Issues
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Aṭṭhakanipātapāḷi
Aṭṭhakanipātapāḷi

1. Gotamīsuttaṃ

Author: sāsanāre-သာသနာရေး @ IAPT

[စာပိုဒ်(၂၅)မဟာနာမသုတ်၊ ဤစာအုပ် စာမျက်နှာ (၄၄၅)လည်းကြည့်] နိဂြောဓါရာမေ၊ ၌။ ဝိဟရတိ၊ ၏။ (ပဌမဆုံးအကြိမ် ကြွရောက်၍ သီတင်းသုံးနေတော်မူ၏။ အဋ္ဌကထာ၌ "ပဌမဂမနေန ဂန္တာ ဝိဟရတိ"ဟု ဖွင့်သည်)
အထ ခေါ၊ ထိုအခါ၌။ (သက္ကတိုင်းပြည်, ကပိလဝ်မြို့အနီး နိဂြောဓ ကျောင်းတိုက်၌ မြတ်စွာဘုရား သီတင်းသုံးနေတော်မူရာ ထိုအခါ၌) မဟာပဇာပတိ၊ မဟာပဇာပတိ မည်သော။ ဝါ၊ မြတ်သော သားသမီးတို့၏ အရှင်မမည်သော။ ဂေါတမီ၊ ဂေါတမီသည်။ ယေန၊ အကြင်အရပ်၌။ ဘဂဝါ၊ မြတ်စွာဘုရားသည်။ အတ္ထိ၊ ရှိတော်မူ၏။ တေန၊ ထိုအရပ်၌။ ဝါ၊ သို့။ ဥပသင်္ကမိ၊ သွား၏။
ဥပသင်္ကမိတွာ၊ သွားပြီး၍။ ဘဂဝန္တံ၊ မြတ်စွာဘုရားကို။ အဘိဝါဒေတွာ၊ ရိုသေစွာ ရှိခိုးပြီး၍။ ဧကမန္တံ၊ (သင့်လျော် လျောက်ပတ်သည့်) တခုသောအရပ်၌။ အဋ္ဌာသိ၊ ရပ်နေပြီ။
ဧကမန္တံ၊ ၌။ ဌိတာ၊ ရပ်နေပြီးသော။ မဟာပဇာပတိ၊ သော။ ဂေါတမီ၊ သည်။ ဘဂဝန္တံ၊ ကို။ ဧတံ၊ ဤအကြောင်းကို။ အဝေါစ၊ လျှောက်ထားပြီ။ (ကိန္တိ၊ အဘယ်သို့။ အဝေါစ၊ လျှောက်ထားသနည်းဟူမူ)
ဘန္တေ၊ မြတ်စွာဘုရား။ သာဓု၊ တောင်းပန်ပါ၏။ မာတုဂါမော၊ အမျိုးသမီးသည်။ တထာဂတပ္ပဝေဒိတေ၊ မြတ်စွာဘုရား ဟောကြားသိစေတော်မူအပ်သော။ ဓမ္မဝိနယေ၊ သုတ်အဘိဓမ္မာ ဝိနယာပိဋကတ် သာသနာတော်မြတ်၌။ အဂါရသ္မာ၊ အိမ်မှ။ ဝါ၊ အိမ်ရာတည်ထောင်လူ့ဘောင်မှ။ (နိက္ခမိတွာ၊ ထွက်ခွာ၍) အနဂါရိယံ၊ ရဟန်းမ အဖြစ်သို့။ (အိမ်၌ နေထိုင်မှု လူ့အဆင့်အတန်း မြင့်မားကြီးပွားရေးကို ဆောင်နိုင်သော လယ်လုပ်နွားမွေး ကုန်သွယ်ရေး မရှိရာ ရဟန်းမအဖြစ်သို့။) ပဗ္ဗဇ္ဇံ၊ ဝင်ရောက်ခြင်းကို။ ဝါ၊ ဝင်ရောက်ခွင့်ကို။ လဘေယျ၊ ရလိုပါ၏။ ဝါ၊ ရပါရစေ။ [တနည်း- ဘန္တေ၊ ရား။ မာတုဂါမော၊ သည်။ပ။ ပဗ္ဗဇ္ဇံ၊ ကို။ လဘေယျ၊ ရပါမူကား။ သာဓု၊ ကောင်းပါ၏။] ဣတိ၊ ဤသို့။ (အဝေါစ၊ လျှောက်ပြီ)
ဂေါတမိ၊ ဂေါတမီ။ အလံ၊ မသင့်လျော်။
မာတုဂါမဿ၊ အမျိုးသမီး၏။ပ။ အနဂါရိယံ၊ သို့။ ပဗ္ဗဇ္ဇာ၊ ဝင်ရာက်ခြင်းသည်။ တေ၊ သင့်အား။ [တနည်း- တေ၊ သင်၏။ စိတ္တေ၊ စိတ်၌] မာ ရုစ္စိ၊ မနှစ်သက်လင့်။ ဝါ၊ နှစ်သက်ခြင်းကို မဖြစ်စေလင့်။ ဣတိ၊ ဤသို့။ (ပဋိက္ခိပိ၊ ပယ်မြစ်တော်မူပြီ)
ဒုတိယမ္ပိ၊ နှစ်ကြိမ်မြောက်လည်း။ မဟာပဇာပတိ၊ မဟာပဇာပတိမည်သော။ ဂေါတမီ၊ သည်။ပ။
အထ ခေါ၊ မြတ်စွာဘုရားက သုံးကြိမ်တိတိ ပယ်မြစ်တော်မူရာ ထိုအခါ၌။ မဟာပဇာပတိ၊ သော။ ဂေါတမီ၊ သည်။ ဘဂဝါ၊ မြတ်စွာဘုရားသည်။ မာတုဂါမဿ၊ ၏။ပ။ ပဗ္ဗဇ္ဇံ၊ ဝင်ရောက်ခြင်းကို။ န အနုဇာနာတိ၊ ခွင့်မပြု။ ဣတိ၊ ဤသို့တွေးတော၍။ ဒုက္ခီ၊ စိတ်ဆင်းရဲခြင်းရှိသည်။ ဒုမ္မနာ၊ မကောင်းသော စိတ်ရှိသည်။ အဿုမုခီ၊ မျက်ရည်ဖြင့် စိုစွတ်သော မျက်နှာရှိသည်။ (ဟုတွာ၊ ဖြစ်၍) ရုဒမာနာ၊ ငိုကြွေးလျက်။ ဘဂဝန္တံ၊ ကို။ အဘိဝါဒေတွာ၊ ၍။ ပဒက္ခိဏံ၊ အရိုအသေကို။ ကတွာ၊ ပြု၍။ ပက္ကာမိ၊ ကပိလဝတ်မြို့တွင်းသို့ ပြန်လည်ဝင်သွားပြီ။
