရှည်သော) ထိုသူသည်။ ဝဿသတံ ဝါ၊ အနှစ်တရာပတ်လုံးသော်လည်းကောင်း။ ဘိယျော၊ အနှစ်တရာထက် ပိုလွန်သော။ အပ္ပံဝါ၊ အနည်းငယ်သော နှစ်ပတ်လုံးသော်လည်းကောင်း။ ဝါ၊ အနည်းငယ်သော အနှစ်(၂၀) (၃၀) (၄၀) (၅၀) (၆၀) ပတ်လုံးသော်လည်းကောင်း။ ဇီဝတိ၊ အသက်ရှည်၏။ (တနည်း)သော၊ ထိုအသက်ရှည်သောသူသည်။ ဝဿသတံ ဝါ၊ လည်းကောင်း။ အပ္ပံ၊ အနည်းငယ်။ ဘိယျောဝါ၊ အနှစ်တစ်ရာထက် ပိုလွန်သော နှစ်ပတ်လုံးသော်လည်းကောင်း။ ဝါ၊ အနှစ်တရာထက် ၂၀,၃၀,၄၀,၅၀,၆၀ အပို အလွန်သော်လည်းကောင်း။ ဇီဝတိ၊ ၏။
ဘိက္ခဝေ၊ တို့။ ဝဿသတံ၊ အနှစ်တရာပတ်လုံး။ ဇီဝန္တော၊ အသက်ရှည်သောသူသည်။ ဟေမန္တာနံ၊ ဆောင်းဥတုတို့၏။ ဥတုသတံ၊ ရာသီဥတုတစ်ရာလည်းကောင်း။ ဂိမှာနံ၊ နွေဥတုတို့၏။ ဥတုသတံ၊ ကောင်း။ ဝဿာနံ၊ မိုးဥတုတို့၏။ ဥတုသတံ၊ ကောင်း။ (ဣတိ၊ ဤသို့) တီဏိယေဝ၊ သုံးမျိုးသာလျှင် ဖြစ်ကုန်သော။ ဥတုသတာနိ၊ ရာသီဥတု အရာတို့ပတ်လုံး။ ဇီဝတိ၊ အသက်ရှည်၏။ [တနည်း-တီဏိယေဝ ဥတုသတာနိ၊ ရာသီဥတုသုံးရာတို့ ပတ်လုံးသာလျှင်။ ဇီဝတိ၊ ၏]
ဘိက္ခဝေ၊ တို့။ တီဏိ ဥတုသတာနိ၊ ရာသီဥတုသုံးရာတို့ ပတ်လုံး။ ဇီဝန္တော၊ အသက်ရှည်သောသူသည်။ ဟေမန္တာနံ၊ ဆောင်းလတို့၏။ စတ္တာရိ မာသသတာနိ၊ လပေါင်းလေးရာတို့လည်းကောင်း။ ဂိမှာနံ၊ နွေလတို့၏။ စတ္တာရိ မာသသတာနိ၊ ကောင်း။ ဝဿာနံ၊ မိုးလတို့၏။ စတ္တာရိ မာသသတာနိ၊ ကောင်း။ (ဣတိ၊ ဤသို့) ဒွါဒသယေဝ မာသသတာနိ၊ လ‌ပေါင်းတထောင် နှစ်ရာတို့ပတ်လုံးသာလျှင်။ ဇီဝတိ၊ ၏။
ဘိက္ခဝေ၊ တို့။ ဒွါဒသမာသသတာနိ၊ လပေါင်းတထောင်နှစ်ရာတို့ပတ်လုံး။ ဇီဝန္တော၊ သည်။ ဟေမန္တာနံ၊ ဆောင်းလခွဲတို့၏။ အဋ္ဌဒ္ဓမာသသတာနိ၊ လခွဲရှစ်ရာတို့လည်းကောင်း။ (တလထက်ဝက် ၁၅-ရက်ပေါင်း ရှစ်ရာတို့လည်းကောင်း) ဂိမှာနံ၊ နွေလခွဲတို့၏။ အဋ္ဌဒ္ဓမာသသတာနိ၊ ကောင်း။ ဝဿာနံ၊ မိုးလခွဲတို့၏။ အဋ္ဌဒ္ဓမာသသတာနိ၊ ကောင်း။ (ဣတိ၊ သို့) စတုဝီသတိယေဝ၊ ၂၄မျိုးသာလျှင်ဖြစ်သော။ အဒ္ဓမာသသတာနိ၊ လခွဲအရာတို့ပတ်လုံး။ [တနည်း-စတုဝီသတိယေဝ အဒ္ဓမာသသတာနိ၊ လခွဲတို့၏ နှစ်ထောင်လေးရာတို့ပတ်လုံးသာလျှင်] ဇီဝတိ၊ ၏။
