ယေန ဝုဍ္ဎော, တေန ပရိဝတ္တိတဗ္ဗန္တိ၊ ကား။ ဝုဍ္ဎာဘိမုခေန၊ သီတင်းကြီးဘက်သို့ ရှေးရှုသော မျက်နှာရှိသည်။ (ဟုတွာ) ပရိဝတ္တဗ္ဗံ၊ ပြန်လည်ရာ၏။ [သီတင်းကြီးနှင့်အတူ စင်္ကြံတစ်ခုထည်း၌ စင်္ကြံဆုံး၍ ပြန်လှည့်သောအခါ သီတင်းကြီးဘက်ကျောပေး၍ မလှည့်ပါနှင့်, သီတင်းကြီးဘက် မျက်နှာ မူ၍လှည့်ပါ- ဟူလို။]

သေသာနိ ၊ပေ၊ ကာတဗ္ဗာနိ။ ။ အများဝင်နိုင် ထွက်နိုင်သော တံခါးပေါက်ကြီးကို ပိတ်ခြင်းဖွင့်ခြင်း၌ သီတင်းကြီးထေရ်အား ခွင့်ပန်ဖွယ် မလို၊ ပါဠိကို ရွတ်ပြ (ပို့ချ) ခြင်း အစရှိသည်တို့ကိုကား ခွင့်ပန်ရမည်၊ ဥဒ္ဒေသဒါနာဒီနိ၌ အာဒိဖြင့် ပါဠိတော်၌လာသော (ပရိပုစ္ဆာ) အဖန်ဖန်ပေးအပ်သော အဋ္ဌကထာကို ပို့ချခြင်း, (သဇ္ဈာယ) စားအံ့ခြင်း, တရားဟောခြင်း, မီးထွန်းခြင်း, မီးငြိမ်းခြင်း, လေသာပြူတင်းများကို ဖွင့်ခြင်း, ပိတ်ခြင်းတို့ကိုယူပါ။

အထာပိ ၊ပေ၊ ဝဋ္ဋတိ။ ။ သီတင်းငယ်ရဟန်းက "ဥဒ္ဒေသစသော အမှုများကို ခွင့်ပန်အပ်ပြီး ဖြစ်ပါစေတော့ဘုရား" ဟုလျှောက်ထား၍ သီတင်းကြီးကလည်း "ကောင်းပြီ" ဟုလက်ခံလျှင်သော်လည်းကောင်း သီတင်းကြီးကိုယ်တိုင် "ချမ်းသာစွာ နေတာပေါ" ဟု မိန့်ဆိုလျှင်သော်လည်းကောင်း ဥဒ္ဒေသဒါန စသည်ကိုခွင့်ပန်ဖွယ်မလို၊ ဤစကားကိုထောက်၍ အချို့ကျောင်းတိုက်၌ ရောက်သစ်စ အာဂန္တုများကို " စားအံမီးထွန်းမှ စ၍ ခွင့်ပြုမကောင်းသော ဝတ်အကျင့်များကိုခွင့်ပြုတော်မူပါဘုရား" ဟု လျှောက်ထားစေကြသည်။ သို့သော် ဤကျင့်ဝတ်သည် တစ်တိုက်လုံးအတွက် ကျင့်ဝတ် မဟုတ်၊ "သစေ ဝုဍ္ဎေန သဒ္ဓိံ ဧကဝိဟာရေတိ" စသည်ဖြင့် လာသောကြောင့် တစ်ကျောင်းထည်း၌ အတူနေ သံဃာငယ်များက အကြီးဆုံး ထေရ်, အပေါ်၌ ကျင့်ရမည် ကျင့်ဝတ်ဟု သိပါ။