အထ ခေါ၊ ထိုအခါ၌။ ဘဂဝါ၊ သည်။ ကပိလဝတ္ထုသ္မိံ၊ ကပိလဝတ်မြို့၌။ ယထာဘိရန္တံ၊ အလိုတော်အားလျော်စွာ။ ( ဝေနေယျအများ, အကျိုးစီးပွားကို, လေးစားရှုမျှော်, အလိုတော်အားလျော်စွာ) ဝိဟရိတွာ၊ သီတင်းသုံးနေတော်မူပြီး၍။ ယေန၊ အကြင်အရပ်၌။ ဝေသာလီ၊ ဝေသာလီမြို့သည်။ (အတ္ထိ၊ ရှိ၏) တေန၊ ထိုဝေသာလီမြို့ရှိရာ အရပ်၌။ စာရိကံ၊ ခရီးဒေသစာရီ လှည့်လည်ကြွသွားတော်မူခြင်းကို။ ပက္ကာမိ၊ ကြွသွားတော်မူပြီ။
အနုပုဗ္ဗေန၊ အစဉ်အားဖြင့်။ စာရိကံ၊ ခရီးဒေသစာရီ ကြွချီတော်မူခြင်းကို။ ဝါ၊ ကြွချီတော်မူခြင်းဖြင့်။ စရမာနော၊ ကြွချီတော်မူလသော်။ ယေန(ပဒေသေန)၊ အကြင်အရပ်၌။ ဝေသာလီ၊ ဝေသာလီမြို့သည်။ (အတ္ထိ၊ ရှိ၏) တံ (ပဒေသံ)၊ ထိုဝေသာလီမြို့ရှိရာ အရပ်သို့။ အဝသရိ၊ ရောက်တော်မူပြီ။ [တနည်း- ယေန (ဒိသာဘာဂေန)၊ အကြင်အရပ်မျက်နှာဘက်ဖြင့်၊ ဝေသာလီ၊ ဝေသာလီမြို့သို့။ (အဝသရိတဗ္ဗာ၊ ရောက်အပ်ရောက်နိုင်၏။) တံ (တေန ဒိသာဘာဂေန)၊ ထိုအရပ်မျက်နှာဘက်ဖြင့်။ ဝေသာလိံ၊ ဝေသာလီမြို့ကို။ အဝသရိ၊ ရောက်တော်မူပြီ။]
ဘဂဝါ၊ မြတ်စွာဘုရားသည်။ တတြ ဝေသာလိယံ၊ ထိုဝေသာလီမြို့၌။ မဟာဝနေ၊ မဟာဝုန်၌။ ဝါ၊ ကြီးစွာသောတော၌။ ကူဋာဂါရသာလာယံ၊ အထွတ်တပ်ဆင်ထားအပ်သော ပြာသာဒ်ကျောင်းတော်၌။ ဝါ၊ ကူဋာဂါရသာလာကျောင်းတိုက်၌။ ဝိဟရတိ၊ ၏။
အထ ခေါ၊ ထိုအခါ၌။ (ဝေသာလီမြို့ မဟာဝုန်တော ကူဋာဂါရသာလာ ကျောင်းတိုက်၌ မြတ်စွာဘုရားသိတင်းသုံးနေတော်မူရာ ထိုအခါ၌)။ မဟာပဇာပတိ၊ သော။ ဂေါတမီ၊ သည်။ ကေသေ၊ ဆံပင်တို့ကို။ ဆေဒါပေတွာ၊ ရိတ်စေ၍။ ကာသာယာနိ၊ ဖန်ရည်ဖြင့် ဆိုးအပ်ကုန်သော။ ဝတ္ထာနိ၊ အဝတ်သင်္ကန်းတို့ကို။ အစ္ဆာဒေတွာ၊ ဝတ်ရုံလွှမ်းခြုံ၍။ သမ္ဗဟုလာဟိ၊ များစွာကုန်သော။ သာကိယာနီဟိ၊ သာကီဝင်မင်းသမီးတို့နှင့်။ သဒ္ဓိံ၊ အတူတကွ။ ယေန၊ အကြင်အရပ်၌။ ဝေသာလီ၊ သည်။ (အတ္ထိ) တေန၊ ထိုအရပ်၌။ ဝါ၊ သို့။ ပက္ကာမိ၊ ထွက်ခွာသွားပြီ။
အနုပုဗ္ဗေန၊ အစဉ်အားဖြင့်။ ယေန၊ အကြင်အရပ်၌။ ဝေသာလီ၊ ဝေသာလီမြို့သည်လည်းကောင်း။ မဟာဝနံ၊ မဟာဝုန်သည်လည်းကောင်း။ ကူဋာဂါရသာလာ၊ ကောင်း။ (အတ္ထိ၊ ရှိ၏) တေန၊ ထိုအရပ်၌ (ထိုဝေသာလီမြို့, မဟာဝုန်, ကူဋာဂါရသာလာ ကျောင်းတိုက်ရှိရာအရပ်၌။ ဝါ၊ သို့) ဥပသင်္ကမိ၊ ရောက်ပြီ။
အထ ခေါ၊ ကူဋာဂါရသာလာကျောင်းတိုက်သို့ရောက်ရာ ထိုအခါ၌။ မဟာပဇာပတိ၊ သော။ ဂေါတမီ၊ သည်။ သူနေဟိ၊ ဖူးဖူးရောင်နေကုန်သော။ ပါဒေဟိ၊ ခြေတို့ဖြင့်လည်းကောင်း။ ရဇောကိဏ္ဏေန၊ မြူမှုန်တို့ဖြင့် ရောပြွမ်းသော။ ဂတ္တေန၊ ကိုယ်ဖြင့်လည်းကောင်း။ [ဤကရိုဏ်းဝိဘတ်တို့ကား ဣတ္ထမ္ဘူတလက္ခဏအနက် ဟောများချည်းတည်း] ဒုက္ခီ၊ သည်။ပ။ ဗဟိဒွါရကောဋ္ဌကေ၊ တံခါးမှန်အပြင်ဘက်၌။ အဋ္ဌာသိ၊ ရပ်တည်နေပြီ။
အာယသ္မာ အနန္ဒော၊ အရှင်အာနန္ဒာသည်။ မဟာပဇာပတိံ၊ မဟာပဇာပတိမည်သော။ ဂေါတမိံ၊ ကို။ သူနေဟိ၊ ကုန်သော။ ပါဒေဟိ၊ ကောင်း။ ရဇောကိဏ္ဏေန၊ သော။ ဂတ္တေန၊ ကောင်း။ ဒုက္ခိံ၊ ကိုယ်စိတ်ဆင်းရဲရှိသည်ဖြစ်၍။ ဒုမ္မနံ၊ မကောင်းသောစိတ်ရှိ၍။ အဿုမုခိံ၊ မျက်ရည်စိုစွတ်သော မျက်နှာရှိ၍။ ရုဒမာနံ၊ ငိုကြွေးလျက်။ ဗဟိဒွါရကောဋ္ဌကေ၊ ၌။ ဌိတံ၊ ရပ်နေသည်ကို။ အဒ္ဒသာ ခေါ၊ မြင်ရသည်သာ၊