ဘိက္ခဝေ၊ တို့။ စတုဝီသတိ အဒ္ဓမာသသတာနိ၊ လခွဲပေါင်းနှစ်ထောင်လေးရာတို့ပတ်လုံး။ ဇီဝန္တော၊ သည်။ ဟေမန္တာနံ၊ ဆောင်းညဉ့် နေ့တို့၏။ ဒွါဒသရတ္တိသဟဿာနိ၊ ညဉ့်နေ့ပေါင်းတသောင်းနှစ်ထောင်တို့သည်လည်းကောင်း။ [ရတ္တိသဒ္ဒါဖြင့် ဒိဝသကိုပါ ယူသည်] ဂိမှာနံ၊ နွေညဉ့်နေ့တို့၏။ ဒွါဒသရတ္တိသဟဿာနိ၊ ကောင်း။ ဝဿာနံ၊ မိုးညဉ့်နေ့တို့၏။ ဒွါဒသရတ္တိသဟဿာနိ၊ ကောင်း။ (ဣတိ၊ သို့) ဆတ္တိံသံယေဝ ရတ္တိသဟဿာနိ၊ ညဉ့်နေ့တို့၏ သုံးသောင်းခြောက်ထောင်တို့ပတ်လုံးသာလျှင်။ ဇီဝတိ၊ ၏။
ဘိက္ခဝေ၊ တို့။ ဆတ္တိံသံ ရတ္တိသဟဿာနိ၊ ညဉ့်နေ့ပေါင်း သုံးသောင်းခြောက်ထောင်တို့ပတ်လုံး။ ဇီဝန္တော၊ သည်။ မာတုထညာယ၊ အမိနို့ရည်သောက်စို့ခြင်းနှင့်။ သဒ္ဓိံ၊ အတူတကွလည်းကောင်း။ ဘတ္တန္တရာယေန၊ ထမင်း၏အန္တရာယ်နှင့်။ ဝါ၊ အနှောင့်အယှက် အန္တရာယ်တခုခုကြောင့် ထမင်းမစားရခြင်းနှင့်။ သဒ္ဓိံ၊ ကောင်း။ ဟေမန္တာနံ၊ ဆောင်းထမင်းတို့၏။ စတုဝီသတိဘတ္တသဟဿာနိ၊ ထမင်းအကြိမ်အထပ် နှစ်သောင်းလေးထောင်တို့လည်းကောင်း။ ဂိမှာနံ၊ နွေထမင်းတို့၏။ စတုဝီသတိဘတ္တသဟဿာနိ၊ ကောင်း။ ဝဿာနံ၊ မိုးထမင်းတို့၏။ စတုဝီသတိဘတ္တသဟဿာနိ၊ ကောင်း။ (ဣတိ၊ သို့) ဒွေသတ္တတိယေဝ ဘတ္တသဟဿာနိ၊ ခုနစ်သောင်း နှစ်ထောင်သော ဆွမ်းအကြိမ်အထပ်တို့ကိုသာလျှင်။ ဝါ၊ ဆွမ်း အကြိမ်အထပ်တို့၏ ခုနစ်သောင်းနှစ်ထောင်တို့ကိုသာလျှင်။ ဘုဉ္ဇတိ၊ စား၏။ [တနည်း-ဒွေသတ္တတိယေဝ၊ ၇၂-လီသာလျှင် ဖြစ်သော။ ဘတ္တသဟဿာနိ၊ ထမင်းအထပ်အထောင်တို့ကို။ ဘုဉ္ဇတိ၊ စား၏။]