ဒိသွာ၊ မြင်ရပြီး၍။ မဟာပဇာပတိံ၊ သော။ ဂေါတမိံ၊ ကို။ ဧတံ၊ ဤစကားကို။ အဝေါစ၊ မေးမြန်းပြောဆိုပြီ။ (ကိန္တိ၊ အဘယ်သို့။ အဝေါစ၊ မေးမြန်း ပြောဆိုသနည်းဟူမူ)
ဂေါတမိ၊ ဂေါတမီ။ တွံ၊ သင်သည်။ ကိံနု၊ အဘယ်ကြောင့်။ သူနေဟိ၊ ကုန်သော။ပ။ ဒုက္ခီ၊ ကိုယ်စိတ်ဆင်းရဲရှိသည်။ ဒုမ္မနာ၊ ရှိသည်။ အဿုမုခီ၊ ရှိသည်။ (ဟုတွာ) ရုဒမာနာ၊ လျက်။ ဗဟိဒွါရကောဋ္ဌကေ၊ ၌။ ဌိတာ၊ ရပ်နေပါသနည်း။ ဣတိ၊ သို့။ (အဝေါစ၊ မေးမြန်းပြီ)။
ဘန္တေ အာနန္ဒ၊ အရှင်ဘုရားအာနန္ဒာ။ ဟိ(ယသ္မာ)၊ အကြင်ကြောင့်။ ဘဂဝါ၊ သည်။ မာတုဂါမဿ၊ ၏။ပ။ ပဗ္ဗဇ္ဇံ၊ ကို။ န အနုဇာနာတိ၊ ခွင့်ပြုတော်မမူ။ တထာ(တသ္မာ)၊ ထိုကြောင့်။ (သူနေဟိ၊ ကုန်သော။ ပါဒေဟိ၊ ကောင်း။ပ။ ဗဟိဒွါရကောဋ္ဌကေ၊ ၌။ ဌိတော၊ ရပ်နေပါ၏)။ ဣတိ၊ သို့။ (အဝေါစ၊ ဖြေကြားလျှောက်ထားပြီ)။
ဂေါတမိ၊ မီ။ တေနဟိ၊ ထိုသို့ဖြစ်လျှင်။ ယာဝ၊ အကြင်မျှလောက်ကာလပတ်လုံး။ အဟံ၊ ငါသည်။ ဘဂဝန္တံ၊ မြတ်စွာဘုရားကို။ မာတုဂါမဿ၊ ၏။ပ။ ပဗ္ဗဇ္ဇံ၊ ကို။ ယာစာမိ၊ တောင်းခံနေ၏။ တာတ၊ ထိုခွင့်တောင်းနေသေးသမျှ ကာလပတ်လုံး။ တွံ၊ သင်သည်။ မုဟုတ္တံ၊ တမဟုတ်အချိန်ကာလမျှ။ ဣဓေဝ၊ ဤနေရာ၌သာလျှင်။ ဟောတိ၊ ဖြစ်ရစ်(နေရစ်)ဦးလော။ ဣတိ၊ သို့။ (အဝေါစ၊ ပြောဆိုပြီ)။ပ။
ဘန္တေ၊ မြတ်စွာဘုရား။ မဟာပဇာပတိ၊ သော။ ဧသာ ဂေါတမီ၊ ဤဂေါတမီသည်။ သူနေဟိ၊ ကုန်သော။ ပါဒေဟိ၊ လည်းကောင်း။ပ။ ရုဒမာနာ၊ ငိုကြွေးလျက်။
ဘဂဝါ၊ သည်။ မာတုဂါမဿ၊ ၏။ပ။ ပဗ္ဗဇ္ဇံ၊ ကို။ န အနုဇာနာတိ၊ မမူ။ ဣတိ၊ ဤသို့ ညည်းတွား၍။ ဗဟိဒွါရကောဋ္ဌကေ၊ ၌။ ဌိတာ၊ ရပ်နေပါ၏။
ဘန္တေ၊ ရား။ သာဓု၊ တောင်းပန်ပါ၏။ မာတုဂါမော၊ သည်။ပ။ ပဗ္ဗဇ္ဇံ၊ ကို။ လဘေယျ၊ ရပါစေလော။ ဣတိ၊ သို့။ (အဝေါစ၊ လျှောက်ပြီ)။
အာနန္ဒာ၊ အာနန္ဒာ။ အလံ၊ မသင့်လျော်။ပ။
ပဗ္ဗဇ္ဇာ၊ သည်။ တေ၊ အား။ မာရုစ္စိ၊ လင့်။ ဣတိ (ပဋိက္ခိပိ၊ ပယ်မြစ်တော်မူပြီ)။
ဒုတိယမ္ပိ၊ နှစ်ကြိမ်မြောက်လည်း။ပ။ တတိယမ္ပိ။ပ။
မာ ရုစ္စိ၊ လင့်။ ဣတိ(ပဋိက္ခိပိ)
အထ ခေါ၊ သုံးကြိမ်တိတိ ပယ်မြစ်ပြီးရာ ထိုအခါ၌။ အာယသ္မတော အာနန္ဒဿ၊ အရှင်အာနန္ဒာမှာ။ ဧတံ၊ ဤသို့ စဉ်းစားမိခြင်းသည်။ အဟောသိ၊ ဖြစ်ပြီ။ (ကိန္တိ၊ ခြင်းသည်။ အဟောသိ၊ ဟူမူ)။
ဘဂဝါ၊ သည်။ပ။ ပဗ္ဗဇ္ဇံ၊ ကို။ န အနုဇာနာတိ၊ ခွင့်ပြုတော်မမူ။
အဟံ၊ ငါသည်။ အညေနပိ ပရိယာယေန၊ အခြားသောအကြောင်းပြ တမျိုးဖြင့်လည်း။ပ။ ပဗ္ဗဇ္ဇံ၊ ကို။ ဘဂဝန္တံ၊ ကို။ ယန္နူန ယာစေယျံ၊ တောင်းခံရပါမူ ကောင်းလေစွာ့။ ဣတိ၊ ဤသို့ စဉ်းစားမိခြင်းသည်။ (အဟောသိ၊ ပြီ)။
အထခေါ၊ စဉ်းစားမိပြီးရာ ထိုအခါ၌။ပ။
ဘန္တေ၊ ရား။ မာတုဂါမော၊ သည်။ပ။ အနဂါရိယံ၊ သို့။ ပဗ္ဗဇိတွာ၊ ဝင်ရောက်၍။ သောတာပတ္တိဖလံ ဝါ၊ သောတာပတ္တိဖိုလ်ကိုလည်းကောင်း။ပ။ အရဟတ္တဖလံ ဝါ၊ ကိုလည်းကောင်း။ သစ္ဆိကာတုံ၊ မျက်မှောက်ပြုခြင်းငှာ။ ဘဗ္ဗော နု ခေါ၊ ထိုက်ပါ၏လော။ ဣတိ (အဝေါစ၊ မေးလျှောက်ပြီ)။
အနန္ဒ၊ န္ဒာ။ မာတုဂါမော၊ သည်။ပ။ သောတာပတ္တိဖလမ္ပိ၊ ဖိုလ်ကိုလည်းကောင်း။ပ။ အရဟတ္တဖလမ္ပိ၊ ကောင်း။ သစ္ဆိကာတုံ၊ ငှာ။ ဘဗ္ဗော၊ ထိုက်ပါ၏။ ဣတိ (အဝေါစ၊ မိန့်ကြားပြီ)။
ဘန္တေ၊ ရား။ မာတုဂါမော၊ သည်။ပ။ သစ္ဆိကာတုံ၊ ငှာ။ သစေ ဘဗ္ဗော၊ အကယ်၍ ထိုက်ငြားအံ့။ (ဧဝံ သတိ၊ ဤသို့ ထိုက်သည်ဖြစ်လသော်)။ ဘန္တေ၊ ရား။ မဟာပဇာပတိ၊ သော။ ဂေါတမီ၊ သည်။ ဘဂဝတော၊ မြတ်စွာဘုရားအား။ ဗဟုကာရာ၊ များသောကျေးဇူးရှိပါ၏။ ဘဂဝတော၊ ၏။ မာတုစ္ဆာ၊ မိထွေးတော်ပါတည်း။ (မယ်တော်၏ ညီမပါတည်း)။ ဘဂဝတော၊ မြတ်စွာဘုရားကို။ အာပါဒိကာ၊ ဖွံ့ထွားလက်ခြေ, ကိုယ်နေစည်ကား, ကြီးပွားခြင်းသို့ ရောက်စေသူပါတည်း။ ဝါ၊ ခြေလက်စည်ပင်၊ ကိုယ်သန့်စင်အောင်, သုတ်သင် စောင့်ရှောက်သူပါတည်း။ ပေါသိကာ၊ ရေမိုးချိုးပေး, စားသောက်ကျွေး၍, မွေးမြူခဲ့သူပါတည်း။ ခီရဿ၊ နို့ရည်ကို။ ဒါယိကာ၊ တိုက်ကျွေးပေးလှူခဲ့သူပါတည်း။
ဘဂဝန္တံ၊ ကို။ ဇနေတ္တိယာ၊ မယ်တော်အရင်းသည်။ ကာလင်္ကတာယ၊ နတ်ရွာစံလသော်။ ထညံ၊ နို့ရည်ကို။ ပါယေသိ၊ တိုက်ကျွေးခဲ့ပါပြီ။
ဘန္တေ၊ ရား။ သာဓု၊ ပါ၏။ မာတုဂါမော၊ သည်။ပ။ ပဗ္ဗဇ္ဇံ၊ ကို။ လဘေယျ၊ ရပါစေလော၊ ဣတိ (အဝေါစ၊ ‌လျှောက်ပြီ)။
အာနန္ဒ၊ န္ဒာ။ မဟာပဇာပတိ၊ သော။ ဂေါတမီ၊ သည်။ အဋ္ဌ၊ ရှစ်မျိုးကုန်သော။ ဂရုဓမ္မေ၊ ဂရုဓမ်တို့ကို။ ဝါ၊ အလေးဂရုပြုထိုက်သော တရားတို့ကို။ သစေ ပဋိဂ္ဂဏှာတိ၊ အကယ်၍ လက်ခံနာယူကျင့်သုံးအံ့။ (ဧဝံ သတိ၊ ဤသို့လက်ခံနာယူကျင့်သုံးလသော်) သာဝ၊ ထိုဂရုဓမ်တို့ကို လက်ခံနာယူ ကျင့်သုံးခြင်းသည်ပင်လျှင်။ အဿာ၊ ထိုမဟာပဇာပတိဂေါတမီ၏။ ဥပသမ္ပဒါ၊ မြင့်မြတ်သော ဘိက္ခုနီအဖြစ်သို့ ရောက်ခြင်းသည်။ ဟောတု၊ ဖြစ်စေလော။ [ထို့နောက် ဂရုဓမ်ရှစ်ပါးကိုပြလို၍ "ဝဿသတူပသမ္ပန္နာယ" စသည်ကို မိန့်တော်မူ၏]။
ဝဿသတူပသမ္ပန္နာယ၊ မြင့်မြတ်သော ဘိက္ခုနီအဖြစ်သို့ ရောက်ပြီး၍ အနှစ်တရာရှိသော။ ဘိက္ခုနိယာ၊ ရဟန်းမသည်။ တဒဟူပသမ္ပန္နဿ၊ ထိုနေ့၌ မြင့်မြတ်သော ရဟန်းအဖြစ်သို့ ရောက်သော။ ဘိက္ခုနော၊ ရဟန်းကို။ အဘိဝါဒနံ၊ ရှိခိုးခြင်းကိုလည်းကောင်း။ (မာနနှိမ်ချိုး, ငါးမျိုးအင်္ဂါ, မြေမှာတည်ရိုး, ကော်ရော်မျိုးဖြင့်, ရှိခိုးခြင်းကိုလည်းကောင်း)။ ပစ္စုဋ္ဌာနံ၊ နေရာမှထ၍ ခရီးဦးကြိုဆိုခြင်းကို လည်းကောင်း။ [ပတိဥဋ္ဌာန၊ ထိုင်နေရာမှ ရှေ့ရှုကြိုတင် ထပေးခြင်း။ ရှေ့ရှုကြိုတင်ထ၍ ခရီးဦးကြိုဆိုခြင်း။ ဝါ၊ ခရီးဦးကြိုဆိုသောအားဖြင့် ထိုင်နေရာမှ ရှေ့ရှု ကြိုတင်ထပေးခြင်း]။ အဉ္ဇလိကမ္မံ၊ လက်အုပ်ချီမှု ပြုခြင်းကိုလည်းကောင်း။ သာမီစိကမ္မံ၊ အရိုအသေပြုခြင်းကိုလည်းကောင်း။ [လမ်းဖယ်ပေးခြင်း, နေရာခင်းပေးခြင်း, ယပ်လေခပ်ပေးခြင်း, သောက်ရေဖြင့် ဖိတ်မန်ခြင်း စသော သင့်လျော်သော အမှုတည်းဟူသော အရိုအသေ ပြုမှုကိုလည်းကောင်း။ သာမီစိ၊ သင့်လျော်သော+ ကမ္မ၊ ပြုလုပ်မှု။] ကတ္တဗ္ဗံ၊ ပြုရမည်။
အယမ္ပိ ဓမ္မော၊ ဤတရားကိုလည်း။ သက္ကတွာ၊ ကောင်းစွာပြု၍။ ဂရုံကတွာ၊ အလေးဂရုပြု၍။ မာနေတွာ၊ မြတ်နိုး၍။ ပူဇေတွာ၊ ပူဇော်၍။ ယာဝဇီဝံ၊ အသက်ကုန်ဆုံးသည်တိုင်အောင်။ အနတိက္ကမနီယော၊ မကျူးလွန်ရ။ ဝါ၊ မဖောက်ဖျက်ရ။