တတြ၊ ထိုသဒ္ဓိံ ဘတ္တန္တရာယေနဟူသော စကား၌။ ဣမေ၊ ဤပြဆိုအပ်တ္တံ့သော အန္တရာယ်တို့ကား။ ဘတ္တန္တရာယာ၊ ထမင်း၏အန္တရာယ်တို့ပေတည်း။ ကပိမိဒ္ဓေါ၊ မျောက်၏အိပ်ခြင်းကဲ့သို့ မပျော်တပျော်အိပ်ခြင်းရှိသည်။ (ဟုတွာပိ၊ ဖြစ်၍လည်း) ဘတ္တံ၊ ထမင်းကို။ န ဘုဉ္ဇတိ၊ မစား။ ဒုက္ခိတော၊ ဖြစ်သော ကိုယ်စိတ်ဆင်းရဲရှိသည်။ ဝါ၊ ဒုက္ခရောက်နေသည်။ ဟုတွာပိ၊ လည်း။ ဘတ္တံ၊ ကို။ န ဘုဉ္ဇတိ၊ မစား။ ဗျာဓိတော၊ ဖြစ်သော မကျန်းမမာ ရောဂါရှိနေသည်။ ဟုတွာပိ။ပ။ ဥပေါသထိကော၊ ဥပုသ်စောင့်သုံးနေသည်။ ဟုတွာပိ။ပ။ အလာဘကေနပိ၊ ထမင်း မရခြင်းကြောင့်လည်း။ ဘတ္တံ၊ ကို။ န ဘုဉ္ဇတိ၊ မစား။ (ဣမေ၊ ဤဆိုအပ်ပြီးတို့ကား။ ဘတ္တန္တရာယာ၊ တို့ပေတည်း)။
ဘိက္ခဝေ၊ ရဟန်းတို့။ ဣတိ၊ ဤဟောတော်မူအပ်ပြိးသော စကားတော်ဖြင့်။ ("ဧတရဟိ တံ ဘိက္ခဝေ သမ္မာ ဝဒမာနော ဝဒေယျ"စသည်ဖြင့် ဤ ဟောတော်မူအပ်ပြိးသော စကားဖြင့်။) မယာ၊ ငါဘုရားသည်။ ဝဿသတာယုကဿ၊ အနှစ်တရာ အသက်ရှည်သော။ မနုဿဿ၊ လူ၏။ အာယုပိ၊ အသက်ကိုလည်း။ ဝါ၊ အသက်၏ တိုတောင်းပုံ စသည်ကိုလည်း။ သင်္ခါတံ၊ ဟော‌ကြားတော်မူအပ်ပြီ။ အာယုပ္ပမာဏမ္ပိ၊ အသက်တမ်းပမာဏကိုလည်း။ ဝါ၊ အသက်ရှည်သမျှ နှစ်ကာလ အရေအတွက်ကိုလည်း။ သင်္ခါတံ၊ ရေတွက်ဟောကြားတော်မူအပ်ပြီ။ ဥတူပိ၊ (အသက်ရှည်သမျှ) ရာသီဥတု အရေအတွက်တို့ကိုလည်း။ သင်္ခါတာ၊ ရေတွက် ဟောကြားအပ်ကုန်ပြီ။ သံဝစ္ဆရာပိ၊ (အသက်ရှည်သမျှ) နှစ်အရေအတွက်တို့ကိုလည်း။ သင်္ခါတာ၊ ကုန်ပြီ။ မာသာပိ၊ (အသက်ရှည်သမျှ) လအရေအတွက်တို့ကိုလည်း။ သင်္ခါတာ၊ ကုန်ပြီ။ အဒ္ဓမာသာပိ၊ (အသက်ရှည်သမျှ) လထက်ဝက် အရေအတွက်တို့ကိုလည်း။ သင်္ခါတာ၊ ကုန်ပြီ။ ရတ္တိပိ၊ (အသက်ရှည်သမျှ) ညဉ့်အရေအတွက်တို့ကိုလည်း။ သင်္ခါတာ၊ ကုန်ပြီ။ [ရတ္တီ-ဟု ဒီဃဖြင့် ဗဟုဝုစ်ရှိသင့်၏] ဒိဝါပိ၊ (အသက်ရှည်မျှ) နေ့အရေအတွက်တို့ကိုလည်း။ သင်္ခါတာ၊ ကုန်ပြီ။ ဘတ္တာပိ၊ (အသက်ရှည်သမျှ စားအပ်သော) ထမင်းအကြိမ်အထပ်တို့ကိုလည်း။ သင်္ခါတာ၊ ကုန်ပြီ။ ဘတ္တန္တရာယာပိ၊ ထမင်းစားခြင်း၏ အန္တရာယ်တို့ကိုလည်း။ သင်္ခါတာ၊ ကုန်ပြီ။