ဘိက္ခုနိယာ၊ ရဟန်းမသည်။ အဘိက္ခုကေ၊ (ယူဇနာဝက်အတွင်း၌) ဩဝါဒပေးမည့် ဆရာရဟန်းမရှိသော။ အာဝါသေ၊ ကျောင်း၌။ ဝဿံ၊ မိုးလပတ်လုံးနေခြင်းသို့။ ဝါ၊ ဝါသို့။ န ဥပဂန္တဗ္ဗံ၊ မကပ်ရောက်ရ။ပ။
အနွဍ္ဎမာသံ၊ လခွဲတိုင်း။ ဘိက္ခုနိယာ၊ ရဟန်းမသည်။ ဘိက္ခုသင်္ဃတော၊ ရဟန်းသံဃာမှ။ ဒွေ ဓမ္မာ၊ တရားနှစ်ပါးတို့ကို။ ပစ္စာသီသိတဗ္ဗာ၊ တောင့်တထိုက်ကုန်၏။ ဝါ၊ တောင့်တကြရမည်။ **ဥပေါသထပုစ္ဆကဉ္စ**၊ ဥပုသ်ကိုမေးခြင်းကိုလည်းကောင်း။ ဥပေါသထပုစ္ဆကံ ။ ။ "ကဒါ အယျ ဥပေါသထော- ဘယ်တော့ ဥပုသ်နေ့ပါလဲ အရှင်ဘုရား။ အယံ ဥပေါသထော စာတုဒ္ဒသိကော ပန္နရသိကော- ဤဥပုသ်သည် စာတုဒ္ဒသီပါလား, ပန္နရသီပါလား အရှင်ဘုရား"ဟူ၍ မေးမြန်းခြင်းသည် ဥပေါသထပုစ္ဆကမည်၏။ ဥပေါသထဿ ပုစ္ဆနံ ဥပေါသထပုစ္ဆာ၊ သာယေဝ ကပစ္စယံ ရဿတ္တဉ္စ ကတွာ ဥပေါသထပုစ္ဆကန္တိ ဝုတ္တာ။ ပါစိတ်ဩဝါဒသိက္ခာပုဒ် သာရတ္ထဋီကာ။၄၄။ ဩဝါဒူပသင်္ကမနဉ္စ၊ ဩဝါဒခံယူလိုပါကြောင်း ခွင့်တောင်းခြင်းငှာ လာရောက်ခြင်းကိုလည်းကောင်း။ ဝါ၊ ဩဝါဒခံယူခြင်းငှာ လာရောက်ခွင့်ကိုလည်းကောင်း။ ပစ္စာသီသိတဗ္ဗာ၊ ကုန်၏။ပ။
ဝဿံဝုဋ္ဌာယ၊ မိုးလပတ်လုံးနေပြီးသော။ ဝါ၊ ဝါကျွတ်ပြီးသော။ ဘိက္ခုနိယာ၊ ရဟန်းမသည်။ ဥဘတောသံဃေ၊ (ဘိက္ခု ဘိက္ခုနီအားဖြင့်) နှစ်ပါးစုံသောသံဃာ၌။ ဒိဋ္ဌေန ဝါ၊ မြင်ခြင်းဖြင့်လည်း‌ကောင်း။ သုတေန ဝါ၊ ကြားခြင်းဖြင့်လည်းကောင်း။ ပရိသင်္ကာယ ဝါ၊ သို့လော သို့လော တွေးတော ယုံမှာခြင်းဖြင့်လည်းကောင်း။ (ဣတိ၊ ဤမည်ကုန်သော) တီဟိ၊ သုံးမျိုးကုန်သော။ ဌာနေဟိ၊ အကြောင်းတို့ဖြင့်။ ပဝါရေတဗ္ဗံ၊ ဆုံးမခြင်းကို အလိုရှိစေရမည်။ ဝါ၊ ဖိတ်ကြားရမည်။ [ဝရဓာတ် ဣစ္ဆာအနက်ဟော]။ပ။
ဂရုဓမ္မံ၊ ကြီးလေးသော သံဃာဒိသေသ်အာပတ်သို့။ ဝါ၊ ကို။ အဇ္ဈာပန္နာယ၊ ကျော်လွန်လွှမ်းမိုး၍ရောက်သော။ ဝါ၊ လွန်ကျူးသော။ ဘိက္ခုနိယာ၊ သည်။ ဥဘတောသံဃေ၊ ၌။ ပက္ခမာနတ္တံ၊ တစ်ပက္ခပတ်လုံး ကျင့်ထိုက်သောမာနတ် ကျင့်ဝတ်ကို။ (တစ်ပက္ခပတ်လုံး ကျင့်ထိုက်သော ရဟန်းတို့မြတ်နိုးကြသည်၏ဖြစ်ကြောင့် ကျင့်ဝတ်ကို) စရိတဗ္ဗံ၊ ကျင့်ရမည်။ပ။
ဒွေ ဝဿာနိ၊ နှစ်နှစ်တို့ပတ်လုံး။ ဆသု၊ ခြောက်ပါးကုန်သော။ ဓမ္မေသု၊ သိက္ခာပုဒ်တရားတို့၌။ (ပါဏာတိပါတမှ စ၍ ဝိကာလဘောဇနတိုင်အောင်သော သိက္ခာပုဒ်တရားတို့၌) သိက္ခိတသိက္ခာယ၊ (သိက္ခာပုဒ် တခုတလေမျှကိုပင် မကျိုးမပေါက်အောင်)ဖြည့်ကျင့်အပ်ပြီးသော ကျင့်ဝတ်သိက္ခာရှိသော။ သိက္ခမာနာယ၊ သိက္ခမာန်မသည်။ ဥဘတောသံဃေ၊ ၌။ ဥပသမ္ပဒါ၊ (မြင့်မြတ်သော ပြည့်စုံခြင်းဟူသော) ဘိက္ခုနီအဖြစ်ကို။ ပရိယေသိတဗ္ဗာ၊ ရှာမှီးရမည်။ [ဥပရိဘူတာ အဂ္ဂဘူတာ သမ္ပဒါ ဥပသမ္ပဒါ။ သာရတ္ထ ဋီကာ၊ တ- ၁၈၂။ မဟာဝါ၊ မဟာခန္ဓက၊ ဓမ္မစက္ကပ္ပဝတ္တနသုတ်အဖွင့်]။ပ။
ကေနစိ ပရိယာယေန၊ တစုံတခုသောအကြောင်းကြောင့်။ ဝါ၊ မည်သည့် အကြောင်းကြောင့်မျှ။ ဘိက္ခုနိယာ၊ ရဟန်းမသည်။ ဘိက္ခု၊ ရဟန်းယောကျ်ားကို။ န အက္ကောသိတဗ္ဗော၊ မဆဲရေးရာ။ (အက္ကောသဝတ္ထု ဆယ်ပါးတို့တွင် တပါးပါးဖြင့်မျှ မဆဲရေးရ) နပရိဘာသိတဗ္ဗော၊ ဘေးကိုပြ၍ မခြိမ်းခြောက်ရ။ပ။
အဇ္ဇတဂ္ဂေ၊ ယနေ့ကိုအစပြု၍။ ဘိက္ခုနီနံ၊ ရဟန်းမတို့၏။ ဘိက္ခူသု၊ ရဟန်းတို့၌။ ဝစနပထော၊ ပြောဆိုဆုံးမ တရားဓမ္မဟောခြင်းဟူသော အကြောင်းကို။ ဩဝဋော၊ တားမြစ်ပိတ်ပင်တော်မူအပ်ပြီ။ ဘိက္ခူနံ၊ ရဟန်းတို့၏။ ဘိက္ခုနီသု၊ ရဟန်းမတို့၌။ ဝစနပထော၊ ကို။ အနောဝဋော၊ တားမြစ်ပိတ်ပင်တော်မမူအပ်။ [ဝစနံ ယေဝ ဝစနပထော-ဟု ပထသဒ္ဒါကို အနက်မဲ့ဖွင့်၏။ "ပြောဆိုဆုံးမတရားဓမ္မ ဟောခြင်းကို"ဟု အနက်ဆိုပါ]။ပ။
အထ ခေါ၊ ၌။ အာယသ္မာ အာနန္ဒော၊ သည်။ ဘဂဝတော၊ မြတ်စွာဘုရား၏။ သန္တိကေ၊ အထံတော်၌။ အဋ္ဌ၊ ရှစ်ပါးကုန်သော။ ဣမေ ဂရုဓမ္မေ၊ ဤဂရုဓမ်တို့ကို။ ဥဂ္ဂဟေတွာ၊ သင်ယူပြီး၍။ပ။
ဂေါတမိ၊ ဂေါတမီ။ တွံ၊ သင်သည်။ အဋ္ဌဂရုဓမ္မေ၊ ရှစ်ပါးကုန်သော ဂရုဓမ်တို့ကို။ သစေ ပဋိဂ္ဂဏှေယျာသိ၊ အကယ်၍ လက်ခံနာယူအံ့။ (ဧဝံ သတိ၊ ဤသို့ လက်ခံနာယူသည်ဖြစ်လသော်) သာဝ၊ ထိုဂရုဓမ်ရှစ်ပါးတို့ကို လက်ခံနာယူခြင်းသည်ပင်လျှင်။ တေ၊ သင်၏။ ဥပသမ္ပဒါ၊ (မြင့်မြတ်သော ပြည့်စုံခြင်းဟူသော) ဘိက္ခုနီအဖြစ်သည်။ ဘဝိဿတိ၊ ဖြစ်လတ္တံ့။ပ။ ဣတိ၊ သို့။ (အဝေါစ၊ မိန့်ကြားပြီ)
ဘန္တေ အာနန္ဒ၊ န္ဒာ။ ဒဟရော၊ ငယ်ရွယ်သော။ ယုဝါ၊ နုပျိုသော။ မဏ္ဍနကဇာတိကော၊ တန်ဆာဆင်တတ်သူ၏ သဘောရှိသော။ သီသံနှာတော၊ ဦးခေါင်းနှင့်တကွ ရေချိုးပြီးသော။ ဣတ္ထီ ဝါ၊ မိန်းမသည်လည်းကောင်း။ ပုရိသော ဝါ၊ ယောကျ်ားသည်လည်းကောင်း။ [အနီးကပ်ဆုံးဖြစ်သော "ပုရိသော" ပုဒ်အတိုင်း "ဒဟရော ယုဝါ"စသည်ဖြင့် ပုလ္လိင်ဖြင့် ဟောတော်မူ၏။ သို့သော်အနက်ပြန်ဆိုသောအခါ၌ကား "ဒဟရော၊ ငယ်ရွယ်သော။ ယုဝတီ၊ နုပျိုသော။ မဏ္ဍနကဇာတိကာ၊ သော။ သီသံနှာတာ၊ သော။ ဣတ္ထီ ဝါ၊ လည်းကောင်း။ ဒဟရော၊ သော။ ယုဝါ၊ သော။ မဏ္ဍနကဇာတိကော၊ သော။ သီသံနှာတော၊ သော။ ပုရိသော ဝါ၊ လည်းကောင်း"ဟူ၍ လိင်ပြင်ပြီး အသီးသီးတွဲစပ်၍ အနက်ပေးလိုကပေးနိုင်၏။] ဥပ္ပလမာလံ ဝါ၊ ကြာပန်းကိုလည်းကောင်း။ ဝဿိကမာလံ ဝါ၊ မြတ်လေးပန်း (ဝါ- မိုးဆွေပန်း)ကိုလည်းကောင်း။ အတိမုတ္တကမာလံ ဝါ၊ စစ်ကြီးပန်းကိုလည်းကောင်း။ လဘိတွာ၊ ရ၍။ ဝါ၊ ရလသော်။ ဥဘောဟိ၊ နှစ်ဖက်ကုန်သော။ ဟတ္ထေဟိ၊ လက်တို့ဖြင့်။ ပဋိဂ္ဂဟေတွာ၊ ခံယူပြီး၍။ ဥတ္တမင်္ဂေ၊ မြတ်သောကိုယ်အင်္ဂါဖြစ်သော။ သိရသ္မိံ၊ ဦးခေါင်းပေါ်၌။ ပတိဋ္ဌာပေယျ သေယျထာပိ၊ တည်စေရာသကဲ့သို့။
ဘန္တေ အာနန္ဒ၊ အရှင်အာနန္ဒာ။ ဧဝမေဝံ၊ ဤအတူပင်။ အဟံ၊ တပည့်တော်သည်။ အဋ္ဌ၊ ကုန်သော။ ဣမေ ဂရုဓမ္မေ၊ ဤဂရုဓမ်တို့ကို။ ယာဝဇီဝံ၊ အောင်။ အနတိက္ကမနီယေ၊ မကျူးလွန် မဖောက်ဖျက်ထိုက်ကုန်ဟူ၍။ ပဋိဂ္ဂဏှာမိ၊ လက်ခံနာယူပါ၏။ ဣတိ၊ သို့။ (အဝေါစ၊ လျှောက်ပြီ)။ပ။
ဘန္တေ၊ မြတ်စွာဘုရား။ မဟာပဇာပတိယာ၊ မဟာပဇာပတိမည်သော။ ဂေါတမိယာ၊ ဂေါတမီသည်။ အဋ္ဌ၊ ကုန်သော။ ဂရုဓမ္မာ၊ တို့ကို။ ယာဝဇီဝံ၊ အောင်။ အနတိက္ကမနီယာ၊ ဟူ၍။ ပဋိဂ္ဂဟိတာ၊ လက်ခံနာယူအပ်ပါကုန်ပြီ။ ဣတိ၊ သို့။ (အဝေါစ၊ လျှောက်ပြီ)