ဘိက္ခဝေ၊ တို့။ သာဝကာနံ၊ တပည့်တို့၏။ ဝါ၊ တပည့်တို့ကို။ ဟိတေသိနာ၊ စီးပွားကို ရှာမှီးတော်မူသော။ အနုကမ္ပကေန၊ ငဲ့ညှာထောက်ထား သနားတော်မူသော။ သတ္ထာရာ၊ ဆရာ မြတ်စွာဘုရားသည်။ အနုကမ္ပံ၊ ငဲ့ညှာထောက်ထား သနားမှုကို။ ဥပါဒါယ၊ စိတ်ဖြင့် သိမ်းပိုက်ယူငင်၍။ ဝါ၊ ဖြန့်၍။ [ပဉ္စကနိပါတ်စာပိုဒ် (၇၃) ပဌမဓမ္မဝိဟာရီသုတ်ဋ္ဌဋီ၌ ဖွင့်ထားသည်။] ယံ၊ အကြင်တရားဟောခြင်း ကိစ္စကို။ ကရဏီယံ၊ ပြုသင့်ပြုထိုက်၏။
မယာ၊ ငါဘုရားသည်။ ဝေါ၊ သင်တို့အတွက်။ တံ၊ ထိုတရားဟောခြင်းကိစ္စကို။ ကတံ၊ ပြုအပ်ပြီးပြီ။ ဘိက္ခဝေ၊ တို့။ ဧတာနိ၊ ထိုနေရာဌာနတို့သည်။ ရုက္ခမူလာနိ၊ သစ်ပင်အနီး(သစ်ပင်အောက်)တို့ပေတည်း။ ဧတာနိ၊ ထိုနေရာဌာနတို့သည်။ သုညာဂါရာနိ၊ ဆိတ်ငြိမ်ရာကျောင်းတို့တည်း။
ဘိက္ခဝေ၊ တို့။ (တုမှေ၊ သင်တို့သည်။) စျာယထ၊ သမထဝိပဿနာတရား ရှုပွားကြကုန်လော။ (အာရမ္မဏူပနိဇ္ဈာန်ဖြင့် ကသိုဏ်းအစရှိသော (၃၈)ပါးသော သမထကမ္မဋ္ဌာန်း အာရုံတို့ကိုလည်းကောင်း, လက္ခဏူပနိဇ္ဈာန်ဖြင့် မမြဲခြင်းစသော သဘောအားဖြင့် ခန္ဓာအာယတန စသည်တို့ကိုလည်းကောင်း စူးစိုက်၍ ရှုကြ ကြံကြကုန်လော။) မာ ပမာဒတ္ထ၊ မမေ့လျော့ကြကုန်လင့်။
ပစ္ဆာ၊ နောက်အခါ၌။ (သက်ရွယ်ကြီးရာ, ရောဂါကပ်စွဲ, သေပွဲဝင်လင့်, ခွင့်မသင့်ရာ, နောက်အခါ၌။) ဝိပ္ပဋိသာရိနော၊ မိမိပြစ်မှု အစွဲပြုကာ ဖောက်ပြန်စွာ တွေးတောပူပန်နေကြကုန်သည်။ ဝါ၊ (မေ့လျော့ ပေါ့ဆစွာ နေခဲ့မိလေခြင်းဟု) နောင်တရနေကြကုန်သည်။ မာ အဟုဝတ္ထ၊ မဖြစ်ကြကုန်လင့်။
အယံ၊ ဤစကားသည်။ (ဈာယထ မာ ပမာဒတ္ထ-အစရှိသော ဤစကားသည်) ဝေါ၊ သင်တို့အတွက်။ အမှာကံ၊ ငါတို့၏။ အနုသာသနီ၊ အဆုံးအမ ဩဝါဒတော်ပေတည်း။ ဣတိ(အဝေါစ၊ မိန့်)
ဒသမံ။
သတ္တမော၊ သော။ မဟာဝဂ္ဂေါ၊ တည်း။