အာနန္ဒ၊ န္ဒာ။ မာတုဂါမော၊ သည်။ပ။ ပဗ္ဗဇ္ဇံ၊ ကို။ သစေ နာလဘိဿ၊ အကယ်၍ မရငြားအံ့။ အာနန္ဒ၊ န္ဒာ။ (ဧဝံ သတိ၊ ဤသို့မရသည်ဖြစ်လသော်) ဗြဟ္မစရိယံ၊ မြတ်သောအကျင့်ဟူသော သာသနာတော်သည်။ စိရဋ္ဌိတိကံ၊ ကြာမြင့်စွာတည်ခြင်း ရှိသည်။ အဘဝိဿ၊ ဖြစ်ရာပြီ။ သဒ္ဓမ္မော၊ သူတော်ကောင်းတရားသည်။ (သူတော်ကောင်းတရားတည်းဟူသော ပရိယတ္တိ, ပဋိပတ္တိ, ပဋိဝေဓမည်သော သာသနာတော်သုံးရပ်သည်)။ ဝဿသဟဿမေဝ၊ အနှစ်တထောင်ပတ်လုံးပင်လျှင်။ တိဋ္ဌေယျ၊ တည်ရာ၏။
အာနန္ဒ၊ န္ဒာ။ စခေါ၊ ထိုသို့မဟုတ်မူ၍။ ယတော၊ အကြင့်ကြောင့်။ မာတုဂါမော၊ အမျိုးသမီးသည်။ပ။ အနဂါရိယံ၊ ရှင်ရဟန်းမ၏ အဖြစ်သို့။ ပဗ္ဗဇိတော၊ ဝင်ရောက်ပြီ။ အာနန္ဒ၊ န္ဒာ။ (တတော၊ ထို့ကြောင့်) ဒါနိ၊ ယခုအခါ၌။ ဗြဟ္မစရိယံ၊ သည်။ စိရဋ္ဌိတိကံ၊ သည်။ န ဘဝိဿတိ၊ မဖြစ်တော့လတ္တံ့။
အာနန္ဒ၊ န္ဒာ။ ဒါနိ၊ ၌။ သဒ္ဓမ္မော၊ သည်။ ပဉ္စေဝ ဝဿသတာနိ၊ အနှစ်ငါးရာတို့ပတ်လုံးသာလျှင်။ ဌဿတိ၊ တည်တော့လတ္တံ့။
အာနန္ဒ၊ န္ဒာ။ ဗဟုတ္ထိကာနိ၊ များသောမိန်းမရှိကုန်သော။ အပ္ပပုရိသကာနိ၊ နည်းသောယောကျ်ားရှိကုန်သော။ ယာနိ ကာနိစိ၊ ကြွင်းမဲ့ဥဿုံ အားလုံစုံကုန်သော။ ကုလာနိ၊ အမျိုးတို့သည်။ ဝါ၊ အိမ်တို့သည်။ (သန္တိ၊ ရှိကုန်၏)။ တာနိ(ကုလာနိ)၊ ထိုအားလုံးသောအမျိုးတို့ကို။ ဝါ၊ ထိုအားလုံးသော အိမ်တို့ကို။ ဝါ၊ တို့သည်။ **ကုမ္ဘတ္ထေနကေဟိ**၊ အိုးမီးအရောင်ဖြင့် ခိုးတတ်ကုန်သော။ ကုမ္ဘတ္ထေနကေဟိ။ ။ ထေနေန္တီတိ ထေနကာ- ခိုးဝှက်တတ်သူများ။ ကုမ္ဘေန- မီးအိုးဖြင့်။ ဝါ- အိုးအတွင်း၌ ထွန်းထားအပ်သော မီးတိုင်အရောင်ဖြင့်။ ထေနကာ ကုမ္ဘတ္ထေနကာ၊ တေဟိ ကုမ္ဘတ္ထေနကေဟိ။ စောရေဟိ၊ သူခိုးတို့သည်။ သုပ္ပဓံသိယာနိ၊ လွယ်ကူစွာ ဖျက်ဆီးအပ် (ဖျက်ဆီးနိုင်)ကုန်သည်။ ဟောန္တိ သေယျထာပိ၊ ဖြစ်ကုန်သကဲ့သို့။
အာနန္ဒ၊ န္ဒာ။ ဧဝမေဝံ၊ ဤအတူပင်။ ယသ္မိံ ဓမ္မဝိနယေ၊ အကြင်တုတ်ဓားမပါ, တရားဖြင့်သာ ဆုံးမရာသာသနာတော်၌။ မာတုဂါမော၊ သည်။ပ။ ပဗ္ဗဇ္ဇံ၊ ဝင်ရောက်ခွင့်ကို။ လဘတိ၊ ရ၏။ တံ ဗြဟ္မစရိယံ၊ ထို ဓမ္မဝိနယဟူသော မြတ်သောအကျင့်သည်။ စိရဋ္ဌိတိကံ၊ ကြာမြင့်စွာ တည်တံ့ခြင်းရှိသည်။ န ဟောတိ၊ မဖြစ်။
အာနန္ဒ၊ န္ဒာ။ သမ္ပန္နေ၊ ပြည့်စုံသော။ သာလိက္ခေတ္တေ၊ သလေးစပါး လယ်ကွင်း၌။ **သေတဋ္ဌိကာနာမ**၊ ဖြူဖတ်ဖြူရော်ဖြစ်အောင် ဖျက်ဆီးတတ်သော ဖလံဖြူနာ မည်သော။သေတဋ္ဋိကာ နာမ ရောဂဇာတိ။ ။ "အဋ္ဋီတိ အာတုရတာ ဗျာဓိ ရောဂေါ"ဟူသော ဝေရဉ္ဇကဏ္ဍ ပါရာဇိကဏ်အဋ္ဌကထာ (၁၄၄)အဖွင့်နှင့် အညီ အဋ္ဋိသဒ္ဒါသည် အနာရောဂါဟူသော အနက်ကို ဟော၏။ အဋ္ဋဓာတ် ဣပစ္စည်း။ အဋ္ဋတိ ဟိံသတီတိ အဋ္ဋိ- ညှဉ်းဆဲနှိပ်စက်တတ်သောအနာရောဂါ။ သေတာ- ဖြူဖပ်ဖြူရော်ဖြစ်သော။ ဝါ- ဖြူဖပ်ဖြူရော်ဖြစ်အောင် နှိပ်စက်တတ်သော။ အဋ္ဋိ- ကောက်ရောဂါတည်း။ သေတဋ္ဋိ- ဖြူဖပ်ဖြူရော်ဖြစ်အောင် နှိပ်စက်တတ်သော ကောက်ရောဂါ (ဖလံဖြူနာ) သေတဋ္ဋိ ဧဝ သေတဋ္ဋိကာ။ ရှင်းပြဦးအံ့-
ကောက်ပင်များ အဖုံးဖုံးသောအခါ ဖလံဖြူမည်သော ပိုးကောင်သည် ကောက်ပင်၏ ရိုးတန်အတွင်းမှ အဆစ်အညှောက်တို့ကို ထိုးဖောက်ဖျက်ဆီး၏။ ထို့ကြောင့် စပါးအခွံအတွင်း၌ နို့ရည်မရှိသဖြင့် အဆန်မတည်နိုင်တော့သည့်အတွက် ထွက်လာသော စပါးနှံသည် ဖြူဖပ်ဖြူရော် အရောင်ပေါက်၍ စပါးဖျင်းအဖြစ်သို့ ရောက်ရလေတော့၏။ ထိုအဖြစ်မျိုးသို့ ရောက်စေတတ်သော ကောက်နာကို သေတဋ္ဋီကာဟု ခေါ်သည်။ ဤသို့သော အနက်အဓိပ္ပါယ်အတွက် ပါရာဇိကဏ်အဋ္ဌကထာ၌ မုဒ္ဓဇပဌမအက္ခရာနှစ်လုံးဆင့်ဖြင့် "သေတဋ္ဋိကာတိပိ ပါဌော" စသည်ဖြင့် ဖွင့်ထားပါလျက် ယခုစာမူများ၌ မုဒ္ဓဇ ပဌမ ဒုတိယ အက္ခရာနှစ်လုံးဆင့်ဖြင့် "သေတဋ္ဌိကာ"ဟု ပါဌ်ရှိနေလေ၏။ အရိုးအနက်ဟော အဋ္ဌိသဒ္ဒါနှင့် ထိုသေတဋ္ဌိကာပါဌ်ကာ၊ ဒုဗ္ဘိက္ခပုဒ်ပါရှိသော ဝေရဉ္ဇကဏ္ဍနှင့်သာ လျော်၍ ဤနေရာနှင့် မလျော်။
ရောဂဇာတိ၊ ရောဂါမျိုးသည်။ နိပတတိ၊ ကျရောက်အံ့။ ဧဝံ၊ ဤသို့ ကျရောက်လသော်။ တံ သာလိက္ခေတ္တံ၊ ထိုသလေးလယ်ကွင်းသည်။ စိရဋ္ဌိတိကံ၊ သည်။ န ဟောတိ သေယျထာပိ၊ မဖြစ်သကဲ့သို့။ပ။
ဥစ္ဆုက္ခေတ္တေ၊ ကြံခင်း၌။ **မဉ္ဇိဋ္ဌိကာ နာမ**၊ နီကြင်ကြင် အဆင်းရှိအောင် ပြုတတ်ဖျက်ဆီးတတ်‌သော အနာမည်သော။ပ။မဉ္စိဋ္ဌိကာ နာမ ရောဂဇာတိ။ ။ ဥစ္ဆူနံ- ကြံတို့၏။ အန္တောရတ္တဘာဝေါ- အတွင်း၌ (အတွင်းက အသားများ) နီမြန်းကုန်သည်၏ ဖြစ်ကြောင်းရောဂါသည်။ မဉ္ဇိဋ္ဌိကာ နာမ ရောဂဇာတိ- မဉ္ဇိဋ္ဌိကာမည်သော ရောဂါမျိုးမည်၏။ ဤ၌ နီမြန်းသည်ဟု ဆိုရသော်လည်း ကြက်သွေးကဲ့သို့ အနီရင့်ရောင်ကို မဉ္ဇိဋ္ဌဟု ဆိုလိုသည်မဟုတ်။ မဉ္ဇိဋ္ဌသဒ္ဒါသည် မန္ဒရတ္တ (အနည်းငယ်နီသော အဆင်းရောင်ဟူသော) အနက်ကို ဟောသောကြောင့် ကြံပင်များ ပိုးကျသောအခါ ကြံချောင်း၏ အထဲက အသားများ နီကြင်ကြင် (အန္တောရတ္တ)ဖြစ်နေသည်ကို မဉ္ဇိဋ္ဌဟု ဆိုလို၏။ ထို့နောက် တဒ္ဓိတ်ဏိက (ဣက) ပစ္စည်းသတ်၍ "မဉ္ဇိဋ္ဌံ ကရောတီတိ မဉ္ဇိဋ္ဌိကာ- (ကြံချောင်းတို့၏အတွင်းသားများ) နီကြင်ကြင် အဆင်းရှိအောင် ပြုတတ်(ဖျက်ဆီးတတ်)သော ရောဂါ"ဟု ဝစနတ္ထပြု။
မန္ဒရတ္တံ သိန္ဒုဝါရ ကရဝီရမကုဠသမာနံ မဉ္ဇိဋ္ဌကံ (အဋ္ဌသာလိနီ၊ ရူပကဏ္ဍ၊ ၃၅၄)။ ရဇကော ဟိ....မဉ္ဇိဋ္ဌကတ္ထာယ ဥပသံဟရန္တော ကဏဝီရပုပ္ဖသဒိသေ မန္ဒရတ္တေ။ မူလပဏ္ဏာသ ဝတ္ထသုတ်အဋ္ဌကထာ၊ ၁၇၁။
ထို့အပြင် မြတ်စွာဘုရား၏ မဉ္ဇိဋ္ဌရောင်ခြည်တော်ကို မောင်းသော ရောင်ခြည်တော်ဟူ၍ မြန်မာပြန်ရာ၌လည်း "မဉ္ဇိဋ္ဌာနန္တိ မန္ဒရတ္တာနံ"ဟူသော ပဋိသမ္ဘိဒါမဂ် အဋ္ဌကထာ၊ ဒု-၁၃ (ရောင်ခြည်တော်ဖွင့်)နှင့်အညီ အနီနု(မန္ဒရတ္ထ) အရောင်ကို မောင်းသောရောင်ခြည်တော်ဟု ဆိုရမည်ဖြစ်၏။
ဧဝံ၊ သော်။ တံ ဥစ္ဆုက္ခေတ္တံ၊ ထိုကြံခင်းသည်။ပ။
အာနန္ဒ၊ န္ဒာ။ ပုရိသော၊ ယောကျ်ားသည်။ မဟတော၊ ကြီးစွာသော။ တဠာကဿ၊ တဖက်ဆည်ကန်၏။ အာဠိံ၊ ကန်ဘောင်ကန်ရိုးကို။ ဥဒကဿ၊ ရေ၏။ ယာဝဒေဝ အနတိက္ကမနာယ၊ မကျော်လွန်နိုင်လောက်အောင် အကျိုးငှာသာလျှင်။ ပဋိကစ္စေဝ၊ ကြိုတင်၍သာလျှင်။ ဗန္ဓေယျ သေယျထာပိ၊ ဖွဲ့နှောင် ဆည်ဖို့ရာသကဲ့သို့။
အာနန္ဒ၊ န္ဒာ။ ဧဝမေဝံ၊ ဤအတူသာလျှင်။ မယာ၊ ငါသည်။ ပဋိကစ္စေဝ၊ သာလျှင်။ ဘိက္ခုနီနံ၊ ရဟန်းမတို့အား။ ယာဝဇီဝံ၊ အသက်ကုန်ဆုံးသည်တိုင်အောင်။ အနတိက္ကမနီယာ၊ မကျူးလွန် မဖောက်ဖျက်နိုင်ကုန်သော။ အဋ္ဌ၊ ရှစ်ပါးကုန်သော။ ဂရုဓမ္မာ၊ ထိုကို။ ပညတ္တာ၊ ပညတ်တော်မူအပ်ပြီးကုန်ပြီ။ ဣတိ၊ ဤသို့ (အဝေါစ၊ မိန့်တော်မူပြီ)
ပဌမံ။